रविवार, 4 ऑक्टोबर 2026
ऑनलाइन कपडे खरेदी करण्यापूर्वीच करता येणार ट्रायल! ChatGPT ने सादर केले नवं 'ट्राय ऑन' फीचर, कसं करणार काम? जाणून घ्या
आपत्कालीन परिस्थितीत केवळ एक आवाज अन् मदत हजर? Google च्या नव्या फीचरची सर्वत्र चर्चा, असं करणार काम
चॅटजीपीटीचे नवीन फीचर यूजर्सना कपडे खरेदी करण्यापूर्वी त्यांचा सेल्फी किंवा फुल-बॉडी फोटो अपलोड करून ते खरेदी करणार असलेले कपडे किंवा ॲक्सेसरीज त्यांच्यावर कशा दिसतील, हे दाखवणार आहे. हे फीचर शॉपिंग रिझल्ट्समध्ये एक नवीन ट्राय ऑन बटनद्वारे पाहायला मिळत आहे. यूजर्स कंपड्यांचे स्क्रीनशॉट किंवा फोटो अपलोड करू शकतात आणि चॅटजीपीटीला त्याचे प्रिव्ह्यू तयार करण्यासाठी सांगितलं जाऊ शकतं. हे अपडेट एका नव्या फेवरेट ऑप्शनसह उपलब्ध असणार आहे, जे ग्राहकांना त्यांच्या लायब्रेरीमध्ये प्रोडक्ट्स सेव्ह करण्याची परवानगी देणार आहे. ओपनएआयचे असं म्हणणं आहे की, दोन्ही फीचर लवकरच जगभरात रोलआऊट केले जात आहे. (फोटो सौजन्य – AI Created)
चॅटजीपीटीने अलीकडेच ट्राय ऑन नावाने एक नवीन फीचर सादर केले आहे. हे फीचर यूजर्सना ऑनलाइन कपड्यांची खरेदी करताना विजुअल एक्सपीरियंस अधिक चांगला करण्यास मदत करू शकते. कंपनीने दिलेल्या माहितीनुसार, नवीन ट्राय ऑन फीचर अलीकडेच जारी करण्यात आलेल्या चॅटजीपीटी ईमेज 2.5 मॉडेलचा वापर करते. याव्यतिरिक्त, कंपनीने स्पष्ट केले आहे की, हे मॉडेल सूचना जास्त अचूकतेने फॉलो करते आणि वेगाने ईमेज जनरेट करताना जास्त नैसर्गिक लाइटिंग आणि चांगले टेक्सचर तयार करू शकते.
जर तुम्हाला चॅटजीपीटीच्या ट्राय ऑन फीचरचा वापर करायचा असेल तर सर्वात आधी तुम्हाला चॅटजीपीटी प्लॅटफॉर्म ओपन करावा लागेल आणि चॅटजीपीटी शॉपिंग रिझल्ट्समध्ये दाखवले जाणारे कपड्याचे प्रोडक्ट ओपन करा. आता ट्राय ऑन बटनवर टॅप करा. यानंतर तुम्हाला रेफरेंससाठी एक सेल्फी किंवा फुल-बॉडी फोटो अपलोड करावी लागणार आहे. आता चॅटजीपीटी तुम्ही तो पोशाख परिधान केलेला असतानाचा एक ‘प्रिव्ह्यू’ तयार करेल. ईमेज तयार करण्याचा वेग यूजरच्या इंटरनेट स्पीडवर अवलंबून असणार आहे.
Tech Tips: या कारणांमुळे होऊ शकतो Power Bank चा ब्लास्ट! सावध राहण्यासाठी फॉलो करा या टिप्स
ट्राय ऑन फीचरव्यतिरिक्त कंपनीने एक फेव्हरेट सेक्शन देखील सादर केले आहे. जे यूजर्सना प्रोडक्ट्स त्यांच्या लायब्रेरीमध्ये सेव्ह करण्याची सुविधा देतात. यामुळे सेव्ह केलेले प्रोडक्ट्स पुन्हा पाहिले जाऊ शकतात आणि जनरेट केलेले ट्राय-ऑन ईमेज देखील पाहू शकता. चॅटजीपीटी यूजर्सना स्टाईल डिस्क्रिप्शनच्या आधारे पूर्ण आऊटफीट तयार करण्याची किंवा सेलिब्रिटी आऊटफिट फोटोंवरून कपडे ओळखण्यासही मदत करू शकते.
