Huawei FreeBuds 7i: Huawei चं ग्राहकांसाठी खास सरप्राईज! 35 तासापर्यंत चालणारी बॅटरी आणि जेस्चर कंट्रोल सपोर्टसह नवीन ईयरबड्स लाँच
Huawei FreeBuds 7i गेल्या आठवड्यात चीनमध्ये लाँच करण्यात आले आहे. Huawei Mate XTs ट्रिपल फोल्डेबल हँडसेटसह कंपनीने हे नवीन ईअरबड्स लाँच केले आहे. हे TWS हेडसेट 11mm डायनामिक ड्राइवर्स आणि 8 sq mm एयर चेंबरसह लाँच करण्यात आले आहे, जो आवाजाला शोषून आणि कमी करण्यास मदत करतो. यामध्ये इमर्सिव स्पेशियल ऑडियो आणि 10-बैंड कस्टमाइज करण्यासाठी इक्वलाइजर सपोर्ट देण्यात आला आहे. केससह ईयरफोन्स 35 तासांचा प्लेबॅक टाईम ऑफर करतात. FreeBuds 7i, मे 2024 मध्ये लाँच करण्यात आलेल्या FreeBuds 6i चा सक्सेसर आहे.
Huawei FreeBuds 7i ची किंमत CNY 599 म्हणजेच सुमारे 7,400 रुपये ठेवण्यात आली आहे. हे ईअरफोन्स हुआवेई चायना ई-स्टोअरवर खरेदीसाठी उपलब्ध आहे. हे नवीन ईअरबड्स ग्रे, पिंक आणि वाइट कलर ऑप्शन्समध्ये खरेदीसाठी उपलब्ध आहे. येत्या काही महिन्यात हे डिव्हाईस इतर बाजारात देखील लाँच केले जाणार आहे. (फोटो सौजन्य – X)
Huawei FreeBuds 7i मध्ये पावर देण्यासाठी 11mm क्वाड-मॅग्नेट डायनॅमिक ड्राइवर्स देण्यात आले आहे आणि हे 10-बँड EQ आणि मल्टीपल ऑडियो प्रीसेट्स सपोर्टसह येतात. हे हेड-ट्रॅकिंगसह स्पॅशियल ऑडियोला देखील सपोर्ट करते. जो इमर्सिव 360-डिग्री एक्सपीरियंस ऑफर करतो. हेडसेट बोन-कंडक्शन माइक्रोफोन आणि ट्रेडिशनल माइक एरेचा वापर करतात, ज्यामुळे कॉल क्वालिटी अधिक चांगली होते. यामध्ये AI नॉइज कँसलेशन सिस्टम आहे, जी 90dB पर्यंत बॅकग्राउंड नॉइज कमी करते आणि वाऱ्याचा अडथळा कमी करते, गोंगाटाच्या वातावरणातही आवाज स्पष्ट ठेवते.
ईयरफोन्स स्मार्ट डायनामिक नॉइज कँसलेशन 4.0 सपोर्ट करतात. जे तीन मायक्रोफोन आणि 8 चौरस मिमी एअर डक्ट चेंबरसह बाह्य आवाज रोखते. Huawei ने दिलेल्या माहितीनुसार, हे सिस्टम सरासरी 28dB पर्यंत पूर्ण-बँड रिडक्शन देते, 50 टक्क्यांपर्यंत लेटन्सी कमी करते आणि 0.5 सेकंदांपेक्षा कमी वेळात पर्यावरणीय बदलांशी जुळवून घेते.
FreeBuds 7i मध्ये Huawei ने Xiaoyi असिस्टेंटद्वारे वॉइस कमांड सपोर्ट दिला आहे, ज्याच्या मदतीने यूजर्स कॉल्स, म्यूजिक आणि अलार्म्सला हँड्स-फ्री मॅनेज करू शकतात. ईयरबड्स जेस्चर कंट्रोलला देखील सपोर्ट करतो, जसे की कॉल अटेंड करण्यासाठी डोके हलवणे किंवा तो नाकारण्यासाठी डोके हलवणे. एवढंच नाही तर आवाज एडजस्ट करण्यासाठी, ANC मोड बदलण्यासाठी आणि प्लेबॅक कंट्रोल करण्यासाठी टच इनपुट्स देखील देण्यात आले आहेत.
कनेक्टिविटीसाठी, हेडसेट Bluetooth 5.4 चा वापर करतो. हे डिव्हाईस SBC, AAC, LDAC आणि L2HC 2.0 कोडेक्सना सपोर्ट करते. इअरबड्सना IP54 डस्ट आणि स्प्लॅश रेझिस्टन्स रेटिंग देखील आहे. Huawei FreeBuds 7i ईयरबड्समध्ये 55.5mAh बॅटरी दिली आहे, केसमध्ये 510mAh सेल आहे. एएनसीशिवाय, हे इयरफोन 8 तासांपर्यंत किंवा एएनसी चालू असताना 5 तासांपर्यंत प्लेबॅक देतात.
.png "Videos"){kind=small}
