Tech Tips: स्मार्टफोन कंपनीने तुम्हाला नकली चार्जर तर नाही दिला? सत्य जाणून घेण्यासाठी हे सरकारी ॲप करेल तुमची मदत

जर तुम्ही तुमचा स्मार्टफोन दुसरा एखादा चार्जर किंवा लोकल चार्जरने चार्ज करत असाल तर तुमचा स्मार्टफोन लवकर खराब होऊ शकतो. अनेकदा लोकल आणि नकली चार्जरमुळे स्मार्टफोन ब्लास्ट होण्याचा धोका असतो. यामुळे तुम्ही नेहमी तुमच्या स्मार्टफोन चार्जरच्या बाबतीत सतर्क असणं आवश्यक आहे. जर तुम्ही नवीन स्मार्टफोन खरेदी करण्याचा किंवा चार्जर खरेदी करण्याचा विचार करत असाल तर ही बातमी तुमच्यासाठी फायदेशीर ठरणार आहे. यामुळे तुमच्या अनेक समस्या चुकीसरशी सोडवल्या जाऊ शकतात. (फोटो सौजन्य – Pinterest)

नकली चार्जर आपल्या स्मार्टफोनच्या ओव्हरहिटिंगचे कारण बनू शकते. अनेकदा असं होतं की जेव्हा आपला चार्जर खराब होतो तेव्हा आपण मोबाईल शॉपमध्ये जाऊन नवीन चार्जर खरेदी करतो. मात्र हा चार्जर ओरिजिनल आहे की नकली याबाबत आपल्याला माहितच नसतं. जर चार्जर नकली किंवा लोकल चार्जर खरेदी करतो, यामुळे आपला स्मार्टफोन खराब होऊ शकतो. तसंच ओव्हर हिटिंगची समस्या देखील निर्माण होऊ शकते. जर तुम्ही थोडे सतर्क राहिलात तर तुम्हाला समजेल की तुम्ही खरेदी केलेला चार्जर ओरिजिनल आहे की नकली. यासाठी तुम्हाला काही प्रोसेस फॉलो करावी लागणार आहे.

Redmi Note 15 Pro सिरीजची चीनमध्ये दणक्यात एंट्री! सॅटेलाइट-बेस्ड इमरजेंसी मेसेजिंग आणि राक्षसी बॅटरी…. किंमत 30 हजारांहून कमी

BIS Care App च्या मदतीने तुम्ही अगदी सहज ओळखू शकता की तुम्ही खरेदी केलेला चार्जर ओरिजिनल आहे की नकली आहे. BIS हा भारत सरकारच्या मिनिस्ट्री ऑफ कंज्यूमर अफेयर, फूड एंड पब्लिक डिस्ट्रीब्यूशनअंतर्गत काम करते. BIS भारतात विकल्या जाणाऱ्या वस्तुंसाठी एक क्वालिटी सर्टिफिकेशन संस्था आहे. BIS Care App चा वापर प्रत्येक मोबाइल फोन यूजर करू शकतो. या ॲपच्या मदतीने तुम्ही अगदी सहज ओरिजनल आणि नकली चार्जर मधील फरक ओळखू शकता.

• असली आणि नकली चार्जर ओळखण्यासाठी तुम्हाला सर्वात आधी iOS आणि Android डिव्हाइसवर BIS केअर अ‍ॅप डाउनलोड करावे लागेल.
• आता तुमच्या स्मार्टफोनवर ॲप ओपन करा आता तुम्हाला CRS अंतर्गत Verify R no. या पर्यायावर टॅप करावे लागेल.
• आता तुम्हाला ओरिजनल आणि नकली चार्जर ओळखण्याचे दोन ऑप्शन मिळतील.
• तुम्ही प्रोडक्ट रजिस्ट्रेशन नंबर प्रविष्ट करून किंवा उत्पादनाचा QR कोड स्कॅन करून माहिती मिळवू शकता.
• स्कॅन केल्यानंतर किंवा रजिस्ट्रेशन नंबर डिटेल एंटर केल्यानंतर तुम्हाला प्रोडक्टची कैटेगरी, प्रोडक्ट कोणत्या देशात तयार करण्यात आले आहे, BIS नंबर आणि मॉडलबाबत संपूर्ण माहिती मिळणार आहे.
• जेव्हा तुम्ही चार्जर खरेदी करता तेव्हा त्यावर उत्पादन क्रमांक आणि QR कोड दोन्ही दिलेले असतात, परंतु जर तुम्हाला ते दोन्ही बॉक्समध्ये सापडले नाहीत तर समजून घ्या की उत्पादन बनावट आहे.

संबंधित बातम्या