Facebook Earning: नोकरीची चिंता सोडा, फेसबुकवरुन कमवा महिना 2.5 लाख, पण कसं, जाणून घ्या सविस्तर

नुकतंच फेसबुककडून एक माहिती देण्यात आली आहे. जर तुम्ही कंटेंट क्रिएटर असाल तर तुम्हाला महिना अडीच लाख कमवण्याची संधी फेसबुककडून मिळणार आहे. आता कसं ते जाणून घेऊयाात.

• नोकरीची चिंता सोडा,
• फेसबुकवरुन कमवा महिना 2.5 लाख, पण कसं

सध्याच्या तंत्रज्ञानाच्या युगात अनेक जणं युट्युब आणि इतर सोशल मीडिया प्लॅटफॉर्मवरुन घरबसल्या कमवत आहेत. रोज एखादी व्यक्ती 8 तास काम करुन मिळत नसतील तेवढं मानधन रिल्सस्टार्सना मिळत आहेत. जर तुम्ही सुद्धा रिल्सस्टार असाल किंवा सोशल मीडियाावर व्हिडीओ बनवण्याच्या तयारीत असाल तर ही माहिती खास तुमच्यासाठी आहे.

नुकतंच फेसबुककडून एक माहिती देण्यात आली आहे. जर तुम्ही कंटेंट क्रिएटर असाल तर तुम्हाला महिना अडीच लाख कमवण्याची संधी फेसबुककडून मिळणार आहे. आता कसं ते जाणून घेऊयाात.

फेसबुक मेटाद्वारे एक नवीन प्रोग्राम सुरु करण्यात आलेला आहे. यानुसार, यूट्यूब, इंस्टाग्राम आणि टिकटॉकवरील क्रिएटर्सना निश्चित मोबदला आणि प्रसिद्धी दिली जाईल.पण पण पण यामध्ये एक ट्विस्ट देखील आहे बरं का. तो असा की, सोशल मीडियाच्या कोणत्याही प्लॅटफॉर्मवर ज्यांचे सर्वाधिक फॉलोवर्स आहेत अशांना फेसबुक मेटा घरबसल्या कमवण्याची संधी देत आहेे.

Samsung S26 Ultra Review: प्रायव्हसी डिस्प्लेशिवाय S26 Ultra मध्ये काय आहे खास? का 1 लाख 40 हजारात करावी खरेदी

मेटाने फेसबुकवर नव्याने सुरुवात करू इच्छिणाऱ्या क्रिएटर्ससाठी हा प्रोग्राम सुरू केला आहे. या प्रोग्रामअंतर्गत, क्रिएटर्सना सुरुवातीचे पेमेंट आणि फेसबुकच्या कंटेंट मॉनेटायझेशन प्रोग्राममध्ये एन्ट्री मिळेल. फेसबुक अशा रिल्सना reach मिळवून देण्यासाठी देखील मदत करेल. या प्रोग्राममध्ये सहभागी होण्यासाठी, क्रिएटर्सना 30 दिवसांच्या आत 15 रील्स अपलोड करणे आवश्यक आहे. हा कंटेंट कोणाचा कॉपी नसावा आणि सर्वात महत्वाचं म्हणजे स्वत: असणं आवश्यक आहे. क्रिएटर्सना ते इतर प्लॅटफॉर्मवर पोस्ट करण्याचा पर्याय देखील असेल.

मेटाच्या या प्रोग्राममध्ये, इंस्टाग्राम, टिकटॉक आणि यूट्यूबवर एक लाख फॉलोअर्स असलेले क्रिएटर्स दरमहा 83,000 रुपये कमवू शकतात आणि याच प्लॅटफॉर्मवर 10 लाख फॉलोअर्स असलेले क्रिएटर्स दरमहा 2.5 लाख रुपयांपर्यंत कमवू शकतात.पहिल्या तीन महिन्यांसाठी, फेसबुक हे पैसे क्रिएटर्सना गॅरेंटेड पेआऊट म्हणून देईल.या प्रोग्राममुळे फेसबुक क्रिएटर इकोसिस्टमला रिव्हाईव्ह करण्याच्या तयारीत आहे. जगभरात जवळपास 3 अब्ज वापरकर्ते असूनही, फेसबुकला अजूनही टिकटॉक आणि यूट्यूबसारख्या प्लॅटफॉर्मशी स्पर्धा करणे कठीण जात आहे. त्यामुळे फेसबुक हा सगळा खटाटोप करत आहे.काही दिवसांपूर्वीच मेटाचे सीईओ मार्क झुकरबर्ग यांनी म्हटले आहे की, कंपनीला फेसबुकचे जुने युग परत आणायचे आहे. यामध्ये ओरिजनल कंटेंट आणि क्रिएटर एंगेजमेंटवर अधिक भर दिला जाईल. त्यामुळे या सगळ्याचा फायदा मात्र कंटेन्ट क्रिएटर्सना होणार हे मात्र नक्की.

iphone युजर्स हॅकिंगच्या धोक्यात! ‘या’ वेबसाइटमुळे तुमचा फोन आपोआप होऊ शकतो हॅक, वेळीच सावध व्हा…