X युजर्ससाठी Elon Musk चा मोठा प्लॅन! Like बटण दाबा अन् पाठवा $1 टिप… नव्या फीचरची सर्वत्रच चर्चा

एलन मस्कने X साठी एका नवीन फीचरची घोषणा केली आहे. या फीचरद्वारे यूजर्सना त्यांच्या आवडत्या क्रिएटर्सना टीप पाठवण्याचा पर्याय मिळणार आहे. हे फीचर कसं काम करणार आणि याचा वापर करण्यासाठी कोणत्याही अटी पाळाव्या लागणार, जाणून घेऊया.

• कोणत्याही पोस्टच्या लाईक बटनवर लाँग प्रेस करून क्रिएटरला पैसे पाठवू शकता
• यूजर्स सुरुवातीला केवळ 1 डॉलर टिप पाठवू शकणार
• भारतातील रोलआऊटबाबत अद्याप कोणतीही घोषणा करण्यात आली नाही

सोशल मीडिया प्लॅटफॉर्म X चा वापर करणाऱ्या यूजर्ससाठी आनंदाची बातमी आहे. एक्सचा मालक असलेल्या एलन मस्कने एका फीचरची घोषण केली आहे. या फीचरची चर्चा आता सर्वत्र सुरु झाली आहे. कंपनी आता क्रिएटर्सना टिप पाठवण्याची प्रोसेस आणखी सोपी करणार आहे. यासाठीच लवकरच एक नवीन फीचर जारी केलं जाणार आहे. हे एक नवीन टिपिंग फीचर असणार आहे. या फीचरद्वारे यूजर कोणत्याही पोस्टच्या लाईक बटनवर लाँग प्रेस करून त्या क्रिएटरला पैसे पाठवू शकतात. खरं तर कंपनीला एक्स एक ‘एवरीथिंग ॲप’ बनवायचे आहे, त्यासाठी सतत नवीन फीचर लाँच केले जात आहेत.

Android असो किंवा iPhone… सॉफ्टवेअर अपडेटनंतर हे काम करणं महत्त्वाचं! दुर्लक्ष केल्यास होऊ शकतं नुकसान

अद्याप रोलआऊटबाबत कोणतीही घोषणा नाही

नव्या फीचरअंतर्गत यूजर्स सुरुवातीला केवळ 1 डॉलर टिप पाठवू शकणार आहेत. ही संपूर्ण प्रक्रिया एक्स मनीद्वारे पूर्ण केली जाणार आहे. सध्या हे फीचर अमेरिकेतील यूजर्ससाठी सादर केले जाणार आहे. कंपनीने अद्याप या फीचरच्या इतर देशातील रोलआऊटबाबत कोणतीही घोषणा केली नाही. त्यामुळे कदाचित भारतातील यूजर्सना या फीचरचा वापर करण्यासाठी काही काळ वाट पाहावी लागू शकते.  (फोटो सौजन्य – AI Created)

कसं काम करणार नवीन एक्स टिपिंग फीचर?

मस्कने अलीकडेच शेअर केलेल्या एका एक्स पोस्टमध्ये फीचरबाबत सांगतिलं आहे. मस्कचं असं म्हणणं आहे की, यूजर्सना लवकरच एक नवीन फीचर मिळणार आहे. ज्यामध्ये लाईट बटनवर दिर्घकाळ प्रेस केल्यानंतर समोरील क्रिएटरला 1 डॉलर पाठवण्याचा पर्याय मिळणार आहे.

हे फीचर कसं काम करणार याबाबत जाणून घेऊया.

• स्टेप 1: सर्वात आधी यूजर्सना एक्सवर त्यांनी लाईक केलेल्या पोस्टवर जावे लागेल
• स्टेप 2: आता पोस्टच्या खाली दिसणाऱ्या लाईक बटनवर लाँग प्रेस करावे लागेल.
• स्टेप 3: आता एक्स मनीद्वारे यूजर्सना 1 डॉलर पाठवण्याचा पर्याय मिळणार आहे.
• स्टेप 4: हा व्यवहार पूर्ण झाल्यानंतर क्रिएटरला 1 डॉलर टिप मिळणार आहे.

या फीचरच्या मदतीने यूजर्स कोणत्याही वेगळ्या प्रोसेसशिवाय क्रिएटर्सना आर्थिक मदत करू शकतात. टिपची रक्कम बदलली जाऊ शकते का आणि हे फीचर वापरण्यासाठी कोणते नियम पाळावे लागणार आहेत का, याबाबत अद्याप माहिती शेअर करण्यात आली नाही.

Tech Tips: एका Earbud मधून कमी आवाज येतोय? घरबसल्या दूर करा समस्या, वापरा या ट्रिक्स

भारतात कधी येणार नवं फीचर?

भारतातील एक्स यूजर्ससाठी नवीन एक्स टिपिंग फीचर कधी रोलआऊट केलं जाणार, याबाबत अद्याप कोणतीही घोषणा करण्यात आली नाही. त्यामुळे या फीचरचा वापर करण्यासाठी भारतातील यूजर्सना काही काळ वाट पाहावी लागू शकते, असा अंदाज आहे.