शुक्रवार, 13 नोव्हेंबर 2026
संयुक्त अरब अमिरातीमध्ये २३ वाहनांना भीषण आग लागली, यात एका भारतीयासह १४ जणांचा मृत्यू झाला आणि ३० जण जखमी झाले; व्हिडिओ पहा. ( फोटो सौजन्य : सोशल मीडिया )
संयुक्त अरब अमिरातीमधून (UAE) एक अत्यंत हृदयद्रावक आणि अंगावर काटा आणणारी बातमी समोर आली आहे. येथील फुजैरा (Fujairah) शहराच्या प्रवेशद्वाराजवळ असलेल्या शेख खलिफा बिन झायेद महामार्गावर मध्यरात्रीच्या सुमारास २३ वाहनांचा अत्यंत भीषण विचित्र अपघात झाला. एका भरधाव अवजड ट्रकच्या चालकाचे वाहनावरील नियंत्रण सुटल्याने हा ट्रक रस्त्यावरील इतर वाहनांवर जाऊन आदळला. या जोरदार धडकेनंतर वाहनांनी अचानक पेट घेतला आणि पाहता पाहता आगीने रौद्ररूप धारण केले. या भयंकर दुर्घटनेत भारतीय नागरिकांसह किमान १४ जणांचा जागीच होरपळून मृत्यू झाला असून ३० प्रवासी गंभीर जखमी झाले आहेत.
यूएईच्या गृह मंत्रालयाने सोशल मीडिया प्लॅटफॉर्म ‘एक्स’ (X) वर अधिकृत निवेदन जारी करून या दुर्घटनेची सविस्तर माहिती दिली आहे. मिळालेल्या माहितीनुसार, मध्यरात्रीच्या थोड्या वेळापूर्वी महामार्गावर वाहतूक काहीशी संथ गतीने सुरू होती. त्याच वेळी मागून येणाऱ्या एका अवजड ट्रकच्या चालकाचे वाहनावरील नियंत्रण अचानक सुटले. वेगात असलेल्या या ट्रकने सुरुवातीला एका वाहनाला जोरदार धडक दिली. धडकेनंतर ट्रक रस्त्यावरच उलटला आणि पुढे संथ गतीने चालणाऱ्या व उभ्या असलेल्या तब्बल २३ वाहनांना चिरडत गेला. या विचित्र अपघातात पाच मोठ्या ट्रक्सचा आणि १८ लहान-मोठ्या गाड्यांचा समावेश होता.
या साखळी अपघाताचा आघात इतका भयंकर होता की उलटलेल्या ट्रकला तात्काळ आग लागली. ट्रकच्या इंधन टाकीचा स्फोट झाल्यासारखी परिस्थिती निर्माण झाल्याने आगीचे लोळ वेगाने शेजारी अडकलेल्या इतर वाहनांपर्यंत पसरले. महामार्गावर एकच हाहाकार माजला आणि अनेक प्रवाशांना आपल्या गाडीतून बाहेर पडण्याची संधीही मिळाली नाही. घटनेची माहिती मिळताच फुजैरा पोलीस, नागरी संरक्षण दल (Civil Defence) आणि रुग्णवाहिकांची पथके तातडीने घटनास्थळी दाखल झाली. बचाव पथकांनी शर्थीचे प्रयत्न करून आगीवर नियंत्रण मिळवले आणि जखमींना तात्काळ जवळच्या रुग्णालयांत हलवले.
जागतिक घडामोडी संबंधित बातम्या वाचण्यासाठी येथे क्लिक करा : World Kindness Day: जपानमधून सुरू झालेली ही चळवळ जगभर कशी पोहोचली? वाचा जागतिक दयाळूपणा दिवसाचा रंजक इतिहास
आग इतकी भीषण होती की अनेक वाहने पूर्णपणे जळून कोळसा झाली, तर आगीत होरपळल्यामुळे अनेक मृतांची ओळख पटवणे जवळपास अशक्य झाले आहे. प्रशासनाने दिलेल्या माहितीनुसार, मृतदेहांची नेमकी ओळख पटवण्यासाठी फॉरेन्सिक तज्ज्ञांच्या मदतीने डीएनए (DNA) चाचण्या केल्या जात आहेत. या अपघातात जखमी झालेल्या ३० जणांना रुग्णालयात दाखल करण्यात आले होते, ज्यापैकी १५ जणांची प्रकृती स्थिर असल्याने त्यांना प्राथमिक उपचारानंतर घरी सोडण्यात आले आहे, तर उर्वरित १५ जखमींवर अद्याप तज्ज्ञ डॉक्टरांच्या देखरेखीखाली उपचार सुरू आहेत. मृत आणि जखमींमध्ये यूएईचे स्थानिक नागरिक, भारत, ओमान, ब्राझील, पाकिस्तान, जॉर्डन आणि इजिप्त या देशांच्या नागरिकांचा समावेश आहे.
या भीषण अपघाताने भारतातील केरळ राज्यातील एका कुटुंबावर दुःखाचा मोठा डोंगर कोसळला आहे. समोर आलेल्या माहितीनुसार, या दुर्घटनेत मूळचे केरळचे असलेले २१ वर्षीय जुळे भाऊ-बहीण मोहम्मद अस्मील सिद्दीक आणि मिसना जुबीन सिद्दीक यांचा त्यांच्या अवघ्या ३ वर्षांच्या भाच्यासोबत (मुहम्मद फैज) दुर्दैवी मृत्यू झाला आहे. हे कुटुंब शारजाह येथे आपल्या एका नातेवाईकाला सोडून रात्री ११ वाजण्याच्या सुमारास फुजैरा येथे आपल्या घरी परतत होते.
14 killed, 30 injured in multi-vehicle crash in UAE’s Fujairah https://t.co/qP7r8rpIyq — Shakeel Yasar Ullah (@yasarullah) November 13, 2026
credit – social media and Twitter
फुजैरा कोर्ट हाऊसजवळ त्यांच्या कारला या भरधाव ट्रकने जोरदार धडक दिली. धडक इतकी जबरदस्त होती की कारमधील अस्मील, मिसना आणि चिमुकला फैज रस्त्यावर फेकले गेले आणि त्यांचा जागीच मृत्यू झाला. सुदैवाने या अपघातात जुळ्या भावंडांची आई आरिफा, त्यांची बहीण फरझाना आणि तिची इतर दोन मुले थोडक्यात बचावली असून त्यांच्यावर उपचार सुरू आहेत. विशेष म्हणजे, हे जुळे भाऊ-बहीण जन्मापासून नेहमी एकत्र होते, सोबतच शिकत होते आणि आता मृत्यूनंतरही फुजैरा येथे एकाच वेळी त्यांच्यावर अंत्यसंस्कार केले जाणार आहेत.
जागतिक घडामोडी संबंधित बातम्या वाचण्यासाठी येथे क्लिक करा : Ayat Ul Kursi: करीना कपूरने घातलेल्या 200 वर्षे जुने राजेशाही पेंडंट ‘आयत-उल-कुर्सी’चा अर्थ काय? ज्यामुळे मिळाली कायदेशीर नोटीस
या दुर्घटनेत भारतीय नागरिकांचा मृत्यू आणि अनेक जण जखमी झाल्याच्या वृत्ताला दुबईतील भारतीय वाणिज्य दूतावासाने (Indian Consulate in Dubai) अधिकृत दुजोरा दिला आहे. दूतावासाने सोशल मीडियाद्वारे या घटनेबद्दल तीव्र दुःख व्यक्त केले आहे. भारतीय दूतावासाचे अधिकारी सातत्याने यूएईच्या स्थानिक प्रशासनाशी आणि रुग्णालयांशी संपर्कात असून, पीडित भारतीय नागरिकांना आणि त्यांच्या कुटुंबीयांना सर्वतोपरी कायदेशीर व वैद्यकीय मदत पुरवण्यासाठी प्रयत्न केले जात आहेत. मृतांच्या कुटुंबीयांशी संपर्क साधून त्यांना धीर देण्याचे काम दूतावासाकडून केले जात आहे.
شرطة الفجيرة تكشف تفاصيل الحادث المروري الجسيم على شارع خليفة الذي أسفر عن 14 وفاة و30 إصابة كشفت القيادة العامة لشرطة الفجيرة عن تفاصيل الحادث المروري الجسيم الذي وقع قبل منتصف الليل على شارع الشيخ خليفة بن زايد، عند مدخل إمارة الفجيرة، وأسفر عن وفاة 14 شخصاً وإصابة 30 آخرين بإصابات متفاوتة، إثر تصادم شاحنة بعدد من المركبات، وما أعقبه من اندلاع حريق امتد إلى عدد من المركبات المتضررة. وأكدت شرطة الفجيرة أن الحادث وقع نتيجة فقدان سائق شاحنة السيطرة عليها أثناء سيرها على الطريق، ما أدى إلى اصطدامها بمركبة أخرى، ومن ثم تدهورها واصطدامها بعدد من المركبات التي كانت متوقفة نتيجة بطء الحركة المرورية على الشارع، الأمر الذي أدى إلى اشتعال النيران في الشاحنة وامتداد الحريق إلى عدد من المركبات الأخرى، مخلفاً خسائر بشرية جسيمة. وأوضحت شرطة الفجيرة أن غرفة العمليات تلقت بلاغاً بالحادث، وعلى الفور انتقلت الفرق الشرطية المختصة وفرق الإسعاف والإنقاذ والدفاع المدني إلى الموقع، حيث باشرت مهامها في التعامل مع الحادث وإخماد الحريق وإسعاف المصابين ونقلهم إلى المستشفيات لتلقي الرعاية الطبية اللازمة، إلى جانب تأمين موقع الحادث وتنظيم الحركة المرورية واتخاذ الإجراءات اللازمة لضمان سلامة مستخدمي الطريق، مشيدةً بجهود جميع الفرق الميدانية والكوادر الطبية التي تعاملت مع الحادث بكفاءة ومسؤولية. وأضافت أن 15 مصاباً من إجمالي 30 مصاباً غادروا المستشفى بعد تلقي الرعاية الطبية اللازمة، فيما لا يزال 15 مصاباً يتلقون العلاج والرعاية الطبية في المستشفيات، وفقاً لحالاتهم الصحية. وأشارت شرطة الفجيرة إلى أن المتوفين شملوا أشخاصاً من الجنسية الإماراتية، إلى جانب عدد من المتوفين الذين لا تزال إجراءات التعرف على هوياتهم جارية من خلال فحوص البصمة الوراثية (DNA)، فيما شملت جنسيات المصابين الإماراتية والعُمانية والهندية والبرازيلية والباكستانية والأردنية والمصرية. وأعربت شرطة الفجيرة عن بالغ حزنها وأسفها لوقوع هذا الحادث الأليم، متقدمةً بخالص التعازي وصادق المواساة إلى أسر وذوي المتوفين، سائلةً المولى عز وجل أن يتغمدهم بواسع رحمته، وأن يلهم أهلهم وذويهم الصبر والسلوان، وأن يمنّ على المصابين بالشفاء العاجل. وشددت شرطة الفجيرة على أهمية الالتزام بقواعد السير والمرور والتقيد بالسرعات المحددة وترك مسافات الأمان الكافية، لاسيما عند الاقتراب من مواقع الازدحام والتباطؤ المروري، مؤكدةً أن المحافظة على الأرواح مسؤولية مشتركة، وأن شرطة الفجيرة ستواصل جهودها لتعزيز السلامة المرورية والحد من الحوادث الجسيمة. وأكدت القيادة العامة لشرطة الفجيرة أن الجهات المختصة تواصل استكمال الإجراءات القانونية والفنية المتعلقة بالحادث، مهيبةً بالجمهور ومرتادي منصات التواصل الاجتماعي تحري الدقة والمسؤولية عند تداول المعلومات، وعدم نشر الشائعات أو المعلومات غير الموثوقة، والاعتماد على المصادر الرسمية للحصول على المستجدات والتفاصيل المعتمدة. #وزارة_الداخلية_الإمارات
#فخورين_بالإمارات 🇦🇪
#الامارات_أمن_وأمان
#MOIUAE — وزارة الداخلية (@moiuae) November 12, 2026
credit – social media and Twitter
फुजैरा पोलीस आणि यूएईच्या गृह मंत्रालयाने या भीषण दुर्घटनेच्या सखोल चौकशीचे आदेश दिले आहेत. भरधाव ट्रकचे ब्रेक निकामी झाले होते का, वाहनात काही तांत्रिक बिघाड झाला होता की चालकाला डुलकी लागल्याने त्याचे नियंत्रण सुटले, या सर्व बाजूंनी तांत्रिक तपास केला जात आहे. दरम्यान, सोशल मीडियावर या अपघाताचे काही भयावह व्हिडिओ आणि फोटो व्हायरल होत आहेत. या पार्श्वभूमीवर यूएई प्रशासनाने नागरिकांना कळकळीचे आवाहन केले आहे की, कोणीही अपघाताशी संबंधित पडताळणी न केलेले व्हिडिओ, फोटो किंवा चुकीची माहिती सोशल मीडियावर शेअर करून अफवा पसरवू नयेत.
Ans: फुजैरा शहराच्या प्रवेशद्वाराजवळ शेख खलिफा बिन झायेद रस्त्यावर एका भरधाव ट्रकच्या चालकाचे नियंत्रण सुटल्याने ट्रक उलटला आणि संथ वाहतुकीतील २३ वाहनांना धडकला, ज्यामुळे भीषण आग लागली.
Ans: या भीषण अपघातात एकूण १४ जणांचा मृत्यू झाला असून ३० जण जखमी झाले आहेत. मृतांमध्ये केरळमधील २१ वर्षीय जुळ्या भाऊ-बहिणीसह त्यांच्या ३ वर्षांच्या भाच्याचा आणि अन्य भारतीय नागरिकांचा समावेश आहे.
Ans: वाहनांना लागलेली आग इतकी भीषण होती की अनेक मृतदेहांची ओळख पटवणे कठीण झाले आहे, त्यामुळे यूएई पोलीस आणि फॉरेन्सिक तज्ज्ञांच्या मदतीने डीएनए (DNA) चाचण्या केल्या जात आहेत.
