
काय सांगता!!! Instagram स्टोरी अपलोड केल्यानंतरही मिळणार एडीट पर्याय... यूजर्ससाठी नवं फीचर रोलआऊट
इंस्टाग्रामचे प्रमुख एडम मोसेरी यांनी सांगितलं आहे की, स्टोरी अपलोड केल्यानंतर यूजर्सना टेक्स्ट, म्यूजिक, स्टिकर आणि ड्रॉइंगमध्ये बदल करण्याचा पर्याय मिळणार आहे. मात्र लक्षात ठेवा की, यूजर्ससाठी हा पर्याय केवळ 15 मिनिटे उपलब्ध असणार आहे. याचा अर्थ असा आहे की, इंस्टाग्राम स्टोरी अपलोड केल्यानंतर यूजर्सना टेक्स्ट, म्यूजिक, स्टिकर आणि ड्रॉइंगमध्ये बदल करण्यासाठी 15 मिनिटांचा कालावधी मिळणार आहे. ज्या यूजर्सना स्टोरी अपलोड केल्यानंतर त्यामध्ये काही चुकले आहे, असे वाटते त्यांच्यासाठी हे फीचर फायद्याचे ठरणार आहे. (फोटो सौजन्य: Pinterest)
लक्षात ठेवा की, स्टोरी अपलोड केल्यानंतर केवळ 15 मिनिटांसाठी टेक्स्ट, म्यूजिक, स्टिकर आणि ड्रॉइंगमध्ये बदल करण्याचा पर्याय उपलब्ध असणार आहे. स्मार्टफोनमध्ये इंस्टाग्राम ओपन करा आणि तुम्ही अपलोड केलेल्या स्टोरीवर क्लिक करा. आता खालील बाजूला दिसणाऱ्या तीन डॉट मेन्यूवर क्लिक करा. इथे तुम्हाला एडीट पर्याय दिसेल त्याची निवड करा. आता तुम्ही स्टोरीमधील टेक्स्ट, म्यूजिक, स्टिकर आणि ड्रॉइंगमध्ये तुमच्या पसंतीनुसार बदलू शकता.
तसेच, इंस्टाग्राम स्टोरीचा अनुभव अधिक चांगला व्हावा यासाठी स्टिकरमध्ये नवीन फाँट, रंग आणि आकार जोडत आहे. स्टिकरसाठी वेगवेगळ्या शीट्स देखील उपलब्ध असणार आहेत. ज्यामुळे यूजर्स अगदी सहज त्यांच्या पसंतीनुसार स्टिकरची निवड करू शकतात. तसेच, विविध फोटो निवडण्याच्या प्रक्रियेत देखील बदल केला जात आहे. यासोबतच नवीन ब्लर इफेक्ट, रंग आणि ग्रेडिएंट बॅकग्राउंड देखील जोडले जाणार आहे. या सर्व बदलांमुळे कंटेट क्रिएशन अधिक क्रिएटिव्ह आणि मजेदार होणार आहे.
Ans: इंस्टाग्रामच्या नवीन फीचरमुळे यूजर्सना स्टोरी पोस्ट केल्यानंतरही त्यामध्ये एडिट करता येणार आहे.
Ans: स्टोरी अपलोड केल्यानंतर केवळ 15 मिनिटांपर्यंत एडिट करण्याचा पर्याय उपलब्ध असणार आहे.
Ans: यूजर्स स्टोरीमधील टेक्स्ट, म्युझिक, स्टिकर्स आणि ड्रॉइंगमध्ये बदल करू शकणार आहेत.