सोमवार, 5 ऑक्टोबर 2026
BSNLचा पुन्हा धमाका! फ्रीडम ऑफरने सर्वांनाच केलं चकित; केवळ 51 रुपयांना मिळणार डेटा, कॉलिंग अन् बरंच काही
बीएसएनएल फ्रीडम ऑफरची किंमत 51 रुपये आहे. या ऑफरमध्ये यूजर्सना केवळ 51 रुपयांत डेली डेटा, अनलिमिटेड कॉलिंग आणि एसएमएससह नवीन सिम देखील मिळणार आहे. ही ऑफर केवळ नवीन यूजर्ससाठी उपलब्ध आहे. विशेष म्हणजेच कंपनीने सादर केलेली ही ऑफर केवळ मर्यादित काळासाठी उपलब्ध असणार आहे.
28 Din Tak Connection Chalta Rahega. #BSNLIndia #BSNLSelfCareApp #InternetForEveryone #DigitalLife #IndiaOnline #BSNLServices #SmartIndia #EverydayConnectivity #HamaraBSNL #frc51 https://t.co/nTHODbMpQW — BSNL India (@BSNLCorporate) October 4, 2026
बीएसएनएल फ्रीडम ऑफरमध्ये यूजर्सना 28 दिवसांची व्हॅलिडिटी ऑफर केली जाणार आहे. तसेच या प्लॅनमध्ये डेली 2GB हाय स्पीड डेटा मिळणार आहे. याचा अर्थ असा आहे की, संपूर्ण व्हॅलिडीटीदरम्यान यूजर्सना एकूण 56GB पर्यंत डेटा वापरण्याची संधी मिळणार आहे. इतकंच नाही तर या प्लॅनमध्ये लोकल आणि एसटीडी कॉलिंगसाठी अनलिमिटेड कॉलिंगचा फायदा देखील मिळणार आहे.
प्लॅनमध्ये दररोज 100 एसएमएस पाठवण्याची सुविधा मिळणार आहे. म्हणजेच केवळ 51 रुपयांत यूजर्सना डेटा, कॉलिंग आणि एसएमएसचे फायदे मिळणार आहेत. बीएसएनएलच्या फ्रीडम ऑफरची सर्वात विशेष गोष्ट म्हणजेच यामध्ये यूजर्सना एक मोफत सिम देखील मिळणार आहे. वर सांगितल्याप्रमाणेच ही ऑफर केवळ नवीन यूजर्ससाठी उपलब्ध आहे. म्हणजेच यूजर्सना 51 रुपयांत नवीन सिम आणि डेटा, कॉलिंग, एसएमएसचे फायदे देखील मिळणार आहेत. कंपनीने म्हटले आहे की, ही ऑफर बीएसएनएल कस्टमर सर्विस सेंटर्स आणि अधिकृत विक्रेत्यांकडे उपलब्ध असेल. कंपनीने त्यांच्या या ऑफरबाबत सोशल मीडिया प्लॅटफॉर्म एक्सवर पोस्ट देखील शेअर केली आहे.
एक्सवर शेअर केलेल्या पोस्टनुसार, बीएसएनएल फ्रीडम ऑफर 31 ऑक्टोबर 2026 पर्यंत व्हॅलिड असणार आहे. याचा अर्थ असा आहे की, ज्या ग्राहकांना या ऑफरचा लाभ घ्यायचा आहे त्यांना 31 ऑक्टोबर 2026 पूर्वी बीएसएनएलच्या अधिकृत सेंटर किंवा रिटेलरला संपर्क करावा लागणार आहे. या ऑफरशी संबंधित अटी, शर्ती आणि उपलब्धता क्षेत्रानुसार बदलू शकतात. त्यामुळे, रिचार्ज करण्यापूर्वी किंवा नवीन कनेक्शन घेण्यापूर्वी कृपया आपल्या जवळच्या बीएसएनएल केंद्रावर तपशील तपासून घ्या.
