Samsung यूजर्सना मोठा धक्का! Galaxy Tab A11+ टॅबलेट पुन्हा महागला, किती आहे नवीन किंमत?
सॅमसंगने त्यांच्या Galaxy Tab A11+ च्या किंमतीत पुन्हा एकदा वाढ करण्याची घोषणा केली आहे. यापूर्वी कंपनीने नोव्हेंबर महिन्यात या टॅब्लेटची किंमत 3 हजार रुपयांनी वाढवली होती. आता पुन्हा एकदा या डिव्हाईसची किंमत वाढवण्याचा निर्णय घेण्यात आला आहे. (फोटो सौजन्य: Pinterest)
असं सांगितलं जात आहे की, सॅमसंगने पुन्हा एकदा त्यांच्या सॅमसंग गॅलेक्सी टॅब ए11+ च्या किंमतीत वाढ केली आहे. कंपनीने या टॅब्लेटच्या चारही व्हेरिअंट्सच्या किंमतीत वाढ केली आहे, ज्यामध्ये वाय-फाय आणि 5जी मॉडेल देखील समाविष्ट आहे. टॅबेल्टच्या नवीन किंमती सॅमसंग वेबसाईट आणि दुसऱ्या रिटेलर्स वेबसाईटवर देखील लाईव्ह झाल्या आहेत. सॅमसंग गॅलेक्सी टॅब ए11+ ची सुरुवातीची किंमत 33,999 रुपये झाली आहे. हॅ सॅमसंग डिव्हाईस शाओमी पॅड 7 आणि वनप्लस पॅड गो 2 ला थेट टक्कर देणार आहे.
सॅमसंग गॅलेक्सी टॅब ए11+ च्या 6GB + 128GB वाय-फाय व्हेरिअंट 22,999 रुपयांच्या किंमतीत लाँच करण्यात आले होते. पहिल्या दरवाढीनंतर या डिव्हाईसची किंमत 30,999 रुपये झाली होती. आता हे डिव्हाईस खरेदी करण्यासाठी 33,999 रुपये मोजावे लागणार आहेत. तर डिव्हाईसच्या 6GB + 128GB सेल्यूलर व्हेरिअंटची लाँच किंमत 26,999 रुपये होती. दरवाढीनंतर या डिव्हाईसची किंमत 34,999 रुपये होती. आता या डिव्हाईसची किंमत 37,999 रुपये झाली आहे.
तसेच, 8GB + 256GB वाय-फाय व्हेरिअंट 28,999 रुपयांच्या किंमतीत लाँच करण्यात आले होते. पहिल्या दरवाढीनंतर या डिव्हाईसची किंमत 38,999 रुपये झाली होती. आता हे डिव्हाईस खरेदी करण्यासाठी 41,999 रुपये मोजावे लागणार आहेत. 8GB + 256GB सेल्यूलर व्हेरिअंटची लाँच किंमत 32,999 रुपये होती. दरवाढीनंतर या डिव्हाईसची किंमत 43,999 रुपये झाली होती. मात्र आता हे डिव्हाईस खरेदी करण्यासाठी 46,999 रुपये मोजावे लागणार आहेत.
सॅमसंग गॅलेक्सी टॅब ए11+ मध्ये 11-इंच टीएफटी एलसीडी डिस्प्ले दिला आहे, ज्याचा रिफ्रेश रेट 90Hz आहे. सॅमसंगचा हा टॅब्लेट मीडियाटेक डायमेन्सिटी 7300 चिपसेटने सुसज्ज आहे. या टॅब्लेटमध्ये 8GB रॅम आणि 256GB स्टोरेज देण्यात आले आहे. रिअर पॅनलमध्ये 8MP कॅमेरा आणि समोरील बाजूला 5MP चा कॅमेरा दिला आहे. या सॅमसंग टॅब्लेटमध्ये क्वाड स्पीकर सेटअप दिला आहे, जो डॉल्बी ॲटमॉसला सपोर्ट करतो. या टॅबमध्ये 25W चार्जिंग सपोर्टसह 7,040mAh बॅटरी दिली आहे.
Ans: सॅमसंग गॅलेक्सी टॅब ए11+ ची नवीन सुरुवातीची किंमत 33,999 रुपये झाली आहे.
Ans: कंपनीने या टॅब्लेटच्या चारही व्हेरिअंट्सच्या किंमतीत पुन्हा 3,000 रुपयांची वाढ केली आहे.
Ans: या व्हेरिअंटची सुरुवातीची किंमत 22,999 रुपये होती. पहिल्या दरवाढीनंतर ती 30,999 रुपये झाली आणि आता नवीन किंमत 33,999 रुपये आहे.
.png "Videos"){kind=small}
