Redmi Note 17 5G ची भारतात तुफानी एंट्री; मोठी बॅटरी आणि 50MP कॅमेऱ्याने वेधले लक्ष, किंमत तुमच्या बजेटमध्ये

Redmi Note 17 5G Launched: भारतात पुन्हा एकदा मोठा धमाका करत रेडमीने एक नवीन स्मार्टफोन लाँच केला आहे. दमदार फीचर्स आणि स्पेसिफिकेशन्ससह लाँच करण्यात आलेल्या या स्मार्टफोनची सुरुवातीची किंमत 27,999 रुपये ठेवण्यात आली आहे.

• रेडमी नोट 17 5G ची सुरुवातीची किंमत 27,999 रुपये असून 12 ऑगस्टपासून विक्री सुरू होणार आहे.
• फोनमध्ये 7-इंच 120Hz ॲमोलेड डिस्प्ले आणि स्नॅपड्रॅगन 4 जेन 4 चिपसेट देण्यात आला आहे.
• 8,000mAh बॅटरीसह 45W फास्ट चार्जिंग आणि 50MP एआय कॅमेरा फोनचे प्रमुख फीचर्स आहेत.

Redmi Smartphone Launched: टेक कंपनी रेडमीने भारतात अखेर त्यांच्या नोट सिरीजमधील एक नवीन 5G स्मार्टफोन लाँच केला आहे. कंपनीने त्यांचा हा नवीन स्मार्टफोन Redmi Note 17 5G या नावाने लाँच केला आहे. मागील मॉडेलच्या तुलनेत कंपनीने लाँच केलेल्या नव्या स्मार्टफोनमध्ये मोठी बॅटरी, एक नवीन डिझाईन आणि अनोखे फीचर्स पाहायला मिळणार आहेत. नव्या रेडमी स्मार्टफोनचे फीचर्स आणि स्पेसिफिकेशन्स जाणून घेऊया.

Flipkart Freedom Sale: तयार आहात ना? काही तासांत सुरु होणार फ्लिपकार्ट सेल, स्मार्टफोनसह इतर प्रोडक्ट्सवर मिळणार जबरदस्त डील्स

रेडमी नोट 17 5G ची किंमत आणि उपलब्धता

रेडमीने भारतात त्यांचा नवीन स्मार्टफोन 6GB + 128GB आणि 8GB + 128GB या दोन रॅम आणि स्टोरेज व्हेरिअंट्समध्ये लाँच केला आहे. स्मार्टफोनच्या 6GB + 128GB व्हेरिअंटची किंमत 27,999 रुपये आणि 8GB + 128GB व्हेरिअंटची किंमत 30,999 रुपये आहे. हे डिव्हाईस आर्कटिक ब्लू, स्टारलाइट पर्पल आणि डार्क नाइट या तीन रंगांच्या पर्यायांत खरेदीसाठी उपलब्ध आहे. ग्राहक हा नवीन स्मार्टफोन आर्कटिक ब्लू, स्टारलाइट पर्पल आणि डार्क नाइट या रंगांच्या पर्यायांत खरेदी करू शकतात. कंपनी या स्मार्टफोनच्या खरेदीवर 3 हजार रुपयांपर्यंत बँक डिस्काऊंट देखील ऑफर करत आहे. स्मार्टफोनची विक्री 12 ऑगस्टपासून सुरु होणार आहे. ग्राहक हा स्मार्टफोन शाओमीचे ई-स्टोअर, किरकोळ विक्री केंद्रे आणि ॲमेझॉनवरून खरेदी करू शकतात.  (फोटो सौजन्य: Redmi) 

रेडमी नोट 17 5G चे स्पेसिफिकेशन्स आणि फीचर्स

डिस्प्ले

स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, फोनमध्ये 7-इंच ट्रूकलर ॲमोलेड डिस्प्ले देण्यात आला आहे. फोनमध्ये 120Hz एडेप्टिव रिफ्रेश रेट आणि 1,800 निट्सची पीक ब्राइटनेस देखील मिळणार आहे. तुम्ही ओल्या हातांनी फोनचा वापर करू शकता. यासाठी फोनमध्ये हायड्रो-टच 2.0 मिळणार आहे. डिव्हाईस कमी ब्लू लाइट व पीडब्ल्यूएम डिमिंगसाठी TÜV Rheinland सर्टिफिकेशन ऑफर करते.

प्रोसेसर

फोनला पावर देण्यासाठी या डिव्हाईसमध्ये 4nm स्नॅपड्रॅगन 4 जेन 4 चिपसेट मिळणार आहे. तसेच या डिव्हाईसमध्ये 8GB पर्यंत रॅम देखील मिळणार आहे. सॉफ्टवेअर बद्दल बोलायचं झालं तर यामध्ये हायपरओएस 3 सह अँड्रॉईड 16 देखील मिळणार आहे. तसेच, शाओमीने 4 वर्षांसाठी ओएस अपडेट आणि सहा वर्षांसाठी सिक्योरिटी पॅच अपडेट करण्याचे वचन दिले आहे.

कॅमेरा

फोटोग्राफीसाठी या स्मार्टफोनमध्ये 50MP चा एआय कॅमेरा दिला आहे, ज्यामध्ये 2x इन-सेंसर जूम, नाइट मोड आणि एआय-बेस्ड एचडीआर आणि सीन डिटेक्शनची सुविधा मिळणार आहे. स्मार्टफोनच्या समोरील बाजूला 8 मेगापिक्सेलचा फ्रंट फेसिंग कॅमेरा दिला आहे.

TRAI चे MyCall ॲप दिसणार आता नव्या अवतारात! कॉल ड्रॉप आणि नेटवर्क समस्येची करू शकता थेट तक्रार

बॅटरी

कंपनीच्या या नव्या स्मार्टफोनमध्ये 8,000mAh ची सिलिकॉन-कार्बन बॅटरी दिली आहे, जी 45W वायर्ड चार्जिंग आणि 22.5W रिवर्स वायर्ड चार्जिंगला सपोर्ट करते.