“भारताला मागे टाकले नाही, तर माझे नाव बदला!” पाकिस्तानचे पंतप्रधान शाहबाज शरीफ यांच्या गर्जनेला नेटकऱ्यांचाही टोला

गेल्या काही वर्षांपासून पाकिस्तानची अर्थव्यवस्था बिकट आहे. पाकिस्तानच्या अर्थव्यवस्थेला विकसनशील अर्थव्यवस्था म्हटले जात असले तरी हा देश आयएमएफच्या बेलआउट पॅकेजवर चालत आहे.

"भारताला मागे टाकले नाही, तर माझे नाव बदला!" पाकिस्तानचे पंतप्रधान शाहबाज शरीफ यांच्या गर्जनेला नेटकऱ्यांचाही टोला ( फोटो सौजन्य : सोशल मीडिया)

Follow Us:

Follow Us:

इस्लामाबाद – पाकिस्तानचे पंतप्रधान शाहबाज शरीफ यांनी आपल्या देशाच्या प्रगतीविषयी एक मोठे विधान केले असून, “जर पाकिस्तानने भारताला मागे टाकले नाही तर माझे नाव बदला,” असे ते म्हणाले. त्यांच्या या विधानामुळे दोन्ही देशांमध्ये मोठी चर्चा सुरू झाली आहे.

शाहबाज शरीफ यांचा आत्मविश्वासाने भरलेला दावा

शनिवारी डेरा गाझी खान येथे एका जाहीर सभेत भाषण करताना शाहबाज शरीफ यांनी हे विधान केले. ते म्हणाले, “आम्ही पाकिस्तानला एक महान राष्ट्र बनवू आणि भारताला मागे टाकू. जर आम्ही तसे करू शकलो नाही, तर माझे नाव शहबाज शरीफ नाही.” त्यांच्या या विधानामुळे पाकिस्तानमध्ये आशेचा सूर उमटला असला तरी सोशल मीडियावर मात्र लोकांनी वेगवेगळ्या प्रतिक्रिया दिल्या आहेत. काहींनी त्यांच्या विधानाचे समर्थन केले, तर काहींनी त्यांची खिल्ली उडवली.

If I don’t defeat #India, my name is not Shehbaz Sharif,” says PM Shehbaz, pledging to outpace regional rivals like India in development. Speaking in Dera Ghazi Khan, he emphasized the need for unprecedented federal-provincial collaboration to steer Pakistan towards progress.… pic.twitter.com/nQudEuLH2K

— Ghulam Abbas Shah (@ghulamabbasshah) February 22, 2025

credit : social media

पाकिस्तानच्या अर्थव्यवस्थेची बिकट अवस्था

पाकिस्तान सध्या गंभीर आर्थिक संकटाचा सामना करत आहे. आंतरराष्ट्रीय नाणेनिधी (IMF) कडून बेलआउट पॅकेज मिळवून अर्थव्यवस्था चालवण्याची वेळ पाकिस्तानवर आली आहे. देशाच्या एकूण जीडीपीपैकी ७४.३ टक्के हिस्सा हा कर्जाच्या ओझ्याखाली आहे. देशांतर्गत आणि आंतरराष्ट्रीय कर्जामुळे पाकिस्तान आर्थिक संकटात सापडला आहे.

देशातील महागाई मोठ्या प्रमाणात वाढली असून, नागरिकांना जीवनावश्यक वस्तू खरेदी करणेही कठीण झाले आहे. पाकिस्तानमध्ये पेट्रोलचा दर अजूनही २५० रुपयांपेक्षा जास्त आहे, तर विजेचा दर ४० रुपयांपेक्षा अधिक आहे. अशा परिस्थितीत शाहबाज शरीफ यांनी देशाच्या आर्थिक परिस्थितीबाबत मोठे दावे केल्याने अनेक तज्ज्ञांनी त्यावर प्रश्नचिन्ह उपस्थित केले आहे.

जागतिक घडामोडी संबंधित बातम्या वाचण्यासाठी येथे क्लिक करा : तुर्कियेच्या 5th Generation ‘KAAN’ लढाऊ विमानाची आकाशात भरारी ; भारताचा ‘AMCA’ प्रकल्प अद्याप प्रतीक्षेत

महागाईवर नियंत्रणाचा दावा

शाहबाज शरीफ यांनी आपल्या भाषणात असाही दावा केला की त्यांच्या नेतृत्वाखाली महागाई कमी झाली आहे. ते म्हणाले, “जेव्हा आमचे सरकार सत्तेत आले, तेव्हा महागाईचा दर ४० टक्के होता. मात्र, आमच्या प्रयत्नांमुळे आता तो केवळ २ टक्क्यांवर आला आहे.” मात्र, अनेक अर्थतज्ज्ञ आणि माध्यमांनी त्यांच्या या दाव्यांवर शंका व्यक्त केली आहे. पाकिस्तानच्या सर्वसामान्य नागरिकांना अजूनही महागाईचा मोठा फटका बसत आहे. त्यामुळे हा आकडा वास्तविकतेपासून दूर असल्याची चर्चा सुरू आहे.

भारतासोबत चर्चेची इच्छा आणि काश्मीर प्रश्न

याआधी, या महिन्याच्या सुरुवातीला शाहबाज शरीफ यांनी भारतासोबत शांततापूर्ण चर्चा करण्याची तयारी दर्शवली होती. त्यांनी पाकिस्तान काश्मीर प्रश्नासह सर्व विवाद चर्चेच्या माध्यमातून सोडवण्यास इच्छुक असल्याचे सांगितले होते. मुझफ्फराबाद येथे आयोजित पाकव्याप्त काश्मीर विधानसभेच्या विशेष सत्रादरम्यान त्यांनी “काश्मीर एकता दिवस” निमित्त ही टिप्पणी केली होती.

शाहबाज शरीफ यांच्या वक्तव्यावर सोशल मीडियावर गंमतीशीर प्रतिक्रिया

शाहबाज शरीफ यांच्या “माझे नाव बदला” या वक्तव्यावर सोशल मीडियावर मोठी गंमत पाहायला मिळाली. अनेकांनी त्यांना नवी नावे सुचवली. काहींनी त्यांना “शहबाज मोदी”, “शहबाज गांधी” असे नाव सुचवले, तर काहींनी “शहबाज आशावादी” असे नाव देण्याचा प्रस्ताव मांडला.

जागतिक घडामोडी संबंधित बातम्या वाचण्यासाठी येथे क्लिक करा : ‘जेव्हा ट्रम्प-मोदी बोलतात तेव्हा लोकशाहीला धोका…’ डाव्या विचारसरणीवर इटलीच्या पंतप्रधान मेलोनी यांचा हल्लाबोल

पाकिस्तानला भारताच्या पुढे जाण्यासाठी मोठे आव्हान

शाहबाज शरीफ यांच्या दाव्यानुसार पाकिस्तान येत्या काही वर्षांत भारताला प्रगतीच्या बाबतीत मागे टाकेल. मात्र, पाकिस्तानची सद्यस्थिती पाहता हे शक्य होईल का, याबाबत तज्ज्ञ साशंक आहेत. भारत सध्या जगातील पाचव्या क्रमांकाची सर्वात मोठी अर्थव्यवस्था असून, डिजिटल क्रांती, उत्पादन उद्योग आणि तंत्रज्ञान क्षेत्रात मोठी प्रगती करत आहे. त्याच्या तुलनेत पाकिस्तान अजूनही कर्जावर अवलंबून आहे आणि आर्थिक सुधारणांच्या दिशेने फारशी प्रगती झालेली नाही. त्यामुळे पाकिस्तानला भारताच्या पुढे जाण्यासाठी मोठ्या आर्थिक आणि धोरणात्मक बदलांची गरज आहे.

दोन्ही देशांमध्ये चर्चेला उधाण

शाहबाज शरीफ यांनी आत्मविश्वासाने भारताला मागे टाकण्याचा दावा केला असला, तरी त्यासाठी पाकिस्तानला मोठ्या प्रमाणात सुधारणा कराव्या लागतील. सध्याच्या परिस्थितीत हा दावा कितपत सत्यात उतरेल, हे पाहणे महत्त्वाचे ठरेल. मात्र, त्यांच्या विधानांमुळे दोन्ही देशांमध्ये चर्चेला उधाण आले आहे, हे निश्चित!

Web Title: Pakistani pm shahbaz sharifs bold challenge on beating india sparks online criticism nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com