आधार कार्ड हरवल्यांनंतर काय करावे? चिंता करू नका, फक्त ‘या’ स्टेप्स फॉलो करा

आजच्या डिजिटल युगात आपले आधार कार्ड आपल्यासाठी एक महत्तवाचे कागदपत्र बनले आहे. सध्या अनेक महत्तवाच्या कामांसाठी आपल्याला आपल्या आधार कार्डची गरज भासते अशात जर आपले आधार कार्ड हरवले तर आपल्या पोटात गोळा येतो. मात्र आता चिंता करू नका आणि आपले आधार कार्ड मिळवण्यासाठी फक्त एक सोपा उपाय करून पहा. (फोटो सौजन्य: istock)

Follow Us:

Follow Us:

आधार कार्ड हे आपल्या आयुष्यातील एक महत्त्वाची गोष्ट आहे. आज लहान असो वा मोठे सर्वांकडेच आधार कार्ड असणे काळाची गरज बनली आहे. आपली ओळख पटवण्यापासून तर अनेक डिजिटल कामात आधार कार्डची गरज भासत असते. मग बँकेचे काम असूद्यात किंवा कोणत्या नोकरीवर रुजू व्हायचे असूद्यात प्रत्येक वेळी आपल्याला विचारले जाणारे कागदपत्र म्हणजे आपले आधारकार्ड.

माझे आधार, माझी ओळख हे आधार कार्डचे ब्रीदवाक्य उगाचच ठेवलेले नाही. कोणतेही महत्त्वाचे काम असले की आपल्याला आपल्या आधार कार्डची गरज भासतेच. अशात तर जर कधी आपले आधार कार्ड अचानक हरवले तर मात्र आपली तारांबळ उडाल्याशिवाय राहत नाही. मात्र आता चिंता करण्याची काहीच गरज नाही, आज आम्ही तुम्हाला आधार कार्ड हरवल्यास काय करावे यासाठीच्या काही सोप्या टिप्स तुमच्यासोबत शेअर करत आहोत.

हेदेखील वाचा – Google चे नवीन फिचर सोडेल फोनची लत, लहान मुलांना कंट्रोल करण्यास करेल मदत

आधारकार्ड हरवल्यास या स्टेप फॉलो करा

• यासाठी सर्वप्रथम आपले गुगल खाते ओपन करा आणि ॲड्रेस बारमध्ये http://www.uidai.gov.in टाईप करा, यानंतर तुमच्या समोर एक युनिक आयडेंटिफिकेशन अथॉरिटी ऑफ इंडिया (UIDAI) चे अधिकृत संकेतस्थळ येई, हे अधिकृत संकेतस्थळ आहे, जिथे तुम्ही तुमच्या आधार कार्डाविषयीची संबंधित सर्व माहिती मिळू शकते
• आता UIDAI अधिकृत संकेतस्थळाच्या होम पेजवर, ‘Retrieve Lost UID/EID’ हा पर्याय शोधा, हा पर्याय सहसा ‘आधार सेवा’ (Aadhaar Services) विभागात आढळतो, हा पर्याय सापडला की त्यावर क्लिक करा
• यानंतर तुमच्या समोर एक नवीन पेज ओपन होईल, याजागी तुम्ही तुमचे हरवलेले आधार कार्ड पुन्हा मिळवण्यासाठीची प्रक्रिया सुरु करू शकता
• तुमची ओळख पटविण्यासाठी तुम्हाला काही वैयक्तिक माहिती द्यावी लागेल जसे की, तुमचे पूर्ण नाव, ईमेल आयडी, मोबाईल नंबर इ.
• यानंतर तुम्ही जो मोबाईल नंबर एंटर कराल त्यावर एक OTP पाठवला जाईल
• तुम्हाला आधार कार्ड क्रमांक किंवा नावनोंदणी आयडीमध्ये नक्की काय रिट्रिव्ह करायचे आहे त्यावर क्लिक करा
• जर तुम्हाला तुमचा आधार क्रमांक हवा असल्यास, ‘आधार क्रमांक‘ (UID) पर्याय निवडा. जर तुम्हाला नावनोंदणी क्रमांक हवा असल्यास ‘आधार नोंदणी क्रमांक (EID) हा पर्याय निवडा
• ओटीपी पाठवा या बटणावर क्लिक करा. तुमच्या आधारबरोबर लिंक करण्यात आलेल्या मोबाईल नंबरवर तुम्हाला सहा अंकी ओटीपी पाठविला जाईल. संकेतस्थळावर दिलेल्या फील्डमध्ये हा ओटीपी टाका. OTP बरोबर तुम्हाला स्क्रीनवर दिसणारा सिक्योरिटी कोडदेखील टाकावा लागेल. एकदा तुम्ही हा तपशील भरला की, मग ‘सबमिट करा’वर क्लिक करा
• तुम्ही तपशीलची नीट पडताळणी केल्यांनतर तुम्हाला तुमचा आधार किंवा नोंदणी क्रमांक तुमच्या ईमेल ऍड्रेसवर किंवा मोबाइल क्रमांकावर पाठवला जाईल

Web Title: If you lost your aadhar card then follow these steps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com