Samsung चा मास्टरस्ट्रोक! Galaxy Unpacked 2026 पूर्वीच भारतात एंट्री करणार ‘हे’ ढासू 5G स्मार्टफोन्स, जाणून घ्या सविस्तर

Upcoming Samsung Smartphones: सॅमसंग स्मार्टफोन खरेदी करण्याचा विचार करत असाल तर थांबा! 2026 च्या सुरुवातीला काही खास सॅमसंग स्मार्टफोन्स लाँच केले जाणार आहे. हे स्मार्टफोन्स सॅमसंग ईव्हेंटपूर्वी लाँच केले जाणार आहेत.

• फ्लॅगशिप Galaxy Unpacked ईव्हेंट 2026 पूर्वीच स्मार्टफोन्स भारतात लाँच होणार
• टिपस्टर अभिषेक यादवने शेअर केला रिपोर्ट
• Samsung Galaxy A37 5G फेब्रुवारी महिन्यात लाँच होण्याची शक्यता

2026 या नवीन वर्षाची सुरुवात सॅमसंग लव्हर्ससाठी अतिशय खास होणार आहे. कारण सुरुवातीलाच कंपनी त्यांचे काही दमदार स्मार्टफोन्स भारतात लाँच करणार आहे. फ्लॅगशिप Galaxy Unpacked ईव्हेंट 2026 पूर्वीच कंपनी काही दमदार स्मार्टफोन्स भारतात लाँच करणार आहे. अंस सांगितलं जात आहे की, कंपनी फ्लॅगशिप Galaxy Unpacked ईव्हेंट 2026 पूर्वीच भारतात त्यांचे 3 नवीन स्मार्टफोन्स लाँच करणार आहे. यामध्ये Galaxy A57 5G, Galaxy A37 5G आणि बजेट फ्रेंडली Galaxy A07 5G या डिव्हाईसचा समावेश असू शकतो, असे लिक्समध्ये सांगितलं जात आहे. सॅमसंग प्रीमियम S-सीरीजच्या लाँचपूर्वी बजेट आणि मिड-रेंज मार्केटमध्ये त्यांचे वर्चस्व स्थापित करण्याचा प्रयत्न करणार आहे. आगामी स्मार्टफोन्सबाबत काही माहिती समोर आली आहे, याबाबत जाणून घेऊया.

Airtel Recharge Plan: कंपनीने कमी केले ‘या’ प्लॅन्सचे डेटा बेनिफिट्स, यूजर्स झाले नाराज! जाणून घ्या

Samsung Galaxy A07 5G

हा एक स्वस्त 5G स्मार्टफोन असणार आहे. टिपस्टर अभिषेक यादवने शेअर केलेल्या रिपोर्टनुसार, हा स्मार्टफोन डिसेंबर 2025 च्या शेवटी किंवा जानेवारी 2026 च्या सुरुवातीला लाँच केला जाऊ शकतो. हा आगामी स्मार्टफोन Galaxy A07 4G (जो ऑक्टोबर 2025 मध्ये 8,999 रुपयांत लाँच करण्यात आला होता) चा अपग्रेडेड 5G वर्जन असणार आहे. या स्मार्टफोनच्या लाँचिंगमागील कंपनीचा उद्देश आहे की, पहिल्यांदा स्मार्टफोन खरेदी करणाऱ्या यूजर्सना 5G कनेक्टिविटी ऑफर करणं. (फोटो सौजन्य – Pinterest)

Samsung Galaxy A37 5G

ज्यांना मिड रेंज किंमतीत नवीन स्मार्टफोन खरेदी करण्याची इच्छा आहे, अशा लोकांसाठी Samsung Galaxy A37 5G फेब्रुवारी 2026 पर्यंत बाजारात लाँच केला जाऊ शकतो. या स्मार्टफोनमध्ये Exynos 1480 चिपसेट आणि Samsung Xclipse 530 GPU दिला जाण्याची शक्यता आहे. हा तोच प्रोसेसर आहे, जो Galaxy A55 आणि Galaxy F56 सारख्या मॉडेल्समध्ये आहे.

iPhone Upadet: आयफोन यूजर्सना Apple ने दिलं खास ख्रिसमस गिफ्ट, नव्या अपडेटमध्ये मिळणार सर्वात हटके फीचर्स, जाणून घ्या सविस्तर

Samsung Galaxy A57 5G

या लाईनअपमधील सर्वात पावरफुल स्मार्टफोन Galaxy A57 5G असणार आहे. हा स्मार्टफोन सर्टिफिकेशन वेबसाइट्सवर दिसला आहे. यामध्ये नवीन Exynos 1680 प्रोसेसर दिला जाण्याची शक्यता आहे. गेमिंग आणि मल्टीटास्किंगसाठी या स्मार्टफोनला Samsung Xclipse 550 GPU सह जोडण्यात आलं आहे. IMEI डेटाबेस लिस्टिंगने पुष्टी केली आहे की, हा फोन ग्लोबल मार्केटसह भारतात देखील लाँच केला जात आहे. कंपनीने अद्याप या तिन्ही स्मार्टफोन्सबाबत कोणतीही अधिकृत घोषणा केली नाही. मात्र यूजर्सना या तिन्ही स्मार्टफोन्सची प्रतिक्षा आहे. याशिवाय यूजर्स आगामी ईव्हेंटची देखील आतुरतेने वाट बघत आहेत. कंपनी यावेळी ईव्हेंटमध्ये कोणते स्पेशल गॅझेट्स लाँच करणार, याकडे सर्वांचे लक्ष लागले आहे.