रविवार, 8 नोव्हेंबर 2026
घरातच मिळणार थिएटरचा अनुभव! 100-इंच स्क्रीनसह Redmi चा नवा Smart TV लाँच, असे आहेत फीचर्स आणि स्पेसिफिकेशन्स
रेडमीने लाँच केलेल्या या नवीन स्मार्ट टिव्हीमध्ये 4K रिजॉल्यूशनसह 144Hz रिफ्रेश रेट देण्यात आला आहे, जो गेमिंग आणि हाय-क्वालिटी कंटेंटसाठी अधिक चांगला अनुभव देतो. कंपनीच्या नवीन स्मार्ट टिव्हीमध्ये 400 ते 600 निट्स पर्यंत ब्राइटनेस दिली आहे, ज्यामुळे मोठ्या स्क्रीनवर देखील दृश्यमानता चांगली मिळते. साऊंडसाठी या टिव्हीमध्ये 30W स्पीकर सिस्टम आहे, यासोबतच HDMI 2.1 सपोर्ट देखील देण्यात आला आहे. (फोटो सौजन्य – Redmi)
स्मार्ट टिव्हीच्या परफॉर्मंसबद्दल बोलायचं झालं तर, या टिव्हीमध्ये तुम्हाला A55 बेस्ड 5-कोर प्रोसेसर, 4GB रॅम आणि 64GB स्टोरेज मिळणार आहे. कंपनीने या स्मार्ट टिव्हीचे 85-इंचाचे आणखी एक व्हेरिअंट देखील लाँच केले आहे, ज्याची किंमत 4,899 युआन म्हणजेच सुमारे 66,040 रुपये आहे. या स्मार्ट टिव्हीमधील स्पेसिफिकेशन्स थोडे कमी आहेत. तसेच Redmi TV MAX 100-इंच मॉडेलची किंमत 8,799 युआन म्हणजेच सुमारे 1 लाख 20 हजार रुपये ठेवण्यात आली आहे.
कंपनीने लाँच केलेल्या ऑल न्यू Redmi A Pro सीरीजमध्ये 43-इंचापासून 75-इंचपर्यंत अनेक पर्याय उपलब्ध आहेत. याची सुरुवातीची किंमत 1,799 युआन म्हणजेच सुमारे 25 हजार रुपये आहे. 75-इंच मॉडेलची किंमत 3,599 युआन म्हणजेच सुमारे 50 हजार रुपये ठेवण्यात आली आहे. या सिरीजमधील अनेक मॉडेल्स 4K रिजॉल्यूशन सपोर्टसह लाँच करण्यात आले आहेत. यामध्ये 144Hz रिफ्रेश रेट सपोर्ट देखील उपलब्ध आहे, तर बेस व्हेरिएंटमध्ये 60Hz पॅनल आहे. याशिवाय, 94% DCI-P3 कलर गॅमट सपोर्टमुळे रंगांची गुणवत्ता सुधारते.
