Jio vs Airtel: किंमत एकच पण फायदे वेगळे… व्हॅलिडीटी अन् डेटासह कोण ठरणार खरा किंग? जाणून घ्या

Recharge Plan Comparison: JIO आणि एअरटेल या दोन्ही कंपन्यांच्या पोर्टफोलिओमध्ये 349 रुपयांचा रिचार्ज प्लॅन उपलब्ध आहे. मात्र या दोन्ही रिचार्ज प्लॅन्समधील फायदे वेगळे आहेत. आता कोणती कंपनी जास्त फायदे देते, पाहूया.

• JIO 349 प्लॅनमध्ये डेली 2GB डेटा आणि जेमिनी प्रो सारखे फायदे मिळतात.
• एअरटेल 349 प्लॅनमध्ये अनलिमिटेड 5G आणि ॲपल म्युझिकची सुविधा दिली जाते.
• समान किंमत असूनही दोन्ही प्लॅन्सचे फायदे आणि डेटा ऑफर्स वेगवेगळ्या आहेत.

जिओ आणि एअरटेल या दोन्ही भारतातील आघाडीच्या टेलिकॉम कंपन्या आहेत. या कंपन्यांचे करोडो यूजर्स आहेत. याच करोडो यूजर्ससाठी कंपनी सतत नवीन रिचार्ज प्लॅन्स घेऊन येत असते. पण आता आम्ही तुम्हाला 349 रुपयांच्या किंमतीच्या रिचार्ज प्लॅनबद्दल सांगणार आहोत. जिओ आणि एअरटेल या दोन्ही कंपन्या त्यांच्या यूजर्सना 349 रुपयांचा रिचार्ज प्लॅन ऑफर करतात. दोन्ही कंपन्यांच्या प्लॅनची किंमत समान असली तरी देखील यामधील फायदे वेगळे आहेत. डेली डेटा, अनलिमिटेड कॉल्स आणि व्हॅलिडीटीच्याबाबतीत कोणता प्लॅन यूजर्सना जास्तीचे फायदे ऑफर करतो? कोणता प्लॅन यूजर्सना एडिशनल डिजिटल कंटेंट ऑफर करतो? दोन्ही रिचार्ज प्लॅनमधील फायद्यांबाबत आता जाणून घेऊया.

उत्सुकतेला पूर्णविराम! आकर्षक लूक अन् दमदार फीचर्स… पहिल्या Motorola फोल्डेबल फोनची अखेर भारतात एंट्री, किंमत तब्बल इतकी

जिओचा 349 रुपयांचा रिचार्ज प्लॅन

देशातील आघाडीची टेलिकॉम कंपनी असलेल्या जिओच्या पोर्टफोलिओमध्ये 349 रुपयांचा रिचार्ज प्लॅन उपलब्ध आहे. या प्लॅनमध्ये यूजर्सना 28 दिवसांची व्हॅलिडीटी ऑफर केली जाते. तसेच हा प्लॅन खरेदी करणाऱ्या यूजर्सना डेली 2GB फास्ट इंटरनेटची सुविधा मिळते. म्हणजेच या प्लॅनमध्ये यूजर्सना एकूण 56GB डेटा मिळतो. तसेच यूजर्सना या प्लॅनमध्ये अनलिमिटेड कॉलिंग आणि रोज 100 एसएमएस देखील मिळतात. (फोटो सौजन्य – Pinterest) 

349 रुपयांच्या जिओ प्लॅनमध्ये डेटा आणि कॉलिंगव्यतिरिक्त इतर फायदे देखील मिळतात. हा प्लॅन खरेदी करणाऱ्या यूजर्सना तीन महिन्यांसाठी मोफत जिओहॉटस्टारचे मोबाईल सब्सक्रिप्शन आणि 50GB जिओएआय क्लाउड स्टोरेज मिळते. तसेच या रिचार्ज प्लॅनमध्ये कंपनी 35,100 रुपयांच्या किंमतीचा 18 महीन्यांचा गूगल जेमिनी प्रो प्लॅन देखील ऑफर करते. यामध्ये 5000GB क्लाउड स्टोरेज आणि नॅनो बनाना यासांरख्या AI फीचर्सचा समावेश आहे. यासोबतच या प्लॅनमध्ये जिओटिव्ही आणि जिओक्लाऊडचा अ‍ॅक्सेस देखील मिळतो.

एअरटेलचा 349 रुपयांचा रिचार्ज प्लॅन

टेलिकॉम कंपनी एअरटेल देखील त्यांच्या यूजर्सना 349 रुपयांचा रिचार्ज प्लॅन ऑफर करते. या प्लॅनची व्हॅलिडीटी देखील 28 दिवसांची आहे. या प्लॅनमध्ये यूजर्सना अनलिमिटेड कॉलिंग ऑफर केली जाते. यासोबतच यामध्ये रोज 1.5GB डेटा आणि अनलिमिटेड 5G डेटा ऑफर केला जातो. या प्लॅनमध्ये यूजर्सना 100 एसएमएस देखील मिळणार आहेत. मात्र, कंपनी यूजर्सना 50 रुपये जास्त खर्च करून 399 रुपयांचा प्रीपेड प्लॅन खरेदी करण्याचा सल्ला देते. एयरटेलच्या 399 रुपयांच्या प्लॅनमध्ये फिक्स्ड डेली लिमिटऐवजी अनलिमिटेड डेटा एक्सेस ऑफर केला जातो. 349 रुपयांच्या प्लॅनमध्ये यूजर्सना एअरटेल एक्सस्ट्रीम प्ले प्रीमियम आणि 6 महिन्यांपर्यंतचे ॲपल म्युझिक ऑफर केले जाते.

6,500mAh बॅटरीसह नवा Vivo स्मार्टफोन लाँच! फीचर्सनी वेधलं यूजर्सचं लक्ष, सुरुवातीची किंमत केवळ 25 हजार रुपये

कोणता प्लॅन तुमच्यासाठी ठरणार बेस्ट?

कोणता प्लॅन तुमच्यासाठी योग्य ठरणार हे पूर्णपणे तुमच्या गरजांवर अवलंबून असते. जर तुम्हाला चांगली सर्विस, क्लाऊड स्टोरेज किंवा गुगल जेमिनी प्रोचा अ‍ॅक्सेस पाहिजे असेल तर तुम्ही जिओ रिचार्ज प्लॅनची निवड करू शकता. कारण यामध्ये अधिक चांगले डिजिटल फीचर्स आणि सर्विस ऑफर केली जाते. तर, तुम्हाला जास्त इंटरनेट डेटा आणि एंटरटेनमेंट पाहिजे असेल तर तुम्ही एअरटेल रिचार्ज प्लॅनची निवड करू शकता.