Redmi ने पुन्हा केली कमाल! 6300mAh बॅटरी अन् 120Hz डिस्प्लेसह नवा स्मार्टफोन लाँच, सुरुवातीची किंमत केवळ 14,000 रुपये

Redmi 17 5G Launched: रेडमीने चीनमध्ये एक नवीन स्मार्टफोन लाँच केला आहे. या स्मार्टफोनची किंमत बजेट फ्रेंडली सेगमेंटमध्ये आहे. डिव्हाईसमध्ये 6300mAh बॅटरीसारखे अनेक पावरफुल फीचर्स दिले आहेत. स्मार्टफोनची सुरुवातीची किंमत केवळ 14,000 रुपये आहे.

• रेडमी 17 5G ची सुरुवातीची किंमत सुमारे 14 हजार रुपये असून तो दोन रॅम-स्टोरेज व्हेरिअंटमध्ये उपलब्ध आहे.
• फोनमध्ये 6.9-इंच 120Hz डिस्प्ले, यूनिसोक T8300 चिपसेट आणि 13MP कॅमेरा देण्यात आला आहे.
• स्मार्टफोनमध्ये 6,300mAh ची मोठी बॅटरी असून 5G, Wi-Fi 5 आणि ब्लूटूथ 5.4 सारखे कनेक्टिव्हिटी फीचर्स मिळतात.

Redmi Smartphone Launched: टेक कंपनी रेडमीने नुकत्याच त्यांच्या रेडमी नोट 17 लाईनअपची घोषणा केली आहे. यानंतर आता कंपनीने चीनमध्ये Redmi 17 5G हा नवा स्मार्टफोन लाँच केला आहे. दमदार फीचर्स आणि स्पेसिफिकेशन्सने सुसज्ज असलेला हा स्मार्टफोन कंपनीने बजेट फ्रेंडली सेगमेंटमध्ये लाँच केला आहे. नवा स्मार्टफोन सध्या कंपनीच्या अधिकृत वेबसाईटद्वारे देशात खरेदीसाठी उपलब्ध आहे. हे डिव्हाईस तीन कलर ऑप्शन्स आणि दोन रॅम व स्टोरेज कॉन्फिगरेशन्समध्ये लाँच करण्यात आले आहे. (फोटो सौजन्य: X) 

Flipkart Freedom Sale: तयार आहात ना? काही तासांत सुरु होणार फ्लिपकार्ट सेल, स्मार्टफोनसह इतर प्रोडक्ट्सवर मिळणार जबरदस्त डील्स

रेडमी 17 5G ची किंमत आणि उपलब्धता

चाीनमध्ये कंपनीने त्यांचा नवीन स्मार्टफोन 4GB + 128GB आणि 6GB + 128GB या दोन व्हेरिअंटमध्ये लाँच केला आहे. डिव्हाईसच्या 4GB + 128GB व्हेरिअंटची किंमत CNY 999 म्हणजेच सुमारे 14,000 रुपये आणि 6GB + 128GB व्हेरिअंटची किंमत CNY 1,199 म्हणजेच सुमारे 17,000 रुपये ठेवण्यात आली आहे. हे हँडसेट सध्या शाओमीच्या ऑनलाईन स्टोअरद्वारे चीनमध्ये खरेदीसाठी उपलब्ध आहे. ग्राहक हा स्मार्टफोन कोल्ड मिस्ट ब्लू, फेदर मिस्ट व्हाइट आणि स्टार रॉक ब्लॅक कलर ऑप्शन्समध्ये खरेदी करू शकतात.

रेडमी 17 5G चे स्पेसिफिकेशन्स आणि फीचर्स

डिस्प्ले

रेडमी 17 5G एक डुअल-सिम स्मार्टफोन आहे. हा शाओमीच्या लेटेस्ट अँड्रॉईड 16-बेस्ड हायपरओएस 3 वर चालतो. हे हँडसेट 6.9-इंच एचडी (720 x 1,600 पिक्सेल) एलसीडी टचस्क्रीनसह लाँच करण्यात आले आहे, जे 120Hz पर्यंत रिफ्रेश रेट, 240Hz टच सँपलिंग रेट, 800 निट्सपर्यंत पीक ब्राइटनेस, डीसी डिमिंग आणि वेट टच 2.0 ऑफर करते. यामुळे ओल्या बोटांनी देखील वापर केला जाऊ शकतो.

प्रोसेसर

कंपनीने लाँच केलेला नवा स्मार्टफोन ऑक्टा-कोर यूनिसॉक T8300 चिपसेटने सुसज्ज आहे, जो 6nm प्रोसेसवर तयार करण्यात आला आहे. प्रोसेसरबाबत असा दावा करण्यात आला आहे की, हे 2.2GHz पर्यंत क्लॉक स्पीड ऑफर करते. फोनमध्ये Mali G57 जीपीयू, 6GB पर्यंत एलपीडीडीआर4एक्स रॅम आणि 128GB यूएफएस 2.2 ऑनबोर्ड स्टोरेज देखील देण्यात आले आहे.

कॅमेरा

फोटोग्राफीसाठी या डिव्हाईसमध्ये 13-मेगापिक्सेलचा सिंगल कॅमेरा आणि समोरील बाजूला सेल्फी आणि व्हिडीओ कॉलिंगसाठी 8-मेगापिक्सेलचा कॅमेरा दिला आहे.

काउंटडाउन सुरू… या दिवशी भारतात लाँच होणार Fire-Boltt चा पहिला स्मार्टफोन! Flipkart वर झाली घोषणा

बॅटरी

रेडमी स्मार्टफोनमध्ये 6,300mAh बॅटरी दिली आहे. जी 15W वायर्ड चार्जिंग आणि 7.5W वायर्ड रिवर्स चार्जिंगला सपोर्ट करते. कनेक्टिविटीसाठी या स्मार्टफोनमध्ये 5G, 4G एलटीई, वाय-फाय 5, ब्लूटूथ 5.4, एक यूएसबी टाइप-सी पोर्ट, जीपीएस, गॅलिलिओ आणि QZSS चा सपोर्ट देण्यात आला आहे. ऑनबोर्ड सेंसर्सच्या यादीमध्ये एम्बिएंट लाइट सेंसर, एक्सेलेरोमीटर आणि ई-कंपस यांचा समावेश आहे.