iPhone 17e vs iPhone 16: एकाच कंपनीचे दोन मॉडेल्स… 64,900 रुपयांच्या किंमतीत कोणता आयफोन आहे दमदार? वाचा फरक

भारतीय बाजारात आयफोन 17 ई च्या 256GB व्हेरिअंटची किंमत 64,900 रुपये आहे. आयफोन 16 च्या 256GB व्हेरिअंटची किंमत 71,900 रुपये आहे. कॅमेऱ्याच्या बाबतीत आयफोन 16 ने बाजी मारली आहे.

• आयफोन 17 ई 256GB या सिंगल व्हेरिअंटमध्ये लाँच
• आयफोन 16 256GB आणि 128GB या दोन व्हेरिअंटमध्ये लाँच
• कॅमेऱ्याच्या बाबतीत आयफोन 16 ने बाजी मारली

टेक जायंट कंपनी अ‍ॅपलने काही दिवसांपूर्वीच आयफोन 17 ई लाँच केला आहे. तर 2024 मध्ये कंपनीने आयफोन 16 लाँच केला होता. या दोन्ही आयफोन मॉडेलची किंमत एकच आहे. त्यामुळे आता ग्राहकांसमोर मोठा प्रश्न असा आहे की, एकाच किंमतीत उपलब्ध असणाऱ्या दोन मॉडेल्सपैकी कोणता आयफोन खरेदी करावा? एकीकडे आयफोन 16 आहे जो जबरदस्त कॅमेरा सेटअप ऑफर करतो. तर दुसरीकडे आयफोन 17 ई आहे, ज्यामध्ये पावरफुल प्रोसेसर आणि मोठी बॅटरी देण्यात आली आहे. यामुळे कॅमेरा सेटअप निवडावा की मोठी बॅटरी असा प्रश्न ग्राहकांसमोर आहे.

iPhone 17e सोडा! हे स्मार्टफोन्स आहेत दमदार फीचर्स आणि शानदार स्पेसिफिकेशन्सने सुसज्ज, आजच करा खरेदी

आयफोन 17 ई आणि आयफोन 16 ची किंमत

भारतीय बाजारात आयफोन 17 ई 256GB या सिंगल व्हेरिअंटमध्ये लाँच करण्यात आला आहे. ज्याची किंमत 64,900 रुपये आहे. तर बँक कार्ड ऑफर्स आणि डिस्काऊंटमुळे या डिव्हाईसची किंमत आणखी कमी होणार आहे. आयफोन 16 256GB आणि 128GB या दोन व्हेरिअंटमध्ये लाँच करण्यात आला आहे. 256GB व्हेरिअंटची किंमत 71,900 रुपये आहे. मात्र ऑफर्स आणि डिस्काऊंटनंतर ही किंमत 64,000 हाजारांपर्यंत कमी होऊ शकते. 128GB स्टोरेज व्हेरिअंट 61,900 रुपयांत खरेदीसाठी उपलब्ध आहे. (फोटो सौजन्य – Pinterest)

आयफोन 17 ई आणि आयफोन 16 कॅमेरा

कॅमेऱ्याच्या बाबतीत आयफोन 16 ने बाजी मारली आहे. या आयफोन मॉडेलमध्ये डुअल रियर कॅमेरा सेटअप देण्यात आाल आहे. यामध्ये 48MP प्राइमरी कॅमेरा आणि 12MP अल्ट्रा-वाइड कॅमेरा देण्यात आला आहे. दुसऱ्या बाजूला, आयफोन 17 ई मध्ये केवळ 48MP चा सिंगल रिअर कॅमेरा देण्यात आला आहे. दोन्ही फोनमध्ये 12 मेगापिक्सेलचा फ्रंट कॅमेरा आहे, जो सेल्फी आणि व्हिडिओ कॉलिंगची जवळजवळ समान गुणवत्ता सुनिश्चित करतो.

आयफोन 17 ई आणि आयफोन 16 प्रोसेसर

प्रोसेसरच्या बाबतीत आयफोन 17 ई ने बाजी मारली आहे. आयफोन 16 मध्ये अ‍ॅपल A18 चिप आणि आयफोन 17 ई मध्ये अ‍ॅपल A19 चिप दिला आहे. A19 प्रोसेसर थोडा जास्त पावरफुल आणि अधिक चांगली एफिशिएंसी ऑफर करतो.

आयफोन 17 ई आणि आयफोन 16 बॅटरी

आयफोन 17 ई मध्ये 4005mAh बॅटरी दिली आहे. आयफोन 16 मध्ये 3561mAh बॅटरी दिली आहे. यामुळे, आयफोन 17 ई जास्त काळ बॅटरी लाइफ देऊ शकतो.

सर्वात स्लिम ‘iPhone Air’वर तब्बल 26000 रुपयांचं बंपर डिस्काउंट, Amazon सेलची धमाकेदार ऑफर!

कोणता आयफोन अधिक दमदार?

जर तुम्ही कॅमेरा आणि फोटोग्राफीला प्राधान्य देत असाल तर आयफोन 16 तुमच्यासाठी एक चांगला पर्याय ठरू शकतो. या आयफोन मॉडेलमध्ये अल्ट्रा-वाइड कॅमेरा दिला आहे. पण जर तुम्हाला जास्त बॅटरी लाइफ आणि अधिक शक्तिशाली प्रोसेसर हवा असेल, तर आयफोन 17 ई खरेदी करणे हा एक शहाणपणाचा निर्णय असू शकतो.