अखेर ट्रॅफिक जामचं टेन्शन संपलं, मार्केटमध्ये आली उडणारी कार; ‘इतक्या’ किमतीत होणार उपलब्ध

अलेफ एरोनॉटिक्स : अमेरिकन कंपनी अलेफ एरोनॉटिक्सने आकाशात उडणाऱ्या कारचा पहिला व्हिडिओ प्रसिद्ध केला आहे, जो एखाद्या Science-Fantasy चित्रपटासारखा दिसतो.

वॉशिंग्टन : वाहतूक कोंडीचा सामना करणाऱ्या वाहनचालकांसाठी आता एक क्रांतिकारी तंत्रज्ञान समोर आले आहे. अमेरिकन ऑटोमोबाईल कंपनी अलेफ एरोनॉटिक्स (Aleph Aeronautics) ने जगातील पहिली उडणारी कार सादर केली असून, तिच्या चाचणीचा पहिला व्हिडिओ इंटरनेटवर व्हायरल झाला आहे. विज्ञान-फॅंटसी चित्रपटात दिसणाऱ्या उडणाऱ्या कारप्रमाणेच ही कार हवेत झेपावते आणि पुन्हा जमिनीवर उतरते. तज्ज्ञांच्या मते, वाहतुकीच्या क्षेत्रात ही क्रांती ठरू शकते.

पहिली चाचणी आणि उड्डाणाचा थरार

कॅलिफोर्नियामधील या कंपनीने त्यांच्या Aleph Model Zero कारची पहिली चाचणी यशस्वीपणे पूर्ण केली. या चाचणीदरम्यान, ही इलेक्ट्रिक कार रस्त्यावर थोडा वेग घेतल्यानंतर हवेत झेपावली आणि समोर उभ्या असलेल्या कारला सहज ओलांडून पुन्हा जमिनीवर उतरली. हा क्षण विज्ञान-कल्पनांमध्ये पाहायला मिळणाऱ्या दृश्यांसारखा वाटत होता. या कारमध्ये इलेक्ट्रिक प्रोपल्शन सिस्टम वापरण्यात आली आहे, तसेच तिच्या बॉडीला एक विशेष मेष संरचना (mesh body) देण्यात आली आहे, जी प्रोपेलर ब्लेडला झाकून सुरक्षित बनवते. यामुळे ही कार स्थिरपणे उडू शकते आणि वाहनचालकाला हवेत सहज दिशानिर्देशन करता येते.

जागतिक घडामोडी संबंधित बातम्या वाचण्यासाठी येथे क्लिक करा : ‘लॉरेंस भाई के लिए जान भी हाजिर…’ पाकिस्तानी गँगस्टर शेहजादच्या व्हिडिओने उडाली एकच खळबळ

वाहतुकीच्या कोंडीतून मुक्तता!

जगभरातील मोठ्या शहरांमध्ये वाहतुकीची समस्या दिवसेंदिवस वाढत आहे. भारतासारख्या देशांत तर ही समस्या अत्यंत गंभीर असून, तासन्‌तास ट्रॅफिक जॅममध्ये अडकण्याचा अनुभव नागरिकांना वारंवार येतो. अशा परिस्थितीत उडणारी कार ही समस्या सोडवण्यासाठी एक प्रभावी पर्याय ठरू शकतो. कल्पना करा तुम्ही वाहतुकीच्या जाममध्ये अडकलात आणि तुमची कार थेट हवेत उड्डाण करून काही क्षणांत ट्रॅफिकमधून बाहेर पडते! ही संकल्पना आता फक्त स्वप्न न राहता प्रत्यक्षात येऊ शकते.

See more

ALEF’S FLYING CAR MOVES CLOSER TO REALITY WITH SUCCESSFUL TESTS California-based startup Alef Aeronautics is pushing ahead with its Model A flying car, aiming for production by early 2026. The vehicle, which can drive like a car and take off vertically, is undergoing flight… pic.twitter.com/laQQi7Y9xu — Mario Nawfal (@MarioNawfal) February 22, 2025

credit : social media

किंमत आणि उपलब्धता

अलेफ एरोनॉटिक्सच्या मते, या कारची किंमत सुमारे 2.5 कोटी रुपये (300,000 डॉलर्स) असेल. ही कार अद्याप बाजारात उपलब्ध नाही, परंतु तिला व्यावसायिक स्तरावर आणण्याच्या दिशेने कंपनी वेगाने वाटचाल करत आहे. अलेफ एरोनॉटिक्सने 2025 पर्यंत या कारचे उत्पादन सुरू करण्याचे लक्ष्य ठेवले आहे. सध्या या कारचा एक अल्ट्रालाइट प्रोटोटाइप चाचणीसाठी वापरण्यात आला असून, त्याच्या तांत्रिक सुधारणा आणि सुरक्षा चाचण्या सुरू आहेत.

वाहन उद्योगासाठी ऐतिहासिक पाऊल

वाहतूक क्षेत्रात ही कार खऱ्या अर्थाने क्रांतिकारी बदल घडवू शकते. भविष्यात, ट्रॅफिक जॅम ही संकल्पनाच कालबाह्य होऊ शकते आणि लोक सरळ हवेतून प्रवास करू शकतील. मात्र, या नव्या तंत्रज्ञानासोबत अनेक आव्हानेही येतील, हवाई वाहतुकीचे नियम, सुरक्षिततेची हमी आणि ऊर्जा कार्यक्षमतेचा विचार यासाठी सरकारांना आणि कंपन्यांना कठोर नियोजन करावे लागेल.

जागतिक घडामोडी संबंधित बातम्या वाचण्यासाठी येथे क्लिक करा : “भारताला मागे टाकले नाही, तर माझे नाव बदला!” पाकिस्तानचे पंतप्रधान शाहबाज शरीफ यांच्या गर्जनेला नेटकऱ्यांचाही टोला

उडणाऱ्या कारचे भविष्य

तंत्रज्ञानाचा वेग पाहता, उडणाऱ्या कारच्या वापराचा मार्ग सुकर होईल अशी शक्यता आहे. यासाठी उड्डाणासाठी स्वतंत्र लेन किंवा हवाई मार्ग तयार करावे लागतील, तसेच वाहतूक नियंत्रक यंत्रणेत मोठ्या सुधारणा कराव्या लागतील. जगभरातील तंत्रज्ञानप्रेमींनी आणि वाहनउद्योगाने या प्रयोगाकडे मोठ्या आशेने पाहत असून, भविष्यात ही कार व्यावसायिक वापरासाठी बाजारात येईल, असे तज्ज्ञांचे मत आहे. वाहतुकीत क्रांती घडवणाऱ्या या तंत्रज्ञानाकडे संपूर्ण जगाचे लक्ष लागले आहे.