Itel Zeno 20: 5,999 रुपयांच्या किंमतीत लाँच झाला हा सुपर स्मार्टफोन, Aivana 2.0 AI वॉइस असिस्टेंट आणि IP54 रेटिंगने सुसज्ज

स्वस्तात मस्त स्मार्टफोनच्या शोधात असणाऱ्या युजर्ससाठी Itel एक नवीन स्मार्टफोन घेऊन आला आहे. हा स्मार्टफोन अनेक फीचर्सनी सुसज्ज आहे. तसेच या स्मार्टफोनची किंमत देखील बजेट रेंजमध्ये आहे.

itel ने गुरुवारी भारतात त्यांचा एक बजेट स्मार्टफोन सादर केला आहे. हा स्मार्टफोन itel Zeno 20 या नावाने लाँच करण्यात आला आहे. हा दमदार स्मार्टफोन IP54 डस्ट आणि वॉटर प्रोटेक्शन आणि AI व्हाईस असिस्टेंटसह लाँच करण्यात आला आहे. हा विशेषतः पहिल्यांदाच स्मार्टफोन वापरणाऱ्यांसाठी लाँच करण्यात आला आहे आणि त्याची सुरुवातीची किंमत 5,999 रुपये ठेवण्यात आली आहे. स्मार्टफोन 25 ऑगस्टपासून अ‍ॅमेझॉनवर एक्सक्लूसिवली खरेदीसाठी उपलब्ध असणार आहे. लाँच ऑफर अंतर्गत, 3GB मॉडेलवर 250 रुपये आणि 4GB मॉडेलवर 300 रुपयांची सूट दिली जाईल.

बजेट फ्रेंडली किंमतीत मिळणार 1.5GB डेटा, अनलिमिटेड कॉलिंग आणि बरंच काही! आजच करा खरेदी Jio चे हे जबरदस्त रिचार्ज प्लॅन

Itel Zeno 20 ची किंमत

itel Zeno 20 दोन व्हेरिअंटमध्ये लाँच करण्यात आला आहे. ज्यामध्ये 64GB स्टोरेज आणि 3GB+5GB रॅम आणि दुसरे 128GB स्टोरेज आणि 4GB+8GB रॅम यांचा समावेश आहे. या स्मार्टफोनच्या 64GB स्टोरेज आणि 3GB+5GB रॅम व्हेरिअंटची किंमत 5,999 रुपये आणि 128GB स्टोरेज आणि 4GB+8GB रॅम व्हेरिअंटची किंमत 6,899 रुपये ठेवण्यात आली आहे. हा फोन स्टारलिट ब्लॅक, स्पेस टाइटेनियम आणि ऑरोरा ब्लू कलरमध्ये उपलब्ध आहे. कंपनी या स्मार्टफोनसोबत ड्रॉप-रेजिस्टेंट कव्हर देखील देत आहे. (फोटो सौजन्य – X) 

Itel Zeno 20 चे स्पेसिफिकेशन्स

फोनमध्ये 6.6-इंच HD+ डिस्प्ले आहे जो 90 हर्ट्ज रिफ्रेश रेट सपोर्ट करतो. हा अँड्रॉईड स्मार्टफोन 14 गो वर चालतो आणि यामध्ये ऑक्टा-कोर T7100 प्रोसेसर देण्यात आला आहे. कंपनीने या नव्या स्मार्टफोनबाबत दावा केला आहे की, Itel Zeno 20 तीन वर्षांसाठी स्मूद परफॉर्मेंस देईल, याची हमी देण्यात आली आहे. या डिव्हाईसमध्ये HDR सपोर्टसह 13 मेगापिक्सेलचा रियर कॅमेरा आणि 8 मेगापिक्सेलचा फ्रंट कॅमेरा आहे. फोनमध्ये 5000mAh बॅटरी आहे जी टाइप-सी चार्जिंग सपोर्टसह येते. त्याचा ऑडिओ DTS साउंड तंत्रज्ञानाने सुधारित करण्यात आला आहे आणि त्यात साइड-माउंटेड फिंगरप्रिंट सेन्सर देखील देण्यात आला आहे.

संपता संपणार नाही बॅटरी! Google च्या नव्या TWS ईयरबड्सची जबरदस्त एंट्री, तब्बल 27 तासांची बॅटरी लाईफ; भारतात इतकी आहे किंमत

Zeno 20 मध्ये देण्यात आलेले सर्वात खास फीचर म्हणजे Aivana 2.0 AI वॉइस असिस्टेंट आहे. हे हिंदी कमांड देखील समजू शकते आणि या Aivana 2.0 AI वॉइस असिस्टेंटच्या मदतीने युजर्स अ‍ॅप ओपन करू शकतात. तुम्ही व्हॉइस कमांड वापरून व्हॉट्सअ‍ॅप कॉल करू शकता, इमेज डिस्क्राइब करू शकता, गणिताच्या समस्या सोडवू शकता आणि सोशल मीडिया कॅप्शन देखील तयार करू शकता. Zeno 20 फोनमध्ये IP54 रेटिंग देण्यात आली आहे. जे धूळ आणि पाण्याच्या शिडकाव्यापासून त्याचे संरक्षण करेल आणि कंपनीचा ‘3P प्रॉमिस’ धूळ, पाणी आणि थेंबांपासून सुरक्षित करतो. याशिवाय, फाइंड माय फोन, लँडस्केप मोड आणि डायनॅमिक बार सारखी वैशिष्ट्ये देखील यात देण्यात आली आहेत.