Car Headlight Cleaning Tips: हेडलाइट्सवर धुकं साचतंय? (फोटो सौजन्य- सोशलमीडिया)
कारच्या हेडलाइटवर रोजची धूळ, चिखल आणि रस्त्यावरील बारीक कण जमा होत असतात. ही घाण काढण्यासाठी प्रत्येक वेळी सर्व्हिस सेंटरमध्ये जाण्याची गरज नसते. थोडं डिशवॉश लिक्विड कोमट पाण्यात मिसळा आणि त्यात मायक्रोफायबर कापड ओलं करा. त्यानंतर हेडलाइटवर हलक्या हाताने कापड फिरवा. शेवटी साध्या पाण्याने पृष्ठभाग स्वच्छ करून कोरड्या कापडाने पुसून घ्या.
पावसाचं पाणी सुकल्यानंतर हेडलाइटवर पांढरट किंवा धूसर डाग दिसू शकतात. पाण्यातील खनिजांमुळे असे निशाण राहण्याची शक्यता असते. यासाठी पांढरं व्हिनेगर आणि पाणी समान प्रमाणात घेऊन मिश्रण तयार करता येईल. हे द्रावण थेट हेडलाइटवर ओतण्याऐवजी मऊ कापडावर घ्या आणि लेन्स अलगद पुसा. नंतर स्वच्छ पाण्याने पृष्ठभाग धुऊन कोरडा करा. Car Headlight Cleaning Tips:
जुन्या कारच्या हेडलाइटवर काही वेळा हलकं ऑक्सीडेशन किंवा धुरकट थर दिसतो. अशावेळी थोड्या पाण्यात बेकिंग सोडा मिसळून पेस्ट तयार करता येते. ही पेस्ट मऊ कापडाच्या मदतीने लेन्सवर अगदी हलक्या हाताने लावा. काही वेळ पुसल्यानंतर स्वच्छ पाण्याने भाग धुवा आणि मायक्रोफायबर कपड्याने कोरडा करा.
रस्त्यावरून जाताना चिखलाच्या पाण्यासोबत तेलकट पदार्थ किंवा इतर चिकट घाण हेडलाइटवर बसू शकते. साध्या पाण्याने ती सहज निघत नाही. अशा वेळी योग्य प्रकारे dilute केलेलं आयसोप्रोपाइल अल्कोहोल मऊ कापडावर घेऊन लेन्स सावकाश पुसता येते. साफ केल्यानंतर दुसऱ्या स्वच्छ आणि कोरड्या कापडाने पृष्ठभाग पूर्णपणे पुसून घ्या.
पावसाळ्यात कार चालवल्यानंतर हेडलाइटवर चिखल उडणं अगदी सामान्य आहे. मात्र हा चिखल सुकल्यानंतर तो काढताना जास्त घासावं लागू शकतं. त्यामुळे प्रवास संपल्यानंतर शक्य तितक्या लवकर हेडलाइट स्वच्छ करणं चांगलं. कोमट पाण्यात मायक्रोफायबर कापड भिजवून आधी घाण मऊ करा आणि मग हलक्या हाताने ती पुसा.
रायडर्ससाठी गुड न्यूज! Royal Enfield Himalayan 440 लवकरच बाजारात; किती असेल किंमत?
पावसाळ्यात फक्त वायपर चांगले असणं पुरेसं नाही. कारचे हेडलाइट्सही स्वच्छ आणि व्यवस्थित असणे तितकेच गरजेचे आहे. धूळ, पाणी, चिखल किंवा धुसरपणाचा थर वाढला तर प्रकाशाची गुणवत्ता कमी होऊ शकते. त्यामुळे लाँग ड्राइव्हला निघण्यापूर्वी काही मिनिटं हेडलाइट्सकडे लक्ष दिलं तरी त्याचा फायदा होऊ शकतो.
.png "Videos"){kind=small}
