Black Friday Sale 2025: शॉपिंगची लॉटरी! या कंपन्यांनी केली सेलची घोषणा, प्रोडक्ट्सवर मिळणार भन्नाट डिल्स!

ऑनलाईन शॉपिंग प्लॅटफॉर्मने भारतात ब्लॅक फ्रायडे सेलची घोषणा केली आहे. या सेलमध्ये ग्राहकांना इलेक्ट्रॉनिक्स, फॅशन, ब्यूटी आणि होम कॅटेगिरीमधील प्रोडक्ट्सवर मोठं डिस्काऊंट ऑफर केलं जाणार आहे.

• टॉप कंपन्यांनी केली सेलची घोषणा
• मोबाईल–टीव्ही–गॅजेट्सवर तगड्या ऑफर्स
• या कंपन्यांनी जाहीर केला मेगा सेल

2025 मधील सर्वात मोठा शॉपिंग फेस्टिवल आता लवकरच सुरु होणार आहे. हा सेल ब्लॅक फ्रायडे सेल या नावाने ओळखला जातो. ई कॉमर्स कंपन्या सध्या या सेलची तयार करत आहेत. या सेलमध्ये ग्राहकांना अनेक वस्तू कमी किंमतीत खरेदी करण्याची संधी मिळते. हा सेल म्हणजे ग्राहकांसाठी बचत करण्याची सुवर्णसंधी असते. अनेक महागडे प्रोडक्ट्स ग्राहकांना सेलमध्ये कमी किंमतीत खरेदी करण्याची संधी मिळते. आता आम्ही तुम्हाला काही ई कॉमर्स कंपन्यांबद्दल सांगणार आहोत, ज्यांनी भारतात ब्लॅक फ्रायडे सेलची घोषणा केली आहे.

Chrome यूजर्स सावधान! सरकारी एजेंसीने दिला इशारा, हॅकर्सपासून वाचण्यासाठी लगेचच करा ‘हे’ काम

फ्लिपकार्टने ब्लॅक फ्रायडे सेलची घोषणा केली असून या सेलमध्ये अनेक प्रोड्क्टसवर मोठं डिस्काऊंट ऑफर केलं जाणार आहे. याशिवाय Croma आणि Myntra ने देखील ब्लॅक फ्रायडे सेल कधीपासून सुरु होणार आहे, याबाबत घोषणा केली आहे. तर अ‍ॅमेझॉनवर ब्लॅक फ्रायडे सेल कधी सुरु होणार, याबाबत अनेकांना संभ्रम आहे. या सेलमध्ये ग्राहकांना इलेक्ट्रॉनिक्स, फॅशन, ब्यूटी आणि होम कॅटेगिरीमध्ये मोठं डिस्काऊंट मिळणार आहे. (फोटो सौजन्य – Pinterest)

Flipkart Black Friday Sale 2025

Flipkart ने सांगितलं आहे की, या प्लॅटफॉर्मवर ब्लॅक फ्रायडे सेल 2025 हा आजपासून म्हणजेच 23 नोव्हेंबरपासून सुरु झाला आहे. या सेलमध्ये ग्राहकांना इलेक्ट्रॉनिक्स, फॅशन, एप्लायंसेस आणि होम डेकोरवर 80% पर्यंत सूट दिली जाणार आहे. Flipkart Plus आणि Black मेंबर्सना आधीच सेलचा अ‍ॅक्सेस देण्यात आला आहे. हा सेल 30 नोव्हेंबरपर्यंत सुरु राहणार असल्याची माहिती देण्यात आली आहे. या सेलमध्ये ग्राहकांना टॉप ब्रँड्सचे स्मार्टफोन, स्मार्टवॉच, टीवी, वॉशिंग मशीन, फ्रिज, एयर कंडीशनर आणि रूम हीटर यांसारख्या प्रोड्क्टसवर मोठ्या प्रमाणात डिस्काऊंट ऑफर केलं जाणार आहे.

Amazon Black Friday Sale 2025

ई कॉमर्स प्लॅटफॉर्म Amazon ने ग्लोबल वेबसाईटवर सेल आधीच सुरु केली आहे. मात्र हा सेल भारतात कधी सुरु होणार, याबाबत अद्याप कोणतीही माहिती देण्यात आली नाही. मात्र, सोशल मीडियावर काही पोस्ट व्हायरल झाल्या आहेत. ज्यामध्ये सांगितलं जात आहे की, Amazon वर ब्लॅक फ्रायडे सेल आधीच सुरु झाला आहे.

Free Fire Max: गेममध्ये आणखी एका नव्या ईव्हेंटची एंट्री, प्लेअर्सना मिळणार गोल्ड कॉइन जिंकण्याची सुवर्णसंधी

Croma आणि Myntra चा Black Friday Sale 2025

Myntra ने देखील त्यांच्या ब्लॅक फ्रायडे सेलची घोषणा केली आहे. कंपनीने सांगितलं आहे की, हा सेल 27 नोव्हेंबरपासून सुरु होणार आहे, 1 डिसेंबरपर्यंत हा सेल सुरु राहणार आहे. या सेलमध्ये ग्राहकांना फॅशन आणि लाइफस्टाइल ब्रँड्सवर सुमारे 40 ते 80 टक्क्यापर्यंत डिस्काऊंट दिलं जाणार असल्याची माहिती आहे. Croma चा सेल 22 नोव्हेंबरपासून सुरु झाला आहे. हा सेल 30 नोव्हेंबरपर्यंत सुरु राहणार असल्याची माहिती देण्यात आली आहे. या सेलमध्ये ग्राहकांना इलेक्ट्रॉनिक्सवर 50 टक्क्यापर्यंत डिस्काऊंट दिलं जाणार असल्याची माहिती आहे. ग्राहकांना स्मार्टफोन, लॅपटॉप, टीवी, ऑडियो प्रोडक्ट्स, आणि होम एप्लायंसेस जसे वॉशिंग मशीन आणि एयर फ्रायरवर देखील उत्तम डिल्स ऑफर केल्या जाणार आहेत.