Instagram वरील घाणेरड्या Comments मुळे वैतागलात? सुटका करण्यासाठी करावे लागेल हे छोटे काम, वाचा स्टेप बाय स्टेप प्रोसेस

Instagram Hidden Words: इंस्टाग्राम त्यांच्या यूजर्सच्या सुरक्षेसाठी अनेक फीचर्स ऑफर करतो. हे असे फीचर्स असतात, ज्यामुळे यूजर्सची सुरक्षा वाढते. याच यादीमधील एक फीचर म्हणजे हिडन वर्ड्स. हे फीचर नेमंक काय आहे, जाणून घेऊ.

• पोस्ट आणि रिल्सवरील घाणेरड्या कमेंट्सपासून अशी मिळवा सूटका
• कंटेट क्रिएटर्ससाठी हे आहे इंस्टाग्रामचे भन्नाट फीचर
• इंस्टाग्राम ‘Hidden Words’ फीचर यूजर्ससाठी ठरणार फायदेशीर

तुम्ही कंटेट क्रिएटर आहात का? तुमचे इंस्टाग्राम प्रोफाईल पब्लिक आहे का? तर तुम्हाला देखील तुम्ही शेअर केलेल्या पोस्ट आणि रिल्सवर खराब आणि घाणेरड्या कंमेट्सचा सामना करावा लागत असेल. खरं तर तुमच्या पोस्ट आणि रिल्सवर जितक्या जास्त कमेंट्स असतील तितकी तुमची पोस्ट जास्त इंट्रेस्टिंग असेल, असे अनेकांना वाटते. मात्र अनेकदा असं होतं की तुमच्या रिल्स आणि पोस्टवर इतक्या घाणेरड्या कमेंट्स येतात की या कमेंट्स हाईड करणं अत्यंत गरजेचं असतं. याचसाठी इंस्टाग्राम त्यांच्या यूजर्सना एक खास फीचर्स ऑफर करतं. जर तुम्ही हे फीचर ऑन केलं तर तुम्ही पोस्टवर घाणेरड्या कमेंट्स पोस्टवर दिसणार नाहीत. टीन यूजर्सच्या सुरक्षेसाठी देखील हे फीचर अत्यंत गरजेचं आहे. इंस्टाग्रामवरील हे फीचर तुम्ही कसे इनेबल करू शकता, याबाबत जाणून घेऊया.

गेमर्ससाठी खुशखबर! Warhammer 40K पासून Astroneer पर्यंत… PS Plus वर येत आहेत सुपरहिट गेम्स, Sony ने जाहीर केली यादी

कसं काम करणार इंस्टाग्राम फीचर

जर तुम्हाला शेअर केलेल्या पोस्ट आणि रिल्सवर घाणेरड्या कमेंट्स आणि मेसेजवर येणाऱ्या घाणेरड्या डिएम्सचा सतत सामना करावा लागत असेल तर तुम्ही ‘Hidden Words’ नावाचे फीचर वापरू शकता. हे फीचर तुम्हाला कमेंट्स आणि मेसेज फिल्टर करण्याचा पर्याय देतो. या फीचरमध्ये यूजर्स असे शब्द आणि वाक्य जोडू शकतात, ज्यांना कमेंट्स आणि मेसेजमध्ये पाहायचे नाही. (फोटो सौजन्य – Pinterest) 

समजा तुम्ही एखादा शब्द जोडला आहे आणि इंस्टाग्राम यूजरने तुमच्या पोस्टवर किंवा रिलवर तो संबंधित शब्द वापरू कमेंट केली किंंवा तुम्हाला मेसेज केला तर इंस्टाग्राम ही कमेंट आणि मेसेज हाईड करू शकते. यामुळे तुमच्या पोस्टवर कोणत्याही घाणेरड्या कमेंट्स दिसणार नाहीत. ट्रोलिंगपासून संरक्षण करण्याव्यतिरिक्त, हे वैशिष्ट्य यूजरला इंस्टाग्रामवर सुरक्षित अनुभव देखील देते.

Instagram Down: अचानक बंद पडले सोशल मीडिया अ‍ॅप! हजारो यूजर्स त्रस्त; सोशल मीडियावर मीम्सचा पाऊस

फीचर इनेबल करण्यासाठी फॉलो करा या स्टेप्स

इंस्टाग्रामवरील बाकी फीचर्सप्रमाणेच हे फीचर इनेबल करण्याची प्रोसेस देखील अत्यंत सोपी आहे. यासाठी तुम्हाला सर्वात आधी तुमच्या स्मार्टफओनमधील इंस्टाग्राम अ‍ॅप ओपन करून तुमच्या प्रोफाईलवर जावे लागेल. आता सेटिंगवर जाऊन ‘हाऊ अदर्स कॅन इंटरॅक्ट विथ यू’ नावाच्या पर्यायावर क्लिक करा. या पर्यायावर टॅप केल्यानंतर तुम्हाला ‘हिडन वर्ड्स’ पर्याय दिसणार आहे. इथे तुम्हाला ‘मॅनेज कस्टम वर्ड्स अँड फ्रेझेस’ ऑप्शन दिसेल. तुम्ही कमेंट किंवा मेसेजमधून लपवू इच्छित असलेले शब्द आणि वाक्ये जोडू शकता. एकदा सेव्ह केल्यानंतर, इंस्टाग्राम हे शब्द कमेंट किंवा मेसेजमधून आपोआप लपवेल.