आता येणार खरी मजा! ही टेक कंपनी तोडणार सर्व रेकॉर्ड्स, आतापर्यंतच्या सर्वात मोठ्या बॅटरीसह लाँच करणार स्मार्टफोन

लवकरच एक स्मार्टफोन लाँच केला जाणार आहे, जो बॅटरीच्या बाबतीत सर्वांचा बाप असणार आहे. या आगामी स्मार्टफोनमध्ये 10000mAh हून अधिक मोठी बॅटीर दिली जाणार आहे. या स्मार्टफोनचे काही लिक्स समोर आले आहेत.

• स्मार्टफोन युजर्सच्या मनावर करणार राज्य करणार हा स्मार्टफोन
• आतापर्यंतच्या सर्वात पावरफुल बॅटरीसह होणार लाँच
• कंपनीच्या या निर्णयामुळे इतर स्मार्टफोन कंपन्यांची झोप

गेल्या काही काळापासून स्मार्टफोन कंपन्या अनेक मोठ्या अपग्रेड आणि अपडेट्ससह स्मार्टफोन लाँच करत आहे. विशेषतः कंपन्या स्मार्टफोनच्या कॅमेरा आणि बॅटरीकडे विशेष लक्ष देत आहेत. 2025 मध्ये लाँच झालेले बहुतेक स्मार्टफोन्स दमदार कॅमेरा आणि मोठ्या बॅटरीने सुसज्ज होते. 2025 मध्ये भारतासह ग्लोबल मार्केटमध्ये 7,000mAh हून अधिक बॅटरी कॅपॅसिटी असलेले अनेक स्मार्टफोन्स लॉन्च करण्यात आले. आता लवकरच हा रेकॉर्ड तुटणार आहे. कारण 2026 मध्ये असा एक स्मार्टफोन लाँच केला जाणार आहे ज्यामध्ये आतापर्यंतची सगळ्यात मोठी बॅटरी असेल.

YouTube ने हे प्रसिद्ध भारतीय चॅनल केलं बॅन, AI-जनरेटेड मूवी ट्रेलर आणि असे होते व्हिडीओ; जाणून घ्या सविस्तर

नवीन वर्षाच्या सुरुवातीला टेक कंपनी Honor असा एक स्मार्टफोन लाँच करणार आहे जो 10080mAh बॅटरी कॅपॅसिटीने सुसज्ज असणार आहे. बॅटरीच्या बाबतीत आतापर्यंतचा हा सर्वात दमदार स्मार्टफोन मानला जात आहे. यावरून असे संकेत मिळत आहेत की पुढील वर्षी आपल्याला आतापर्यंतची सर्वात मोठी बॅटरी असलेला स्मार्टफोन वापरण्याची संधी मिळणार आहे. कंपनीच्या या निर्णयामुळे इतर स्मार्टफोन कंपन्यांची झोप उडाली आहे.

Honor Power 2 मध्ये मिळणारे जम्बो बॅटरी

Honor Power यावर्षी चीनमध्ये लाँच करण्यात आला होता आणि कंपनी या फोनचे नेक्स्ट जनरेशन मॉडेल लाँच करण्याची तयारी केली आहे. या आगामी स्मार्टफोनबाबत सतत नवीन अपडेट समोर येत आहे. आता नुकतीच या स्मार्टफोनची बॅटरी कशी असणार याबाबत एक लीक समोर आली आहे. असं सांगितलं जात आहे की आगामी स्मार्टफोनमध्ये 10,080mAh बॅटरी दिली जाण्याची शक्यता आहे, जी 80W फास्ट चार्जिंगला सपोर्ट करेल. हा स्मार्टफोन अशा ग्राहकांसाठी एक उत्तम पर्याय ठरणार आहे, ज्यांना मोठ्या बॅटरीची आवश्यकता असते. Honor Power मध्ये 8,000mAh बॅटरी देण्यात आली आहे.

असे असू शकतात आगामी स्मार्टफोनचे फिचर

Honor Power 2 मध्ये 6.79 इंच LTPS फ्लॅट स्क्रीन दिली जाण्याची शक्यता आहे, जी 1.5K रेजॉल्यूशनसह उपलब्ध असेल. हा आगामी स्मार्टफोन मीडियाटेक डायमेंसिटी 8500 प्रोसेसरने सुसज्ज असण्याची शक्यता आहे. स्मार्टफोनच्या कॅमेरा सेटअप बद्दल बोलायचं झाले तर, या आगामी डिवाइसमध्ये रियरमध्ये 50MP चा मुख्य कॅमेरा आणि सेल्फी आणि व्हिडिओ कॉलिंगसाठी या आगामी स्मार्टफोनमध्ये 16MP चा कॅमेरा दिला जाऊ शकतो. असं सांगितलं जात आहे की, कंपनीचा नवीन स्मार्टफोन स्नो व्हाइट, मिडनाइन ब्लॅक आणि सनराइज ऑरेंज कलर ऑप्शनमध्ये लाँच केला जाण्याची शक्यता आहे.

लक्झरी ट्रेंड आता तुमच्या बजेटमध्ये! भारतीय कंपनी लाँच करणार सर्वात स्वस्त फोल्डेबल स्मार्टफोन, फीचर्स आणि किंमतीचा खुलासा

2025 मध्ये 7000mAh बॅटरीसह लाँच झाला होता हा स्मार्टफोन

2025 आणि टेक कंपनी Vivo ने Vivo T4 5G हा स्मार्टफोन लॉन्च केला होता ज्यामध्ये 7300 mAh बॅटरी देण्यात आली होती.. याशिवाय वनप्लस 15 मध्ये देखील 7,300mAh ची दमदार बॅटरी देण्यात आली होती. वनप्लस 15 ला टक्कर देण्यासाठी लॉन्च करण्यात आलेल्या iQOO 15 मध्ये कंपनीने 7,000mAh चा सिलिकॉन-एनोड बैटरी पैक दिला आहे.