iPhone यूजर्सची डोकेदुखी वाढली! 17 Pro आणि Pro Max मध्ये चार्जिंगवेळी येतो विचित्र आवाज, नव्या समस्येने युजर्स हैराण

आयफोन यूजर्स सध्या एका मोठ्या समस्येचा सामना करत आहेत. चार्जिंगदरम्यान आयफोनमधून आवाज येत असल्याची तक्रार अनेक यूजर्सनी केली आहे. त्यामुळे काही यूजर्समध्ये भिती देखील आहे. यूजर्सनी कंपनीकडे या समस्येची तक्रार केली आहे.

• आयफोन 17 Pro आणि Pro Max मध्ये अजबच समस्या
• Apple च्या फ्लॅगशिपमध्ये गडबड?
• चार्जिंगवेळी आवाज येत असल्याने युजर्स त्रस्त

काही महिन्यांपूर्वी टेक कंपनी Apple ने iPhone 17 Pro आणि Pro Max लाँच केले होते. ही आयफोन सिरीज लाँच होताच युजर्सनी त्याला प्रचंड पसंती दिली होती. या सिरिजमधील आयफोन मॉडेल लाँच करण्यासाठी Apple स्टोअर बाहेर युजर्सची गर्दी पाहायला मिळाली होती. या आयफोनची मोठ्या प्रमाणात विक्री झाली. युजर्स देखील आयफोन खरेदी करून खुश होते. मात्र आता या युजर्सना एका आगळ्यावेगळ्या समस्येचा सामना करावा लागत आहे.

BSNL Recharge Plan: करोडो यूजर्सना कंपनीने दिलं नवीन वर्षांचं गिफ्ट! या 4 प्लॅन्समध्ये वाढवला डेटा, ऑफर मर्यादित काळासाठी उपलब्ध

आयफोन चार्जिंगला लावताच येतोय आवाज

खरं तर चार्जिंगदरम्यान दोन्ही आयफोनच्या स्पीकरमधून एक वेगळा आवाज येत आहे. याबाबत अ‍ॅपल सपोर्ट कम्युनिटीसह अनेक प्लॅटफॉर्मवर सध्या चर्चा सुरू आहे. इथे अनेक युजर्स यांच्या अनुभव शेअर करत आहे. युजर्सच असं म्हणणं आहे की त्यांचा आयफोन चार्जिंगला लावताच जुन्या रेडिओसारखा स्टेटिक आवाज आयफोनमधून येत आहे. अनेक युजर्स या समस्येचा सामना करत आहेत.  (फोटो सौजन्य – Pinterest)

यूजर्सच्या तक्रारींची संख्या वाढली

युजरने सांगितले आहे की, चार्जिंग व्यतिरिक्त आयफोनवर ऑडिओ चालू करताच आणि आवाज कमी करताना देखील वेगळाच गोंधळ पाहायला मिळतो. अनेक यूजर्सचे असे देखील म्हणणे आहे की, जेव्हा फोनमध्ये कोणताही ऑडिओ चालू नसतो तेव्हा देखील फोनमधून एक वेगळाच आवाज येत असतो. तर काही युजर्सने अशी देखील तक्रार केली आहे की जेव्हा फोन चार्जिंगला नसतो तेव्हा देखील यामधून थोडा थोडा आवाज येत असतो. केबलने चार्जिंग न करता आयफोन मॅग्सेफ चार्जर चार्ज केला तरी देखील आवाजाची समस्या बंद होत नाही.

झूम–मीटला टक्कर? आता लॅपटॉपवरूनही करता येणार WhatsApp कॉल! Web वर येतोय धडाकेबाज व्हॉईस आणि व्हिडीओ कॉलिंग फीचर

कंपनीने काय सांगितलं?

अ‍ॅपल कम्युनिटी फोरमवर ऑक्टोबरच्या एका पोस्टमध्ये सांगण्यात आलं आहे की, अ‍ॅपल या समस्येबाबत माहिती देत आहे. त्यावेळी, कंपनीच्या एका सीनियर सपोर्ट इंजीनियरने यूजर्सना फुल हार्डवेयर डायग्नोस्टिक रन करण्याचा सल्ला दिला होता. मात्र आता यूजर्सचं म्हणणं आहे की, या उपायाने देखील त्यांची समस्या सुटली नाही. याशिवाय सीनियर सपोर्ट इंजीनियरने यूजर्सना पुढील अपडेटची वाट पाहण्याचा किंवा आयफोन रिप्लेस करण्याचा सल्ला दिला. अ‍ॅपलने ऑक्टोबरमध्ये iOS 26.2 लाँच केले, परंतु त्यांनी या समस्येचे निराकरण केले नाही. आता, या महिन्याच्या शेवटी, कंपनी iOS 26.3 लाँच करत आहे, जे यूजर्सना या समस्येचे निराकरण करण्यात मदत करू शकते. तुम्ही देखील आयफोन यूजर असाल आणि तुम्ही देखील या समस्येचा सामना करत असाल तर कंपनीच्या नवीन अपडेटची तुम्हाला देखील वाट बघावी लागणार आहे.