Realme P3 5G: 6000mAh बॅटरी आणि 50MP कॅमेऱ्यासह नवीन बजेट स्मार्टफोन लाँच, खरेदीवर मिळणार इतकं डिस्काऊंट
टेक कंपनी Realme ने त्यांचा नवीन बजेट फ्रेंडली स्मार्टफोन Realme P3 5G भारतात लाँच केला आहे. हा स्मार्टफोन 20 हजार रुपयांच्या कमी किंमतीत लाँच करण्यात आला आहे. Realme च्या P सिरीजचा हा फोन 19 मार्च रोजी लाँच केला जाणार होता. कंपनीने हा फोन दोन दिवसांपूर्वीच लाँच केला. लेटेस्ट स्मार्टफोन क्वालकॉमच्या Snapdragon 6 Gen 4 चिपसेटसह सादर करण्यात आला आहे. या चिपसेटसह भारतात लाँच होणारा हा पहिला स्मार्टफोन आहे.
या फोनमध्ये 8GB रॅम, 6050mm² एरोस्पेस-ग्रेड कूलिंग सिस्टम आणि 90fps बीजीएमआय सपोर्ट आहे. कंपनीने दावा केला आहे की, या फोनमध्ये GT बूस्ट फीचर आहे, जे AI मोशन कंट्रोल आणि AI अल्ट्रा टच कंट्रोलला सपोर्ट करते. यासोबतच, सर्वोत्तम नेटवर्क कनेक्टिव्हिटीसाठी, अँटेना Antenna Array Matrix 2.0 ला सपोर्ट देण्यात आला आहे, जो 30 टक्के स्मूथ कनेक्टिव्हिटी देतो. यासोबतच, नवीनतम Realme P3 स्मार्टफोन नवीन Mecha डिझाइन आणि स्पेस सिल्व्हर रंगासह लाँच करण्यात आला आहे. (फोटो सौजन्य – X)
Realme P3 5G स्मार्टफोनमध्ये 6.67-इंचाचा Full HD+ AMOLED डिस्प्ले आहे ज्याचा रिफ्रेश रेट 120Hz, टच सॅम्पलिंग रेट 1500Hz आणि पीक ब्राइटनेस 2000 निट्स आहे. या फोनमध्ये क्वालकॉमचा Snapdragon 6 Gen 4 चिपसेट देण्यात आला आहे. यासोबतच फोनमध्ये ग्राफिक्स सपोर्टसाठी Adreno 810 GPU देण्यात आला आहे. हा फोन 6GB आणि 8GB रॅम या दोन पर्यायांमध्ये उपलब्ध आहे. हा Realme फोन Android 15 वर आधारित Realme UI 6.0 वर चालतो.
Realme च्या नवीनतम स्मार्टफोनच्या कॅमेरा स्पेसिफिकेशन्सबद्दल बोलायचे झाले तर, यात 50MP चा रियर कॅमेरा सेन्सर देण्यात आला आहे. यासोबतच फोनमध्ये 2MP पोर्ट्रेट कॅमेरा देण्यात आला आहे. या फोनमध्ये सेल्फी आणि व्हिडिओ कॉलिंगसाठी 16MP फ्रंट कॅमेरा आहे.
Realme P3 5G स्मार्टफोनमध्ये 6000mAh बॅटरी आहे आणि 45W फास्ट चार्जिंगला सपोर्ट करते.
कनेक्टिव्हिटीबद्दल बोलायचे झाले तर, हा Realme फोन 5G, Dual 4G VoLTE, Wi-Fi 6, Bluetooth 5.2, USB Type-C आणि NFC ला सपोर्ट करतो. या Realme फोनमध्ये इन-डिस्प्ले फिंगरप्रिंट सेन्सर आहे.
Realme P3 5G स्मार्टफोन स्पेस सिल्व्हर, कॉमेट ग्रे आणि नेब्युला पिंक पिंक रंगाच्या पर्यायांमध्ये लाँच करण्यात आला आहे. या फोनचा 6GB + 128GB असलेला बेस व्हेरिएंट 16,999 रुपयांच्या किमतीत लाँच करण्यात आला आहे. फोनचा दुसरा व्हेरिएंट 8GB + 128GB मॉडेल 17,999 रुपयांना लाँच करण्यात आला आहे आणि टॉप एंड व्हेरिअंट 8GB + 256GB व्हेरिअंट 19,999 रुपयांना लाँच करण्यात आला आहे. हा फोन कंपनीच्या रिटेल स्टोअर्ससह ऑनलाइन वेबसाइट realme.com आणि फ्लिपकार्टवरून खरेदी करता येईल. या Realme फोनचा अर्ली बर्ड सेल 19 मार्च रोजी संध्याकाळी 6 ते रात्री 10 वाजेपर्यंत चालेल.
Realme P3 5G स्मार्टफोनवर उपलब्ध असलेल्या लाँच ऑफरबद्दल बोलायचे झाले तर, या फोनवर 2000 रुपयांची बँक ऑफर उपलब्ध आहे. यासोबतच, जुन्या Realme यूजर्सना फोन एक्सचेंज केल्यावर 500 रुपयांची अतिरिक्त बोनस सूट दिली जाईल.
.png "Videos"){kind=small}
