तुम्ही खरेदी केलेली iPhone Type-C केबल नकली तर नाही ना? अशी करा तपसाणी, 90 टक्के लोकांना माहिती नाही

iPhone Tips: नकली आणि सेंकड हँड डिव्हाईसची विक्री सध्या मोठ्या प्रमाणात वाढली आहे. केवळ डिव्हाईसचं नाही तर नकली चार्जर केबलची देखील विक्री केली जात आहे. नकली चार्जर केबल कशी ओळखावी, जाणून घ्या.

• नकली चार्जिंग केबलची विक्री
• नकली चार्जिंग केबलमुळे आयफोनला नुकसान पोहोचू शकतं
• नकली केबल अगदी खऱ्यासारखी दिसते

तुम्ही नेहमी पाहिलं असेल की आयफोन युजर्स त्यांच्या आयफोन एवढीच चार्जिंग केबलची देखील काळजी घेत असतात. कारण आयफोनप्रमाणेच त्याच्या चार्जिंग केबलची किंमत देखील प्रचंड आहे. जर तुम्ही इतर स्मार्टफोन चार्जिंग केबलचा विचार केला तर iPhone Type-C केबल प्रचंड महाग आहे. त्यामुळे आयफोन युजर्स नेहमीच त्यांच्या चार्जिंग केबलची काळजी घेत असतात. तुम्ही देखील आयफोन युजर असाल तर नक्कीच तुम्ही तुमचा आयफोन चार्ज करण्यासाठी टाईप सी केबल खरेदी केली असेल. पण तुम्ही खरेदी केबल असली आहे की नकली हे तपासून पाहिलं का?

ती एक चूक आणि पाकिस्तान झाला बदनाम! बिझनेसच्या बातमीत छापला ChatGPT चा प्रॉम्प्ट, जगभरातील युजर्सनी उडवली खिल्ली

ज्याप्रमाणे सेंकड हँड किंवा नकली आयफोनची विक्री केली जाते. त्याचप्रमाणे नकली चार्जिंग केबलची देखील विक्री केली जाते. पण या नकली केबल देखील अगदी खऱ्याप्रमाणे दिसतात, त्यामुळे यातील फरक ओळखण फारच कठीण असतं. यासाठीच आज आम्ही तुम्हाला काही टिप्स सांगणार आहोत, ज्यामुळे तुम्हाला समजू शकेल की तुम्ही खरेदी केलेली आयफोनची चार्जिंग केबल असली आहे की नकली. जर तुम्ही खरेदी केलेली केबल नकली असेल तर यामुळे तुमच्या आयफोनला नुकसान पोहोचू शकतं आणि त्याची बॅटरी खराब होण्याची देखील शक्यता असते. (फोटो सौजन्य – Pinterest) 

1. Apple Cable सत्यता तपासा

नकली केबल अगदी खऱ्यासारखी दिसते त्यामुळे पाहता क्षणी त्याला ओळखणं फार कठिण आहे. पॅकेजिंग, डिझाईन, फिनिश सगळंकाही अगदी खऱ्याप्रमाणे दिसते. त्यामुळे दिसण्यावर अजिबात विश्वास ठेऊ नका. अशा परिस्थितीत काय करावं यासाठी Apple Store ने सल्ला दिला आहे. सर्वात आधी बॉक्स आणि केबलवरील सर्व मार्किंग अगदी लक्षपूर्वक पाहा. टेक्स्चर आणि पैकिंग क्वालिटी चेक करा. सीरियल नंबर आणि मॉडल कोड जुळवा.

2. मॅन्युफैक्चरिंग रीजन आणि सीरियल नंबर

Apple केबल्स सहसा चीन, वियतनाम आणि आता भारतात तयार केल्या जातात. असली केबलमध्ये Type-C कनेक्टरच्या मेटल पार्टजवळ सीरियल नंबर आणि मॅन्युफॅक्चरिंग रीजन लिहीलेला असतो. नकली केबलमध्ये हा सिरीअल नंबर दिला जात नाही, किंवा लोकेशन चुकीचे लिहीले जाते.

3. केबलची बिल्ड क्वालिटी तपासा

खरी केबल ओळखण्याची सर्वात सोपी पद्धत म्हणजे मजबूत ब्रेडेड डिझाईन, दोन्ही टोकाला रिइनफोर्स्ड मेटल प्रोटेक्शन,
टाइट फिटिंग आणि स्मूथ फिनिश अशी आहे. बनावट केबल्स सहसा लूज फिट असतात आणि निकृष्ट दर्जाचे असतात. टोके कमकुवत आणि सैल असतात.

अहो iPhone नाही, हा तर itel! केवळ 7,299 रुपयांच्या किंमतीत दमदार स्मार्टफोन लाँच! स्पेसिफिकेशन्स आणि किंमत जाणून घ्या

आयफोन केबल खरेदी करताना लक्षात ठेवा या महत्त्वाच्या गोष्टी

• ऑथराइज्ड विक्रेत्याकडून खरेदी करा
• ऑनलाइन असो किंवा ऑफलाइन, खरेदी करताना नेहमी ऑथराइज्ड स्टोअरची निवड करा.
• Amazon/Flipkart वर Apple अधिकृत विक्रेता टॅग शोधा.
• ऑफलाइन Apple Authorised Reseller कडून खरेदी करा.
• जर तुम्ही थर्ड-पार्टी एक्सेसरी खरेदी करत असा तर MFi (Made for iPhone) सर्टिफिकेशन नक्की तपासा.