Tech Tips: लॅपटॉप चार्जरने फोन चार्ज करणं किती सुरक्षित? काय सांगतात एक्स्पर्ट्स? जाणून घ्या
सध्याच्या डिजिटल काळात अनेक डिव्हाईस यूएसबी-सी आणि यूएसबी पावर डिलिव्हरी टेक्नॉलॉजीला सपोर्ट करतात. याचा अर्थ असा आहे की, फोन आणि चार्जर कनेक्ट होऊन ठरवू शकतात की किती पावर घ्यायची आहेत. जेव्हा तुम्ही तुमचा फोन लॅपटॉपच्या चार्जरला जोडता तेव्हा डिवाइस स्वतः त्याच्या गरजेनुसार पावर शोषूण घेते. तुमचा चार्जर जास्त पावरवाला असला तरी देखील तुमचा फोन तेवढीच ऊर्जा शोषून घेणार आहे ज्याची त्याला गरज आहे. (फोटो सौजन्य – Pinterest)
लॅपटॉप चार्जरने फोन चार्ज करण्याची पद्धत अतिशय सुरक्षित मानली जाते. मात्र यासाठी तुमचा फोन आणि चार्जर दोन्हीमध्ये यूएसबीसी पावर डिलिव्हरी सपोर्ट असणं अत्यंत गरजेचा आहे. ज्यामुळे चार्जिंगदरम्यान विजेचे योग्य संतुलन टिकून राहते आणि तुमचा फोन ओवरचार्ज होत नाही. याशिवाय नेहमी चांगल्या ब्रँडचे आणि चांगल्या क्वालिटीची केबल्स वापरणं सर्वात गरजेचं आहे. खराब आणि स्वस्त केबल्समुळे चार्जिंगमध्ये समस्या येऊ शकते. याशिवाय डिव्हाईस खराब होण्याची शक्यता देखील मोठ्या प्रमाणात असते. सध्याचे स्मार्टफोन्स अशा पद्धतीने डिझाईन केले जातात की ते जास्त वॅटवाल्या चार्जरपासून स्वतःला सुरक्षित ठेवू शकतात. यासाठी 65W किंवा 100W लॅपटॉपच्या रिचार्जने फोन चार्ज केल्यास कोणत्याही धोका नसतो.
चार्जरच काम केवळ बॅटरीपर्यंत पावर पोहोचवण्याचे आहे. याचा स्मार्टफोनची स्पीड किंवा परफॉर्मन्ससोबत थेट कोणताही संबंध येत नाही. तसेच प्रोसेसरवर, रॅम किंवा ॲप्सच्या परफॉर्मन्सवर याचा कोणताही परिणाम होत नाही. तसेच चार्जिंग दरम्यान फोन गरम होत असेल तर हिट कंट्रोल करण्यासाठी तुम्हाला फोनची जागा बदलणे अत्यंत महत्त्वाचे आहे. ही एक अतिशय सामान्य प्रक्रिया आहे आणि यामध्ये घाबरण्याची कोणतीही गरज नाही. लॅपटॉप चार्जरने फोन चार्ज करण्याची प्रक्रिया जरी सुरक्षित आणि सोपी असली तरी देखील काही गोष्टी लक्षात ठेवणं अत्यंत गरजेचं आहे. फोन चार्ज करताना नेहमी चांगल्या ब्रँडचे केबल्स वापरा. जर तुम्ही योग्य केबल आणि योग्य डिव्हाईसचा वापर करत असाल तर तुमच्या फोनवर कोणताही परिणाम होत नाही.
.png "Videos"){kind=small}
