अरे देवा! iPhone 16 युजर्सची नवीन समस्या, ॲपलच्या कम्युनिटी डिस्कशन पेजवर तक्रारींचा महापूर

आयफोन 16 युजर्सना आणखी एका विचित्र समस्येचा सामना करावा लागत आहे. फोन चार्ज करताना बहुतेक युजर्सना विजेचा शॉक लागत असल्याचं सांगितलं जात आहे. ॲपलची ही नवीन समस्या यूजर्ससाठी धोकादायक ठरू शकते.

लोकांमध्ये आयफोन 16 ची क्रेझ अजूनही टिकून आहे. गेल्या वर्षी सप्टेंबर महिन्यात आयफोन 16 लाँच करण्यात आला होता. आयफोन लाँच झाल्यानंतर काही दिवसातच युजर्सनी त्याच्या डिस्प्लेबाबत तक्रार करण्यास सुरुवात केली होती. डिस्प्लेच्या समस्येनंतर आता आयफोन 16 युजर्सना आणखी एका विचित्र समस्येचा सामना करावा लागत आहे. अनेक वापरकर्त्यांनी फोन चार्ज करताना त्यांना इलेक्ट्रिक शॉक लागत असल्याची तक्रार केली आहे. यामुळे युजर्समध्ये भीती निर्माण होत आहे.

Netflix वर कोरिअन ड्रामा बघायचाय पण भाषेचं टेंशन आलंय? तुमच्या आवडत्या शोसाठी अशा प्रकारे सुरु करा Subtitles

एक-दोन नव्हे तर अशा अनेक घटना समोर आल्या आहेत. प्रभावित वापरकर्ते ॲपलच्या कम्युनिटी डिस्कशन पेजवर याबद्दल त्यांच्या तक्रारी करत आहेत. येथे वापरकर्त्यांनी आयफोन 16 वापरताना विजेचा शॉक लागल्याने त्यांच्यासोबत घडलेल्या वेगवेगळ्या घटनांचा उल्लेख केला आहे. त्यामुळे आता आयफोन 16 वापरताना युजर्समध्ये भीती निर्माण झाली आहे. (फोटो सौजन्य – pinterest)

चार्ज करताना अधिक समस्या

एका अहवालानुसार, आयफोन 16 वापरकर्त्यांना करंटच्या समस्येचा सामना करावा लागत आहे. फोन चार्ज करताना बहुतेक युजर्सना या समस्येचा सामना करावा लागत असल्याचं सांगितलं जात आहे. सध्याच्या फोनचे ॲक्शन बटण आणि नवीन कॅमेरा कंट्रोल बटणावरून हे घडत असल्याचं या यूजर्सचं म्हणणं आहे. आम्ही तुम्हाला सांगतो की ॲपलने आयफोन16 सीरीजमध्ये पहिल्यांदा कॅमेरा बटण सादर केले आहे. ॲपलचा उद्देश होता की आयफोन 16 च्या मदतीने युजर्सचा फोटोग्राफी करण्याचा अनुभव अधिक चांगला व्हावा. मात्र आता या बटणामुळे युजर्सना एका नवीन समस्येचा सामना करावा लागत आहे.

वापरकर्ते अशा तक्रारी करत आहेत

ॲपलच्या कम्युनिटी डिस्कशन पेजवर आयफोन 16 च्या या नवीन समस्येबाबत अनेक तक्रारी आढळतील. येथे एका यूजरने लिहिले की, मी जवळपास एक आठवड्यापूर्वी आयफोन 16 खरेदी केला होता. आता जेव्हा जेव्हा मी फोन चार्ज करतो तेव्हा मला कॅमेरा बटणातून करंट लागत आहे. हे खूप त्रासदायक आणि वेदनादायक आहे. दुसऱ्या यूजरने लिहिले की, 16 प्रो चार्ज करताना मला विजेचा शॉक बसला आणि माझ्या बोटावर अजूनही परिणाम झाला आहे. हे धोकादायक आहे. ॲपलची ही नवीन समस्या यूजर्ससाठी धोकादायक ठरू शकते.

ॲपल ॲक्सेसरीज वापरल्यानंतरही विजेचा शॉक लागतो

कम्युनिटी पेजवर अशा अनेक तक्रारी आहेत, ज्यावरून ॲपलच्या मूळ ॲक्सेसरीज वापरतानाही करंटची समस्या कायम असल्याचे दिसून येते. येथे एका यूजरने लिहिले की, मलाही विजेचा धक्का बसला आहे. मी ॲपल सपोर्टशी बोललो तेव्हा ते म्हणाले की ॲपलची कॉर्ड वापरली पाहिजे. मी ॲपल कॉर्ड देखील ऑर्डर केली आणि ती चार्ज केली, पण नंतर त्यामधून देखील विजेचा शॉक बसला. मला वाटते की त्यांनी याबाबत काहीतरी केले पाहिजे. अशा अनेक तक्रारी ॲपल युजर्सनी केल्या आहेत.

Android युजर्स आत्ताच करा हे काम, नाहीतर हॅकर्सच्या हाती जाईल फोनचा कंट्रोल; Google ने जारी केला Alert

ॲपलकडून कोणताही प्रतिसाद नाही

ॲपलच्या सेफ्टी इंफॉर्मेशन पेजवर असे लिहिले आहे की आयफोनला आग, विद्युत प्रवाह आणि नुकसानापासून वाचवण्यासाठी नेहमी फक्त अधिकृत चार्जिंग उपकरणे वापरा. मात्र आता अशा घटना समोर आल्या आहेत, ज्यामध्ये अधिकृत चार्जर वापरून देखील युजर्सना शॉक लागत आहे. असे असूनही, शॉक लागण्याच्या घटनांबाबत ॲपलकडून अद्याप कोणतीही अधिकृत प्रतिक्रिया आलेली नाही.