Tech Tips: Instagram वरून थेट स्मार्टफोनमध्ये सेव्ह करा तुमचे फोटो आणि व्हिडिओ! आत्ताच फॉलो करा या सोप्या स्टेप्स

Instagram Tips: इंस्टाग्रामवरील फोटो आणि व्हिडीओ तुमच्या स्मार्टफोनमध्ये सेव्ह करण्याची प्रोसेस अत्यंत सोपी आहे. यासाठी तुम्हाला तुमच्या स्मार्टफोनमध्ये इंस्टाग्राम ओपन करून काही सोप्या स्टेप्स फॉलो कराव्या लागणार आहेत. याबाबत आता अधिक जाणून घेऊया.

• इंस्टाग्रामवरून डाऊनलोड करा तुम्ही पोस्ट केलेले फोटो आणि व्हिडीओ
• इंस्टाग्रामवर यूजर्ससाठी विविध फिचर्स उपलब्ध

इंस्टाग्राम (Instagram) लोकप्रिय सोशल मीडिया प्लॅटफॉर्म्सपैकी एक आहे. इंस्टाग्रामचे करोडो यूजर्स आहेत. खरं तर सुरुवातीला इंस्टाग्राम केवळ फोटो पोस्ट करण्याच्या सुविधेसह लाँच करण्यात आला होता. पूर्वी केवळ फोटो पोस्ट करण्यासाठी उपलब्ध असलेल्या या प्लॅटफॉर्ममध्ये कालांतराने व्हिडीओ आणि रिल्स शेअर करण्याची सुविधा देखील जोडण्यात आली. कंपनीने टप्प्याटप्प्याने यामध्ये अनेक नवीन फीचर्स जोडले, ज्यामुळे कमी काळातच या प्लॅटफॉर्मला यूजर्सची पसंती मिळाली. आता इंस्टाग्रामवर असे अनेक फीचर्स उपलब्ध आहेत, ज्यामुळे यूजर्सची अनेक कामं चुटकीसरशी होतात. अशाच एका फीचरबद्दल आता आम्ही तुम्हाला सांगणार आहोत.

Smartphone Price Dropped: नवा Samsung फ्लिप फोन झाला स्वस्त! या प्लॅटफॉर्मवर मिळतेय सर्वोत्तम डिल, जाणून घ्या सविस्तर

अनेकदा असं घडतं की, इंस्टाग्रामवर फोटो किंवा व्हिडीओ पोस्ट केल्यानंतर फोनचे स्टोरेज रिकामे करण्यासाठी आपण संबंधित फोटो किंवा व्हिडीओ आपल्या फोनमधून डिलीट करतो. मात्र जेव्हा आपल्याला गरज असते, तेव्हा हे फोटो आणि व्हिडीओ परत कसे मिळवायचे असा प्रश्न असतो. यासाठी इंस्टाग्राम तुमची मदत करू शकतो. इंस्टाग्राम यूजर्सना त्यांच्या स्मार्टफोनच्या कॅमेरा रोलमध्ये अगदी सहज फोटो आणि व्हिडीओ डाऊनलोड करण्याची सुविधा देते. पोस्ट केलेल्या फोटो आणि व्हिडीओसह तुम्ही इंस्टाग्राम स्टोरीज देखील फोनमध्ये डाऊनलोड करू शकता. यासाठी तुम्हाला काही सोप्या स्टेप्स फॉलो कराव्या लागणार आहेत.  (फोटो सौजन्य: Pinterest) 

इंस्टाग्रामवर पोस्ट केलेले फोटो आणि व्हिडीओ फोनमध्ये कसे डाऊनलोड कराल?

• फोनमध्ये इंस्टाग्राम ओपन करा.
• स्क्रीनच्या खालील बाजूला उजव्या कोपऱ्यात दिसणाऱ्या प्रोफाईल फोटोवर क्लिक करा.
• आता पोस्ट केलेला असा फोटो किंवा व्हिडीओ निवडा जो तुम्हाला फोनमध्ये डाऊनलोड करायचा आहे.
• आता संबंधित पोस्टच्या शेअर बटनवर क्लिक करा.
• इथे तुम्हाला डाऊनलोड पर्याय दिसेल, त्यावर क्लिक करा.
• आता हा फोटो किंवा व्हिडीओ तुमच्या फोनमध्ये सेव्ह केला जाईल.

तुम्ही इंस्टाग्रामवर फोटो किंवा व्हिडीओ पोस्ट करताना ऑटोमॅटिकली डाउनलोडचा पर्याय देखील निवडू शकता.

• यासाठी तुमच्या प्रोफाईल पेजवर वरच्या बाजूला उजव्या कोपऱ्यात दिसणाऱ्या मोअर ऑप्शन्स मेन्यूवर टॅप करा.
• खाली स्क्रोल करा आणि यूवर ॲप अँड मिडीया सेक्शनवर क्लिक करा.
• आर्काइव आणि डाउनलोड बटनवर क्लिक करा.
• आता सेव्हिंग टू कॅमेरा रोल ऑप्शन ऑन करा.

सज्ज व्हा! तगड्या फीचर्ससह नवा Vivo V80 एंट्रीसाठी तयार, लाँचिंगपूर्वीच समोर आले डिटेल्स

इंस्टाग्राम स्टोरीवरील फोटो आणि व्हिडीओ फोनमध्ये कसे डाऊनलोड कराल?

• फोनमध्ये इंस्टाग्राम ओपन करा.
• स्क्रीनच्या खालील बाजूला उजव्या कोपऱ्यात दिसणाऱ्या प्रोफाईल फोटोवर क्लिक करा.
• तुम्हाला जी स्टोरी डाऊनलोड करायची तीच स्टोरी ओपन करा.
• स्क्रीनच्या तळाशी डाव्या कोपऱ्यात दिसणाऱ्या तीन डॉट्सवर टॅप करून ‘मोअर’ मेनू उघडा.
• आता थेट सेव्ह बटनावर क्लिक करा.