Tech Tips: इंस्टांग्राम सुरक्षा आता तुमच्या हातात! केवळ एक सेटिंग आणि हॅकर्स राहतील 4 फूट लांब, जाणून घ्या सविस्तर

Instagram Tips: इंस्टाग्राम हॅकिंगच्या घटना वाढल्या आहेत. आपलं अकाऊंट सुरक्षित राहण्यासाठी प्रत्येक इंस्टाग्राम अकाऊंट प्रयत्न करत असतो. काही सोप्या टिप्स तुम्हाला इंस्टाग्राम अकाऊंट सुरक्षित ठेवण्यासाठी मदत करू शकतात.

• तुमचं इंस्टाग्राम अकाऊंट सुरक्षित आहे का?
• केवळ एक सेटिंग करा आणि हॅकर्स दूर ठेवा
• इंस्टाग्राम अकाऊंट हॅक होऊ नये यासाठी हे नक्की वाचा

सोशल मीडिया प्लॅटफॉर्म इंस्टाग्रामचे करोडो यूजर्स आहेत. इंस्टाग्राम त्यांच्या यूजर्ससाठी अनेक फीचर्स जारी करत असते, ज्यामुळे यूजर्सची सुरक्षा वाढावी आणि त्यांना अ‍ॅप वापरताना अधिक चांगला अनुभव मिळावा. इंस्टाग्राम यूजर्सच्या संख्येत ज्याप्रमाणे वाढ होत आहे, त्याचप्रमाणे इंस्टाग्राम हॅकिंगच्या घटना देखील मोठ्या प्रमाणात वाढल्या आहेत. हॅकर्स वेगवेगळ्या पद्धतीने यूजर्सचे इंस्टाग्राम अकाऊंट हॅक करण्याचा प्रयत्न करतात. यानंतर काही यूजर्सना पैशांसाठी ब्लॅकमेल केले जाते, तर काही यूजर्सची माहिती लिक केली जाते. त्यामुळे आपलं अकाऊंट सुरक्षित राहावं आणि हॅकर्सपासून लांब राहावं, यासाठी प्रत्येक यूजर प्रयत्न करत असतो.

फिटनेस प्रेमींसाठी मोठी खुशखबर! Apple Fitness+ ची भारतात एंट्री, फक्त 149 रुपयांत मिळणार पर्सनल ट्रेनरसारखा अनुभव

यूजर्सचे इंस्टाग्राम अकाऊंट सुरक्षित राहावे, यासाठी कंपनी सतत प्रयत्न करत असते. यूजर्सच्या सूरक्षेसाठी कंपनी सतत नवीन फीचर्स देखील जारी करत असते. या फीचर्सच्या मदतीने यूजर्स त्यांचे अकाऊंट सुरक्षित ठेऊ शकतात. आता आम्ही तुम्हाला एका सेटिंगबद्दल सांगणार आहोत, ज्याच्या मदतीने तुम्ही तुमचं अकाऊंट हॅकर्सपासून सुरक्षित ठेऊ शकता. या अगदी सोप्या स्टेप्स आहेत. या स्टेप्स फॉलो करून तुमच्या अकाऊंटला जास्तीची सुरक्षा दिली जाणार आहे. जेव्हा हॅकर्स किंवा कोणीही तुमचं अकाऊंट लॉगिन करण्याचा प्रयत्न करेल, तेव्हा या सेटिंगच्या मदतीने तुम्हाला आधीच अलर्ट मिळणार आहे. ही सेटिंग अगदी सोपी आहे. याबाबत आता सविस्तर जाणून घेऊया.  (फोटो सौजन्य – Pinterest)

See more

इंस्टाग्राम अकाऊंट सुरक्षित ठेवण्यासाठी फॉलो करा या सोप्या स्टेप्स

• सर्वात आधी तुमचं इंस्टाग्राम अकाऊंट ओपन करा
• आता तुमच्या प्रोफाईलवर क्लिक करा
• वरच्या बाजूला दिसणाऱ्या तीन डॉटवर क्लिक करा
• स्क्रीनवर दिसणाऱ्या अकाऊंट सेंटर या पर्यायावर क्लिक करा
• खाली स्क्रोल करा आणि पासवर्ड आणि सिक्युरिटी पर्यायावर क्लिक करा
• आता समोर दिसणाऱ्या व्हेरिफिकेशन सेल्फीवर क्लिक करा
• आता तुम्हाला तुमच्या व्हाट्सअप नंबरवर एक कोड येईल

Year Ender 2025: स्टाईल आणि हेल्थ फीचर्सचं अनोखं कॉम्बिनेशन! या आहेत वर्षभरात लाँच झालेल्या टॉप स्मार्ट रिंग्स

• हा कोड कॉपी करा आणि इंस्टाग्राम स्क्रीनवर दिसणाऱ्या बॉक्समध्ये पेस्ट करा
• आता कंटिन्यूवर क्लिक करा
• आता समोर दिसणाऱ्या स्क्रीनवर सेव्ह व्हेरिफिकेशन सेल्फी फॉर अकाऊंट रिकवरी हा पर्याय दिसेल
• आता स्क्रीनवर दिलेल्या सूचना फॉलो करून तुमचा सेल्फी क्लिक करा
• या सोप्या पद्धतीने तुम्ही तुमच्या इंस्टाग्राम अकाऊंटला जास्तीची सुरक्षा देऊ शकता

आता जेव्हाही कोणी तुमचं इंस्टाग्राम अकाऊंट हॅक करण्याचा प्रयत्न करेल तेव्हा तुम्हाला मेलवर किंवा व्हॉट्सॲपवर कोड येईल, हा कोड टाकल्याशिवाय तुमचं इंस्टाग्राम अकाउंट ओपन होणार नाही.