लोकप्रिय ट्रेंड Ghibli च्या नावाखाली होतेय लोकांची फसवणूक; स्कॅमर्स लोकांना पाठवत आहेत हे मॅसेज; अशा प्रकारे घ्या तुमची काळजी

Ghibli Art Scam: कोणत्याही फ्लॅटफॉर्मवरून Ghibli ईमेज तयार करणं धोकादायक असू शकतं. Ghibli स्टाईलच्या वाढत्या क्रेझचा फायदा घेऊन स्कॅमर्स लोकांना खोटे मेसेज पाठवत आहेत.

दोन आठवड्यांपूर्वी सुरु झालेल्या Ghibli स्टाईल ईमेजचं वेड अजूनही लोकांमध्ये कायम आहे. लोक त्यांच्या सोशल मीडियावर वेगवेगळ्या Ghibli स्टाईल ईमेज पोस्ट करत आहेत. Ghibli स्टाईल ईमेजसोबतच लोकांमध्ये Ghibli गोन रॉंग असा देखील एक ट्रेंड सुरु झाला आहे. या ट्रेंडमध्ये Ghibli स्टाईल ईमेज तयार करताना झालेल्या चुका दाखवल्या जात आहेत. मोठे नेते, कालाकार या सर्वांना Ghibli चं वेड लागल आहे. प्रत्येकजण सोशल मीडिया अकाऊंटवर त्यांची Ghibli ईमेज अपलोड करत आहेत.

या व्यक्तिने तयार केली सर्वात पहिली Ghibli इमेज, क्षणातच इंटरनेटवर सुरु झाला ट्रेंड… अनोखी कहाणी तुम्ही वाचलीत का?

Ghibli च्या नावाखाली स्कॅमर्सचे मेसेज

आता Ghibli स्टाईलच्या या क्रेझने स्कॅमर्सना आमंत्रिक केलं आहे. Ghibli च्या नावाखाली स्कॅमर्स लोकांना वेगवेगळे मेसेज पाठवून त्यांची फसवणूक करत आहेत. ज्यामध्ये फ्री Ghibli स्टाईल ईमेज तयार करण्यासाठी एखाद्या प्लॅटफॉर्मचं नाव किंवा लिंक दिलेली असते. या लिंकवर क्लिक करताच तुम्हाला तुमच्या फोटोची Ghibli स्टाईल ईमेज मिळत नाही तर तुमची फसवणूक होते.याबाबत आता पोलिसांनी देखील अलर्ट जारी केला असून लोकांना सावध राहण्याचा सल्ला देण्यात आला आहे.  (फोटो सौजन्य – Pinterest)

Ghibli च्या नावाखाली खोटे ईमेल्स

स्कॅमर्स Ghibli च्या नावाखाली लोकांना खोटे ईमेल्स पाठवत आहेत. या ईमेल्समध्ये गिवअवे, इवेंट इनवाइट्स किंवा प्रमोशनल ऑफर यासांरख्या आकर्षक वस्तूंची लालच दाखवली जाते. या मेल्समध्ये मालवेयर लिंक किंवा फेक वेबसाइट्सच्या रीडायरेक्ट लिंक लपलेल्या असतात, जे तुमची ओळख चोरी करतात. ज्यामुळे तुमचं मोठ्या प्रमाणात नुकसान होऊ शकंत, शिवाय तुमची फसवणूक देखील केली जाऊ शकते.

Free कंटेंटच्या नावाखाली स्पाइवेयर!

स्कॅमर्स अशा लोकांना टार्गेट करत आहेत जे “फ्री Ghibli वॉलपेपर”, “स्क्रीनसेवर” किंवा “एनिमेशन पॅक” डाउनलोड करत आहेत. साइबर सेल सांगितलं आहे कि यामध्ये रॅनसमवेयर आणि स्पाइवेयर लपलेला असू शकतो, जो तुमच्या फोन किंवा कंप्यूटरला लॉक करू शकतो आणि ब्राउजरमधील माहिती चोरू शकतो.

1674 चा तो ‘सुवर्णक्षण’, छत्रपती शिवरायांचा राज्याभिषेक सोहळा! सोशल मीडियावर व्हायरल होतोय AI Video, पाहून अंगावर शहारे येतील

डिपफेकचा धोका वाढला

याशिवाय स्कॅमर्स तुमच्या फोटोमधून डिपफेक देखील तयार करू शकतात. जर तुम्ही Ghibli स्टाईल ईमेज तयार करण्यासाठी एखाद्या फ्री वेबसाईटला भेट दिली आणि तिथे तुमचा फोटो अपलोड करत असाल तर हे तुमच्यासाठी धोकादायक असू शकतं. इंटरनेटवर अशा अनेक खोट्या वेबसाईट आहेत ज्या लोकांची फसवणूक करण्यासाठी तयार करण्यात आल्या आहेत. या वेबसाईट फ्रीमध्ये Ghibli ईमेज तयार करण्याचा दावा करतात पण प्रत्यक्षात या वेबसाईट लोकांची फसवूक करत असतात. जर तुम्ही या वेबसाईटवर फोटो किंवा व्हिडीओ अपलोड केला तर त्याचा वापर डीपफेकसाठी केला जाऊ शकतो.

अशा प्रकारे घ्या तुमची काळजी

• सायबर सेलने लोकांना सतर्क राहण्यासाठी हे सल्ले दिले आहेत.
• फक्त सत्यापित AI अ‍ॅप्स आणि वेबसाइट्स वापरा ज्यांच्याकडे स्पष्ट गोपनीयता धोरणे आहेत.
• तुमचे फोटो अज्ञात किंवा संशयास्पद प्लॅटफॉर्मवर अपलोड करू नका.
• मोफत कंटेंट डाउनलोड करण्यापूर्वी विचार करा, त्याचा स्रोत तपासा.
• कोणत्याही लिंकवर क्लिक करण्यापूर्वी किंवा वैयक्तिक माहिती शेअर करण्यापूर्वी सावधगिरी बाळगा.
• कोणत्याही संशयास्पद हालचालींची माहिती तात्काळ www.cybercrime.gov.in वर द्या किंवा राष्ट्रीय सायबर हेल्पलाइन 1930 वर कॉल करा.