Jio-Airtel-Vi-BSNL युजर्सवर सरकार घेणार ॲक्शन! 1.7 करोड सिम कार्ड बंद, काय आहे कारण?

बनावट कागदपत्रांसह जारी केलेली 1.7 कोटी सिमकार्ड सरकारने आता बंद केली आहेत. AI टूलच्या मदतीने यांना ब्लॉक केले गेले. त्याच वेळी, बँकांनी आणि पेमेंट वॉलेटद्वारे सुमारे 11 लाख अकाउंट्स फ्रीझ केली आहेत. आपला सिम कार्ट कोणाच्या नावावर आहे, हे चेक करण्यासाठी काय करावे लागेल ते जाणून घ्या.

सरकारने Jio, Airtel, Vodafone-Idea आणि BSNL सिम कार्ड वापरणाऱ्यांवर आता मोठी कारवाई केली आहे. सरकारने या सर्व टेलिकॉम ऑपरेटर्सचे सुमारे 1.7 कोटी सिमकार्ड ब्लॉक केले आहेत. हे सिमकार्ड बनावट आधारकार्ड आणि इतर कागदपत्रांच्या माध्यमातून देण्यात आले होते. बनावट कागदपत्रे देऊन जी सिमकार्ड दिली जात होती ती सरकार बंद करत आहे.

अशा परिस्थितीत तुमचे सिमकार्ड दुसऱ्याच्या कागदपत्रावर दिले जाऊ नये हे तुम्हाला कळले पाहिजे. असे झाल्यास तुमचे सिम कार्ड देखील ब्लॉक होऊ शकते. सरकार अशा बनावट सिम कार्डांवर सातत्याने बंदी घालत आहे जेणेकरून स्पॅम कॉल्स थांबवता येतील.

हेदेखील वाचा – Samsung Galaxy A16 5G: 6 वर्ष चालणार, वारंवार फोन बदलण्याची झंझट संपणार

AI’च्या मदतीने बंद केले स्पॅम कॉल्स

बनावटी कागदपत्रांसह खरेदी केलेले 1.77 कोटी मोबाईल कनेक्शन आर्टिफिशियल इंटेलिजन्स (AI) टूलच्या मदतीने सरकारद्वारे ब्लॉक करण्यात आले आहे. याव्यतिरिक्त, दूरसंचार विभाग (DOT) सह कार्यरत चार दूरसंचार सेवा ऑपरेटर (TSPs) यांनी 45 लाख बनावट आंतरराष्ट्रीय कॉल्स दूरसंचार नेटवर्कपर्यंत पोहोचण्यापासून रोखले आहे.

11 लाख अकाउंट्सने केले फ्रिझ

संचार मंत्रालयाने एका निवेदनात म्हटले आहे की, बँका आणि पेमेंट वॉलेटद्वारे सुमारे 11 लाख अकाउंट्स फ्रीझ केली आहेत. येत्या काही दिवसांत आणखीन सिमकार्ड ब्लॉक केले जातील, असे सरकारचे म्हणणे आहे.

हेदेखील वाचा – या व्यक्तीने चक्क 90 हजार रुपयांचा iPhone 16 फक्त 27 हजार रुपयांना विकत घेतला, कसे ते जाणून घ्या

आधार कोणाच्या नावावर आहे चेक करण्यासाठी या स्टेप्स फॉलो करा

• तुमचे सिम कार्ड कोणाच्या आधार कार्डावर जारी केले गेले आहे हे देखील तुम्हाला जाणून घ्यायचे असेल, तर तुम्ही या स्टेप्स फॉलो करू शकता
• यासाठी प्रथम tafcop.sancharsaathi.gov.in वर जा
• येथे तुम्हाला तुमचा मोबाईल नंबर टाकावा लागेल
• यानंतर तुम्हाला एक OTP मिळेल, तो एंटर करा
• त्यानंतर तुम्हाला तुमच्या आयडीवरून किती सिम घेतले आहेत याची सर्व माहिती मिळेल