Tech Tips: WhatsApp वर अनोळखी नंबरवरून येणाऱ्या कॉल मॅसेजमुळे वैतागलात? आत्ताच करा ही सेटिंग

व्हॉट्सॲप वापरकर्त्यांसाठी आता नको असलेले कॉल आणि मॅसेज नाकारणे आता सोपे झाले आहे. हे फीचर खास अशा लोकांसाठी तयार करण्यात आले आहे, ज्यांना सतत अनोळखी लोकांच्या मॅसेज आणि कॉलचा सामना करावा लागतो.

जगभरातील लाखो लोक व्हॉट्सॲपचा वापर करतात. व्हॉट्सॲपवर आपल्याला कोणतीही व्यक्ति मॅसेज करू शकते. तुम्ही एखाद्या व्यक्तिला ओळखत असाल किंवा तुम्ही एखाद्या व्यक्तिला ओळखत नसाल, अगदी कोणीही तुम्हाला व्हॉट्सॲपवर मॅसेज करू शकते. व्हॉट्सॲप केवळ मॅसेजिंगसाठीच नाही तर सुरक्षा वैशिष्ट्यांसाठी देखील ओळखले जाते. व्हॉट्सॲपमध्ये अनेक सुरक्षा वैशिष्ट्ये आहेत, ज्याबद्दल फार कमी लोकांना माहिती आहे. अशाच एका फीचरबद्दल आता आम्ही तुम्हाला सांगणार आहोत.

UPI युजर्सना टार्गेट करतोय ‘Jumped Deposit Scam’; बॅलन्स चेक करताच रिकामं होईल बँक अकाऊंट

व्हॉट्सॲपवर तुम्हाला देखील अनेक अनोळखी लोकांचे मॅसेज येत असतील, पण आता आम्ही तुम्हाला अशा एका खास फीचरबद्दल सांगणार आहोत, जे अनोळखी नंबरवरून येणारे मॅसेज थांबवू शकतात. व्हॉट्सॲपचे Block Unknown Account Messages हे फीचर खास अशा लोकांसाठी तयार करण्यात आले आहे, ज्यांना सतत अनोळखी लोकांच्या मॅसेजचा सामना करावा लागतो. (फोटो सौजन्य – pinterest)

हे फीचर काय आहे आणि ते कसे कार्य करते?

व्हॉट्सॲपच्या या फीचरचा मुख्य उद्देश युजर्सना अनोळखी नंबरवरून सतत येणाऱ्या मॅसेजपासून वाचवणे हा आहे. पण हे फीचर तुम्हाला सुरु करायचे असेल तर त्यासाठी एक अट आहे. तुम्हाला व्हॉट्सॲपवर एक किंवा दोन मॅसेज आल्यावर हे फिचर ॲक्टिवेट होत नाही. परंतु जेव्हा अनोळखी नंबरवरून वारंवार आणि मोठ्या प्रमाणात मॅसेज येऊ लागतात, तेव्हा हे फीचर ॲक्टिवेट होते आणि कार्य करते.

हे फीचर कसे चालू करावे

• सर्वात आधी तुमच्या फोनमधील व्हॉट्सॲप ओपन करा.
• ॲपच्या उजव्या बाजूला असलेल्या तीन डॉटवर टॅप करा आणि “सेटिंग्ज” पर्याय निवडा.
• सेटिंग्जमधील “प्रायव्हसी” पर्यायावर क्लिक करा.
• प्रायव्हसी सेटिंग्जमध्ये खाली स्क्रोल करा आणि “ॲडवांस्ड” पर्यायावर जा.
• तुम्हाला हे फीचर ॲडवांस्ड विभागाच्या शीर्षस्थानी दिसेल. टॉगल स्विच चालू करा आणि फीचर ॲक्टिवेट होईल.

हे फीचर विशेष का आहे?

युजर्सचे व्हॉट्सॲप अकाउंट सुरक्षित राहावे यासाठी हे फिचर रोलआऊट तयार करण्यात आलं आहे. हे फीचर चालू केले म्हणजे अनोळखी नंबरवरून येणारा प्रत्येक मेसेज ब्लॉक केला जाईल असे नाही. हे केवळ तेच मॅसेज ब्लॉक करते जे अज्ञात क्रमांकावरून वारंवार आणि मोठ्या प्रमाणात पाठवले जात आहेत.

अनोळखी कॉलर्सपासून होईल सुटका

अनोळखी मॅसेजपासूनच अनोळखी कॉल्स देखील व्हॉट्सॲपवर मोठ्या प्रमाणात येतात. Block Unknown Account Messages या फीचरसोबतच कंपनीने अनोळखी कॉल्ससाठी देखील एक फीचर दिलं आहे. Silence unknown callers असं या फीचरचं नाव आहे. हे फीचर कसं ॲक्टिवेट केलं जाईल, जाणून घेऊया.

ऑनलाइन शॉपिंग दरम्यान वाढतोय ब्रशिंग स्कॅमचा धोका! स्कॅमर्सच्या जाळ्यातून वाचण्यासाठी या टीप्स फॉलो करा

• सर्वात आधी तुमच्या स्मार्टफोनवर व्हॉट्सॲप ओपन करा
• आता सेटिंग्ज मेनूवर जा
• Android वर उजवीकडे शीर्षस्थानी असलेल्या तीन-डॉट मेनूवर टॅप करा.
• यानंतर ‘प्रायव्हसी’ पर्यायावर टॅप करा.
• आता ‘कॉल’ पर्यायावर टॅप करा आणि नंतर ‘सायलेन्स अननोन कॉलर’ निवडा.