iPhone 17 Air ची पहिली झलक Leak! एक्सवर शेअर केला व्हिडीओ, फोनची डिझाईन अशी की पाहून तुम्हीही प्रेमात पडाल

या व्हिडीओमध्ये आगामी iPhone 17 Air ची पहिली झलक दाखवण्यात आली आहे. फेमस टिप्स्टर Majin Bu ने एक हँड्स-ऑन व्हिडीओ शेअर केला आहे. ज्यामध्ये तुम्हाला iPhone 17 Air ची पहिली झलक पाहायला मिळणार आहे. हा फोन मॅट ब्लॅक फिनिशमध्ये पाहायला मिळत आहे. फोनची डिझाईन आणि लूक दोन्ही क्लासी आहेत. अगदी कोणताही स्मार्टफोन युजर या आयफोनच्या प्रेमात पडाल, असा हा व्हिडीओ आहे. आतापर्यंतच्या सर्व मॉडेल्समध्ये हा iPhone 17 Air अत्यंत पातळ आणि हलका दिसत आहे. जर तुम्हाला आयफोन एका स्टायलिश, सिंपल आणि स्लीम लुकमध्ये पाहिजे असेल तर हे मॉडेल तुमच्यासाठी बेस्ट आहे. (फोटो सौजन्य – X)

डिझाईनमध्ये मोठा बदल

एक्सवर शेअर करण्यात आलेल्या या व्हिडीओने सर्वांचे लक्ष वेधले आहे. कारण या आयफोनचे कॅमेरा डिझाईन इतर आयफोनपेक्षा पूर्णपणे वेगळे आहे. इतर आयफोनमध्ये दोन किंवा तीन कॅमेरे असतात तर iPhone 17 Air मध्ये एक सिंगल रिअर कॅमेरा देण्यात आला आहे, जो एक फुल-वाइड कॅमेरा बारमध्ये फिट करण्यात आला आहे. आयफोनचे हे नवीन डिझाईन मिनिमलिस्ट आणि क्लीन लुक देतो. फोनचा मॅट ब्लॅक रंग अतिशय आकर्षक आहे. या फोनचा लूक अतिशय आकर्षक आहे.

याशिवाय असं देखील सांगितलं जात आहे की, iPhone 17 Air स्काय ब्लू रंगात देखील लाँच केला जाण्याची शक्यता आहे. हा रंग नुकत्याच लाँच करण्यात आलेल्या M4 MacBook Air ने प्रेरित असणार आहे. ज्यांना आयफोन थोडा रंगीत आणि अनोखा लूक हवा आहे त्यांना हा नवीन रंग नक्कीच आवडेल.

युजर्सच्या काय अपेक्षा?

एक्सवर शेअर करण्यात आलेल्या व्हिडीओमध्ये दिसणारा आयफोन एक डमी मॉडेल आहे. म्हणजेच हे फायनल वर्जन नाही. पण यामुळे आपल्याला अ‍ॅपलच्या संभाव्य डिझाइन ट्रेंडची चांगली झलक पाहायला मिळते. जर अंतिम आवृत्तीही तशीच निघाली, तर हा फोन स्लिम, हलका आणि स्टायलिश आयफोन हवा असलेल्या यूजर्ससाठी खूप आकर्षक असेल.

Ai+ भारतात धुमाकूळ घालण्यासाठी सज्ज! 4,999 रुपयांच्या किंमतीत Smartphone लाँच, 5000mAh बॅटरीसह मिळणार अनोखे फीचर्स

आतापर्यंत आयफोनचे अनेक मॉडेल्स लाँच करण्यात आले आहेत. प्रत्येक मॉडेलची डिझाईन जवळपास एकसारखीच होती. त्यामुळे युजर्स प्रचंड वैतागले होते. आयफोन नव्या डिझाईनसह लाँच व्हावा, अशी युजर्सची अपेक्षा होती. आता युजर्सची ही अपेक्षा अखेर पूर्ण झाली आहे. कारण आगामी आयफोन एका नव्या डिझाईनसह लाँच करण्यात आला आहे. सहसा Apple सप्टेंबरमध्ये iPhones लाँच करते. त्यामुळे आता देखील अशी अपेक्षा आहे की, सप्टेंबर महिन्यात देखील आगामी आयफोन लाँच केला जाऊ शकतो. आधीपासूनच सर्वांना आगामी आयफोनबाबत सर्वांमध्येच प्रचंड उत्सुकता आहे. नुकताच शेअर करण्यात आलेल्या व्हिडीओने ही उत्सुकता आणखी वाढवली आहे.

संबंधित बातम्या