Black Friday Sale: विमान प्रवाशांनाही सेलचा फायदा! डॉमेस्टिक आणि इंटरनॅशनल फ्लाइट बुकींगवर मिळणार डिस्काऊंट

तुम्ही कुठे फीरायला जाण्यासाठी फ्लाइट बुक करण्याचा विचार करत आहात का? थांबा, ही बातमी तुमच्यासाठी आहे. ब्लॅक फ्रायडे सेलमध्ये एअर इंडियाच्या प्रवाशांना फ्लाइट्स बुकींगवर आकर्षक डिस्काऊंट दिलं जाणार आहे.

ऑनलाईन शॉपिंग प्लॅटफॉर्म, शॉपिंग स्टोअर्सवर ब्लॅक फ्रायडे सेल सुरु झाला आहे. 29 नोव्हेंबरपासून सुरु झालेला हा सेल आज 2 डिसेंबर रोजी संपणार आहे. ब्लॅक फ्रायडे सेलदरम्यान ऑनलाईन शॉपिंग प्लॅटफॉर्मवर जबरदस्त डिस्काऊंट आणि ऑफर्ससह खरेदी करण्याची संधी उपलब्ध आहे. ऑनलाईन शॉपिंग प्लॅटफॉर्मसोबतच आता एअरलाइन एअर इंडियाने देखील खास ब्लॅक फ्रायडे सेल सुरू केला आहे.

टेकसंबंधित बातम्या वाचण्यासाठी इथे क्लिक करा

एअरलाइन एअर इंडियाच्या ब्लॅक फ्रायडे सेलमध्ये प्रवाशांना देशांतर्गत आणि आंतरराष्ट्रीय दोन्ही फ्लाइट्सवर आकर्षक डिस्काऊंट दिलं जाणार आहे. ही ऑफर मर्यादित काळासाठी उपलब्ध आहे. हा सेल आज रात्री 12 वाजता संपणार आहे. त्यामुळे प्रवाशांना एअर इंडियाच्या ब्लॅक फ्रायडे सेलमध्ये तिकीट बुक करायच्या असतील तर त्यांना घाई करावी लागणार आहे. (फोटो सौजन्य – pinterest)

हा सेल 29 नोव्हेंबर रोजी मध्यरात्री सुरू झाला आहे आणि 2 डिसेंबर रोजी भारतीय वेळेनुसार रात्री 11.59 वाजेपर्यंत चालेल. यामध्ये प्रवाशांना देशांतर्गत उड्डाणांवर 20% आणि आंतरराष्ट्रीय उड्डाणांवर 12% डिस्काऊंट मिळेल. तुम्ही कुठे प्रवास करण्याचा प्लॅन करत असाल, तर ही तुमच्यासाठी एक चांगली संधी आहे.

किती डिस्काऊंट आहे?

या सेलमध्ये, भारतातील देशांतर्गत उड्डाणांसाठी बेस भाड्यावर 20% पर्यंत सूट दिली जात आहे. अमेरिका, युरोप, ऑस्ट्रेलिया, दक्षिण-पूर्व आशिया आणि दक्षिण आशिया यांसारख्या गंतव्यस्थानांसाठी आंतरराष्ट्रीय फ्लाइटसाठी ही सूट 12% पर्यंत आहे.

प्रवासाची तारीख आणि बुकिंग कालावधी

सेलदरम्यान केलेली बुकिंग 30 जून 2025 पर्यंत प्रवासासाठी वैध आहे. तथापि, ऑस्ट्रेलिया, उत्तर अमेरिका आणि भारतामधील फ्लाइट 30 ऑक्टोबर 2025 पर्यंत बुक करता येतील.

कन्वीनियंस फीस नाही

या विक्रीची सर्वात चांगली गोष्ट म्हणजे कन्वीनियंस फीसमध्ये सूट देण्यात आली आहे, ज्यामुळे प्रमोशन दरम्यान एअर इंडियाच्या वेबसाइट किंवा ॲपद्वारे फ्लाइट बुक केल्यास प्रवाशांना देशांतर्गत बुकिंगवर 399 रुपये आणि आंतरराष्ट्रीय बुकिंगवर 999 रुपयांपर्यंतची बचत करता येईल.

तारीख तपासा

या सेल अंतर्गत उपलब्ध जागा मर्यादित आहेत आणि प्रथम येणाऱ्यास प्रथम सेवा या तत्त्वावर सवलती दिल्या जात आहेत. तथापि, विक्री कालावधी दरम्यान ब्लॅकआउट तारखा देखील आहेत, म्हणजे काही तारखांना सूट लागू होणार नाही, त्यामुळे तिकीट बुक करताना उपलब्धता तपासणे महत्त्वाचे आहे.

येथून बुक करा

ब्लॅक फ्रायडे सेलचा लाभ घेण्यासाठी एअर इंडियाच्या अधिकृत वेबसाइट किंवा मोबाइल ॲपवर बुकिंग करावी लागेल. ही विशेष ऑफर थर्ड पार्टी बुकिंग प्लॅटफॉर्मवर उपलब्ध नाही.

स्मार्टफोनसंबंधित बातम्या वाचण्यासाठी इथे क्लिक करा

UPI आणि इंटरनेट बँकिंग ऑफर

प्रवासी UPI किंवा इंटरनेट बँकिंगद्वारे पेमेंट करून देशांतर्गत फ्लाइटवर 400 रुपये आणि आंतरराष्ट्रीय फ्लाइटवर 1200 रुपयांची अतिरिक्त सवलत मिळवू शकतात.

ICICI बँक कार्ड धारक सवलत

ICICI बँकेचे क्रेडिट कार्ड वापरणारे ग्राहक राउंड-ट्रिप देशांतर्गत फ्लाइटवर 750 रुपये, आंतरराष्ट्रीय फ्लाइटवर 2500 रुपये आणि बिझनेस क्लास बुकिंगवर 3000 रुपयांची सवलत मिळवू शकतात.