नव्या वर्षात Apple देणार ग्राहकांना खास सरप्राईज! फोल्डेबल आयफोनसह iPhone Air 2 लाँच करण्याची शक्यता, इतकी असेल किंमत

2026 मध्ये टेक जायंट कंपनी अ‍ॅपल सुमारे 6 आयफोन मॉडेल्स लाँच करण्याच्या तयारीत आहे. याबाबत सतत अपडेट्स देखील समोर येत आहेत. त्यामुळे आगामी आयफोनकडे सर्वांचे लक्ष लागले आहे.

• iPhone Air 2 लाँचिंगसाठी यूजर्स उत्साही
• iPhone Air 2 मध्ये मिळणार डुअल कॅमेरा सेटअप
• कमी किंमतीत जास्त फीचर्स देण्याची कंपनीची योजना

दिग्गज टेक कंपनी अ‍ॅपलने यावर्षी त्यांची आयफोन 17 सिरीज लाँच केली. नवीन रंग, नवीन डिझाईन आणि अपग्रेड फीचर्स यामुळे आयफोन 17 सिरीज ग्राहकांना प्रचंड आवडली होती. या सिरीजनंतर आता कंपनी 2026 मध्ये नवीन आयफोन सिरीज लाँच करण्याची तयारी करत आहे. 2026 मध्ये आयफोन 18 सिरीज लाँच केली जाणार आहे. एवढंच नाही तर कंपनी आगामी आयफोन मॉडेल्ससोबत कंपनी असे दोन आयफोन मॉडेल्स लाँच करण्याच विचार करत आहे, ज्यामुळे सर्वजण चकित होतील. कंपनी 2026 मध्ये आयफोन फोल्ड आणि आयफोन एअर 2 लाँच करणार असल्याची माहिती समोर आली आहे.

टेक विश्वासाठी ऐतिहासिक ठरलं ‘2025’ चं वर्ष! स्लिम iPhone, AI गॅझेट्स आणि Musk चा रोबोट… प्रत्येक इनोव्हेशनने जगाला केलं थक्क

iPhone Air 2 लाँच होण्याची शक्यता

असं सांगितलं जात होतं की कंपनी कमी विक्रीमुळे iPhone Air चे प्रोडक्शन पूर्णपणे बंद करणार आहे. मात्र आता असं सांगितलं जात आहे, 2026 मध्ये कंपनी फोल्डेबल आयफोनसह iPhone Air 2 देखील लाँच करू शकते. याचे काही लीक्स देखील समोर आले आहे. त्यामुळे आयफोन 18 सिरीज आणि फोल्डेबल आयफोनसह iPhone Air 2 देखील 2026 मध्ये लाँच केला जाण्याची दाट शक्यता आहे. (फोटो सौजन्य – Pinterest) 

अनेक अपग्रेडसह लाँच होणार iPhone Air 2

अ‍ॅपलने यावर्षी त्यांचा सर्वात पातळ आयफोन मॉडेल iPhone Air लाँच केला होता. नवीन डिझाईन आणि स्लिम बॉडी यामुळे हा आयफोन यूजर्सना अतिशय आवडेल अशी कंपनीला आशा होती. मात्र हा आयफोन यंदा फ्लॉप ठरला. कंपनीच्या अपेक्षेप्रमाणे यूजर्सनी या आयफोनला प्रतिसाद दिला नाही. सिंग कॅमेरा आणि कमी बॅटरी लाईफ यामुळे हा आयफोन यूजर्सना आवडला नाही. त्यामुळे या आयफोन मॉडेलची विक्री झाली नाही. याच सर्वांचा विचार करून आता कंपनी त्यांचे नवीन मॉडेल अधिक शक्तिशाली बनवण्याचा विचार करत आहे. यामध्ये रियरमध्ये डुअल कॅमेरा सेटअप दिला जाण्याची शक्यता आहे. याबाबत लीक्स देखील समोर आले आहेत. याशिवाय यामधील चिपसेट आणि दूसरे हार्डवेयर देखील अपग्रेड केले जाणार आहे.

Year Ender 2025: iPhone Air पासून Nothing Phone 3 पर्यंत… हे आहेत वर्षभरात लाँच झालेले फ्लॉप स्मार्टफोन्स

किती असू शकते किंमत

काही रिपोर्टनुसार, कंपनी iPhone Air 2 हिट बनवण्यासाठी त्याची किंमत कमी ठेवणार आहे. असं सांगितलं जात आहे की. सध्याच्या मॉडेलपेक्षा (1.19 लाख रुपये) त्याची किंमत कमी असण्याची शक्यता आहे. अ‍ॅपलला आशा आहे की त्याची वाढलेली वैशिष्ट्ये आणि कमी किंमत व्यापक स्वीकृती मिळवेल.

कधी लाँच होणार आयफोन?

आयफोन 18 प्रो मॉडेल्स, iPhone Air 2 आणि फोल्डेबल फोन सप्टेंबर महिन्यात लाँच केला जाण्याची शक्यता आहे. तर स्टँडर्ड आयफोन 18 2026 च्या सुरुवातीला लाँच केला जाऊ शकतो.