Android असो किंवा iPhone… सॉफ्टवेअर अपडेटनंतर हे काम करणं महत्त्वाचं! दुर्लक्ष केल्यास होऊ शकतं नुकसान

मालवेअर आणि स्पाई सॉफ्टवेअरमुळे आपल्या स्मार्टफोनमधील डेटा लीक होण्याची किंवा चोरीला जाण्याची भिती असते. कारण हे मालवेअर आपल्याला समजू न देता, स्मार्टफोनच्या बॅकग्राऊंडमध्ये त्यांचे काम करत असतात. मात्र फोन रिस्टार्ट केल्यानंतर हे मालवेअर आपोआप बंद होतात.

• स्मार्टफोनच्या स्मूद परफॉर्मंससाठी वेळोवेळी सॉफ्टवेअर अपडेट करणं गरजेचं
• स्मार्टफोन रिस्टार्ट न केल्यास स्पीड आणि परफॉर्मंसवर परिणाम होऊ शकतो
• गॅझेट्स बंद न करता त्याचा सतत वापर केल्याने बॅकग्राऊंडमध्ये प्रोसेसवर परिणाम होऊ शकतो

स्मार्टफोन एक असे गॅझेट आहे, जे आपल्याला आपल्या प्रत्येक कामात मदत करते. कॉल, मेसेज, फोटो, सर्चिंग, ऑनलाईन पेमेंट सर्वच ठिकाणी स्मार्टफोन आपल्यासाठी अत्यंत गरजेचा आहे. आपण आपल्या प्रत्येक छोट्या – मोठ्या कामांसाठी स्मार्टफोनवर अवलंबून असतो. आपली सर्व कामं व्यवस्थित होण्यासाठी आपल्या स्मार्टफोनचा चांगला परफॉर्मंस अतिशय गरजेचा असतो. स्मार्टफोनचा परफॉर्मंस स्मूद आणि योग्य पद्धतीने व्हावा यासाठी वेळोवेळी सॉफ्टवेअर अपडेट करणं गरजेचं आहे.

Tech Tips: एका Earbud मधून कमी आवाज येतोय? घरबसल्या दूर करा समस्या, वापरा या ट्रिक्स

सहसा जेव्हाही कंपनीकडून एखादे नवीन सिस्टिम अपडेट जारी केले जाते, तेव्हा यूजर्स हे अपडेट त्यांच्या स्मार्टफोनमध्ये इंस्टॉल करतात. तर अनेकदा ही संपूर्ण प्रोसेस बॅकग्राऊंडमध्ये आपोआप होते आणि अपडेट पूर्ण झाल्यानंतर डिव्हाईस आपोआप रिस्टार्ट देखील होते. मात्र काहीवेळेस काही सामान्य अपडेटनंतर स्मार्टफोन आपोआप रिबूट केला जात नाही. या गोष्टीकडे अनेक यूजर्स दुर्लक्ष करतात आणि स्मार्टफोन स्वत:हून रिस्टार्ट न करता फोनचा वापर करतात. मात्र यामुळे स्मार्टफोनच्या स्पीड आणि परफॉर्मंसवर परिणाम होऊ शकतो. कारण प्रत्येक अपडेटनंतर किमान एकदा स्मार्टफोन रिस्टार्ट करणं गरजेचं असतं.

अपडेटनंतर स्मार्टफोन रिस्टार्ट करणं का गरजेचं?

जेव्हा तुम्ही अपडेटनंतर तुमचा स्मार्टफोन रिस्टार्ट किंवा रिबूट करता, तेव्हा फोनच्या अंतर्गत प्रणालीला एक नवीन सुरुवात मिळते. जेव्हा स्मार्टफोनमध्ये एखादे अपडेट इंस्टॉल केले जाते, त्यादरम्यान डिव्हाईसमध्ये अनेक टेंपररी फाईल्स जमा होतात. ज्यामुळे स्टोरेज आणि मेमरी फुल होते. पण जर तुम्ही अपडेटनंतर फोन रिस्टार्ट किंवा रिबूट केला तर या टेंपररी फाईल्स आपोआप डिलीट केल्या जातात.

तसेच, फोनचे रॅम देखील पूर्णपणे रिकामी केली जाते आणि प्रोसेसर पुन्हा नव्याने काम करू लागतो. यामुळे फोनची स्पीड पूर्वीपेक्षा अधिक चांगली होते, फोन हँग होणं किंवा ॲप्स क्रॅश होण्यासारख्या समस्या दूर होतात. टेक एक्सपर्ट्सचं असं मत आहे की, कोणत्याही मोठ्या सॉफ्टवेअर अपडेटनंतर फोन रिस्टार्ट करणं, कॅशे मेमरी क्लिअर करणं आणि नेटवर्क सेटिंग्स एकदा तपासणं गरजेचं असतं.

सर्व डिव्हाईससाठी समान नियम

सॉफ्टवेअर अपडेटनंतर स्मार्टफोन रिस्टार्ट करण्याचा हा नियम अँड्रॉईड फोन आणि आयफोन अशा दोन्ही डिव्हाईससाठी गरजेचा आहे. इतकंच नाही जर तुम्ही टॅब्लेट, लॅपटॉप, डेस्कटॉप पीसी, स्मार्ट टीवी आणि हँडहेल्ड गेमिंग कंसोलचा वापर करत असाल तर हे डिव्हाईस देखील अपडेटनंतर रिबूट करणं गरजेचं आहे.

डेटा, अनलिमिटेड कॉलिंग अन् नेटफ्लिक्स… Jio च्या या प्लॅनमध्ये मिळणार भरपूर फायदे, इतकी आहे किंमत

बॅटरीचा वापर आणि सिस्टिमच्या स्पीडवर होऊ शकतो परिणाम

अनेक दिवस गॅझेट्स बंद न करता त्याचा सतत वापर केल्याने बॅकग्राऊंडमध्ये प्रोसेसवर परिणाम होऊ शकतो. ज्याचा थेट परिणाम बॅटरीचा वापर आणि सिस्टिमच्या स्पीडवर होतो. जेव्हा अपडेटनंतर तुम्ही डिव्हाईस एकदा बंद करता, तेव्हा नवीन सॉफ्टवेअरमधील सर्व फीचर्स आणि बदल सिस्टिममध्ये योग्यरित्या ॲडजस्ट होतात.