BSNL ने युजर्सना दिलं New Year Gift! लाँच केले दोन ढासू रिचार्ज प्लॅन, मिळणार फास्ट स्पीड इंटरनेट

BSNL ने त्यांच्या युजर्सना नवीन वर्षाचं गिफ्ट देण्यासाठी दोन ढासू रिचार्ज प्लॅन लाँच केले आहे. हे प्लॅन कंपनीच्या अधिकृत वेबसाइटसह इतर अनेक चॅनेलद्वारे सक्रिय केले जाऊ शकतात. या रिचार्ज प्लॅनबद्दल जाणून घेऊया.

भारतातील आघाडीची आणि सरकारी टेलिकॉम कंपनी BSNL ने त्यांच्या युजर्सना नवीन वर्षांचं एक खास गिफ्ट दिलं आहे. BSNL ने युजर्ससाठी दोन धमाकेदार रिचार्ज प्लॅन लाँच केले आहे. BSNL च्या प्रत्येक रिचार्ज प्लॅनची खास गोष्ट म्हणजे कंपनी युजर्सना कमी पैशांत जास्तीत जास्त फायदे ऑफर करण्याचा प्रयत्न करते. ज्यामुळे युजर्सचा फायदा होईल आणि त्यांना परवडणाऱ्या रिचार्ज प्लॅनचा लाभ घेता येईल.

Tech Tips: Youtube च्या Cooking चॅनेलवरील व्हिडीओ व्हायरल होत नाही? तुमच्या या चूका सुधारण्याची गरज

BSNL ने अलीकडेच 88 रुपयांच्या प्रीपेड प्लॅनची ​​व्हॅलिडीटी कमी केली आहे. मात्र यानंतर आता कंपनीने त्यांच्या युजर्सना नवीन वर्षाचं गिफ्ट देत 215 रुपयांच्या सुरुवातीच्या किमतीत दोन नवीन प्रीपेड रिचार्ज प्लॅन लाँच केले आहेत. विशेष गोष्ट म्हणजे या प्लॅनमध्ये 84 दिवसांची व्हॅलिडिटी देण्यात आली आहे. यासोबतच अमर्यादित कॉलिंग आणि इतर अनेक फायदे देखील समाविष्ट आहेत. चला तर मग BSNL ने लाँच केलेल्या या दोन्ही प्रीपेड रिचार्ज प्लॅनबद्दल जाणून घेऊया. (फोटो सौजन्य – pinterest)

BSNL चे नवीन प्रीपेड रिचार्ज प्लॅन

BSNL ने त्यांच्या युजर्सना नवीन वर्षाचं गिफ्ट देण्यासाठी 215 रुपये आणि 628 रुपयांचे प्रीपेड प्लॅन लाँच केले आहेत. हे प्लॅन कंपनीच्या अधिकृत वेबसाइटसह इतर अनेक चॅनेलद्वारे सक्रिय केले जाऊ शकतात.

215 रुपयांच्या प्लॅनचे डिटेल्स

BSNL चा नवीनतम 215 रुपयांचा प्रीपेड प्लॅन 30 दिवसांची व्हॅलिडिटी ऑफर करतो. या प्लॅनमध्ये दररोज 100 एसएमएस आणि अमर्यादित व्हॉइस कॉलिंग सुविधा देण्यात आली आहे. यामध्ये दररोज 2 GB हाय-स्पीड डेटा ऑफर केला जातो. ही योजना हार्डी गेम्स, चॅलेंजर अरेना गेम्स आणि गेमऑन देखील देते. या प्रीपेड प्लॅनमध्ये BSNL Tunes, Listen Podcast, Zing Music आणि Wow Entertainment यांचा समावेश आहे.

AI चॅटबॉट्सना चुकूनही सांगू नका ही माहिती, आयुष्यभर कराल पश्चाताप! बँक अकाऊंटही होईल रिकामं

628 रुपयांच्या प्लॅनमध्ये काय खास आहे?

BSNL चा 628 ​​रुपयांचा प्रीपेड प्लॅन 84 दिवसांची व्हॅलिडिटी देतो. हे अमर्यादित व्हॉइस कॉलिंग आणि दररोज 100 एसएमएस देखील देते. यामध्ये युजर्सना दररोज 3 जीबी डेटा ऑफर केला जातो. हे हार्डी गेम्स, चॅलेंजर एरिना गेम्स आणि गेमऑन सारखे अतिरिक्त फायदे देखील देते. या प्लॅनमध्ये BSNL Tunes, Listen Podcast, Zing Music आणि Wow Entertainment देखील उपलब्ध आहेत.

BSNL च्या इतर योजना

BSNL आपल्या युजर्सना 45 किंवा 70 दिवसांच्या व्हॅलिडीटीसह काही प्लॅन ऑफर करते. BSNL च्या बजेट-फ्रेंडली 197 रुपयांच्या प्लॅनमध्ये अनलिमिटेड कॉलिंग आणि डेटाचे फायदे मिळतात. आउटगोइंग कॉल करण्यासाठी, वापरकर्त्यांना टॉप-अप रिचार्ज करावे लागेल. हा प्रीपेड प्लॅन तुम्हाला सुरुवातीच्या 18 दिवसांसाठी अमर्यादित कॉल्स आणि मोफत राष्ट्रीय रोमिंगसह 2GB हाय-स्पीड डेटा आणि 100 मोफत एसएमएस दररोज देतो. याशिवाय, अलीकडेच BSNL ने एक रोमांचक प्रीपेड प्लॅन लाँच केली आहे. 2398 रुपयांच्या या प्लॅनची व्हॅलिडीटी 425 दिवस आहे.