Tech Tips: एका Earbud मधून कमी आवाज येतोय? घरबसल्या दूर करा समस्या, वापरा या ट्रिक्स

Earbuds Tips: ईअरबड्सचा वापर करताना तुम्हाला देखील काही समस्या येत आहेत का? तुम्ही देखील नवीन ईअरबड्स खरेदी करण्याचा विचार करत आहात का? तर थांबा. तुम्ही घरबसल्या तुमचे ईअरबड्स दुरुस्त करू शकता. कसं? जाणून घ्या

• सर्वात सामान्य समस्या म्हणजेच एका ईअरबड्समधून कमी आवाज येणं
• हलक्या ब्रशने किंवा कॉटन बडने स्पीकरची जाळी हळूहळू स्वच्छ करा
• नवीन ईअरबड्स खरेदी करण्यापूर्वी काही सोप्या टिप्स वापरा

स्मार्टफोनप्रमाणेच ईअरबड्स देखील आपल्यासाठी महत्त्वाचे गॅझेट आहे. गाणी ऐकण्यासाठी, चित्रपट पाहण्यासाठी तसेच कॉलवर बोलण्यासाठी देखील ईअरबड्सचा वापर केला जातो. सध्या वायरलेस ईअरबड्सची क्रेझ मोठ्या प्रमाणात आहे. कारण याचा आकार छोटा असतो, वजनाने हलके असतात आणि वापरण्यासाठी देखील अतिशय सोपे असतात. त्यामुळे ऑफीसला जाणाऱ्या कर्मचाऱ्यांपासून कॉलेजला जाणाऱ्या विद्यार्थ्यांपर्यंत अनेकजण ईअरबड्सचा वापर करतात.

9,000mAh बॅटरी अन् 100W फास्ट चार्जिंग! OnePlus Ace 7 सीरीज धमाका करण्यासाठी सज्ज… मिळणार हे खास फीचर्स

काहीवेळेस ईअरबड्सचा वापर करताना समस्या निर्माण होऊ शकतात. सर्वात सामान्य समस्या म्हणजेच एका ईअरबड्समधून कमी आवाज येणं. अशावेळी गाणी ऐकण्याचा किंवा चित्रपट पाहण्याचा अनुभव पूर्णपणे खराब होतो. अनेक यूजर्स या समस्येमुळे नवीन ईअरबड्स खरेदी करण्याचा देखील विचार करतात. पण असे करण्याची काहीच गरज नसते. कारण एका ईअरबडमधून आवाज कमी येत आहे, म्हणजे डिव्हाईस पूर्णपणे खराब झाले आहे असे नसते. सेटिंगमधील गडबड किंवा ईअरबड्समधील धूळ यामागील कारणं असू शकतात. तुम्ही घरबसल्या अगदी सहज ही समस्या सोडवू शकता.  (फोटो सौजन्य – AI Created) 

ईअरबड्सचे स्पीकर स्वच्छ करा

कोणत्याही एका ईअरबडमध्ये कमी आवाज येत असेल तर सर्वात आधी तपासून घ्या की समस्या ईअरबड्समध्ये आहे की तुमच्या फोनमध्ये. तुमच्या फोनला कनेक्ट केल्यानंतर ईअरबड्समधून कमी आवाज ऐकू येत असेल तर दुसऱ्या फोनला ईअरबड्स कनेक्ट करून गाणी ऐका. जर तुमचे ईअरबड्स दुसऱ्या फोनमध्ये व्यवस्थित काम करत असतील तर समस्या तुमच्या फोनमध्ये असू शकते.

पण जर दुसऱ्या फोनला कनेक्ट केल्यानंतर देखील ईअरबड्समधून कमी आवाज येत असेल तर सर्वात आधी स्पीकरच्या जाळीवरील धूळ स्वच्छ करा. कारण सततच्या वापरामुळे ईअरबड्सच्या स्पीकरच्या जाळीवर धूळ जमा होते आणि यामुळे आवाज कमी येतो. सुक्या मऊ कपड्याचे, हलक्या ब्रशने किंवा कॉटन बडने स्पीकरची जाळी हळूहळू स्वच्छ करा. यासाठी कोणत्याही टोकदार वस्तूचा वापर करू नका.

योग्य सिलिकॉन टिप वापरा

अनेकदा ईअरबड्सवर असलेले रबरचे सिलिकॉन टिप आपल्या कानात फीट बसत नाही. त्यामुळे ईअरबड्सचा वापर करताना देखील बाहेरील आवाज मोठ्या प्रमाणात ऐकू येतो आणि गाणी ऐकण्याचा किंवा चित्रपट पाहण्याचा अनुभव खराब होतो. अशावेळी ईअरबड्ससोबत मिळणारे इतर सिलिकॉन टिप ईअरबड्सला जोडून तुमच्या कानात फिट बसत आहे की नाही तपासा.

आता कीपॅड फोनवरही मिळणार UPI पेमेंट सपोर्ट! Itel ने केली घोषणा, जाणून घ्या सविस्तर

फोनची लेफ्ट-राइट ऑडियो बॅलेंस सेटिंग तपासा

ईअरबड्समधून व्यवस्थित आवाज न येण्याचं दुसरे कारण म्हणजेच फोनची लेफ्ट-राइट ऑडियो बॅलेंस सेटिंग बदलणे. ऑडिओ बॅलेन्स सेटिंगमध्ये स्लाइडर जर चुकून एका बाजूला गेला असेल तर आपोआप ईअरबड्समधील आवाजाची गुणवत्ता बदलू शकते. यासाठी फोनच्या सेटिंगच्या एक्सेसिबिलिटी आणि हियरिंग सेक्शनमध्ये जा. इथे तुम्हाला ऑडिओ ऍडजस्टमेंट किंवा ऑडिओ बॅलेन्सचा स्लायडर सेंटरमध्ये सेट करावा लागेल आणि मोनो ऑडिओचा टोगल देखील तपासा.