DeepSeek बाबत मोठी अपडेट आली समोर, युजर्सची Identity धोक्यात! ‘या’ कंपनीने दिला इशारा

दक्षिण कोरियाच्या राष्ट्रीय गुप्तचर संस्थेने सर्व सरकारी एजन्सींना DeepSeek बाबत सुरक्षा खबरदारी घेण्याचा सल्ला दिला आहे. आता DeepSeek वर बंदी घातलेल्या देशांच्या यादीमध्ये दक्षिण कोरियाचे नाव देखील जोडले जाऊ शकते.

जगातील पहिला AI चॅटबोट ChatGPT ला मागे टाकून अव्वल स्थान मिळवल्यानंतर चिनी कंपनी DeepSeek चे एआय मॉडेल प्रचंड चर्चेत आहे. कमी किंंमतीत सुरु झालेल्या स्टार्टअपमुळे DeepSeek ने सर्वांचे लक्ष वेधून घेतले आहेत. मात्र आता DeepSeek बाबत अनेकांनी चिंता व्यक्त केली आहे. असे देखील अनेक देश आहेत, ज्यांनी DeepSeek वर बंदी घातली आहे. असा आरोप केला जात आहे की DeepSeek युजर्सची सर्व माहिती चिनी कंपनीसोबत शेअर करत आहे, त्यामुळे देशांची सुरक्षा टिकून राहण्यासाठी आतापर्यंत यूएस नेव्ही, ऑस्ट्रेलिया, इटली आणि आर्यलँड या देशांनी DeepSeek वर बंदी घातली आहे.

Try And Buy: OnePlus चे हे स्मार्टफोन्स खरेदी करण्यापूर्वी वापरून पाहण्याची संधी, सुरु झाली विशेष सेवा; असा घ्या संधीचा फायदा

आता दक्षिण कोरियाच्या गुप्तचर संस्थेने DeepSeek च्या एआय चॅटबॉटबाबत चिंता व्यक्त केली आहे. DeepSeek च्या डेटा स्टोरेज आणि वापरकर्त्यांच्या गोपनीयतेशी संबंधित चिंता व्यक्त केली जात आहे. दक्षिण कोरियाच्या गुप्तचर संस्थेने DeepSeek एआय चॅटबॉट जास्त वैयक्तिक डेटा गोळा करत असल्याचा आणि स्वतःला प्रशिक्षित करण्यासाठी या डेटाचा वापर करत असल्याचा आरोप केला आहे. त्यामुळे आता DeepSeek युजर्सची चिंता वाढली आहे. गुप्तचर संस्थेने याबद्दल आणखी काय म्हटले आहे, जाणून घेऊया. (फोटो सौजन्य – Google Play Store) 

सरकारी संस्थांना इशारा देण्यात आला होता

दक्षिण कोरियाच्या राष्ट्रीय गुप्तचर संस्था (NIS) ने म्हटले आहे की, त्यांनी सर्व सरकारी एजन्सींना DeepSeek बाबत सुरक्षा खबरदारी घेण्याचा सल्ला दिला आहे. एनआयएसने पुष्टी केली आहे की चॅट रेकॉर्ड DeepSeek मध्ये ट्रांसफर केले जाऊ शकतात आणि त्यात कीबोर्ड इनपुट पॅटर्न गोळा करण्याचे फंक्शन देखील आहे, जे वापरकर्त्यांना ओळखू शकते आणि चिनी कंपन्यांच्या सर्व्हरशी संवाद साधू शकते. आम्ही तुम्हाला सांगतो की दक्षिण कोरियातील अनेक मंत्रालयांनी सुरक्षेच्या कारणास्तव DeepSeek चा एआय चॅटबॉट ब्लॉक केला आहे. म्हणजेच आता DeepSeek वर बंदी घातलेल्या देशांच्या यादीमध्ये दक्षिण कोरियाचे नाव देखील जोडले जाऊ शकते.

चिनी सर्व्हरबद्दल चिंता व्यक्त केली जात आहे

एनआयएसने म्हटले आहे की DeepSeek जाहिरातदारांना वापरकर्त्यांच्या डेटावर अमर्यादित प्रवेश देते आणि चीनी सर्व्हरवर वापरकर्त्यांचा डेटा स्टोअर करते. चिनी कायद्यांनुसार, गरज पडल्यास चिनी सरकार या डेटामध्ये प्रवेश करू शकते. यामुळे, वापरकर्त्याची गोपनीयताच धोक्यात येत नाही, तर युजर्सवर पाळत ठेवण्याची भीतीही वाढते.

WhatsApp युजर्ससाठी धोक्याची घंटा! 24 देशांमध्ये Spyware अटॅकचा खुलासा, इटालियन सरकारने सुरु केली चौकशी

एनआयएसने DeepSeek वर वेगवेगळ्या भाषांमध्ये संवेदनशील प्रश्नांची वेगवेगळी उत्तरे दिल्याचा आरोपही केला आहे. याआधी, चिनी कंपनीविरुद्ध चिनी सरकारवर टीका करणाऱ्या उत्तरांवर सेन्सॉर केल्याबद्दल एक खटलाही उघडकीस आला आहे. अनेक वापरकर्त्यांना असे आढळून आले आहे की या चॅटबॉटची उत्तरे चिनी प्रचाराने प्रभावित आहेत. त्यामुळे आता अनेक देशांनी त्यांच्या सुरक्षेसाठी DeepSeek वर बंदी घालण्याचा निर्णय घेतला आहे. काही दिवसांपूर्वी DeepSeek ची क्रेझ झपाट्याने वाढत होती. मात्र सध्या केल्या जाणाऱ्या आरोप आणि वादामुळे DeepSeek च्या युजर्सची संख्या कमी होण्याची शक्यता आहे.