Tech Tips: तुमच्या WhatsApp चॅट्सवर कोणी नजर ठेवतंय का? आत्ताच ऑन करा या 5 प्रायव्हसी सेटिंग्स, जाणून घ्या

WhatsApp Tips: तुमच्या WhatsApp चॅट्सवर कोणी नजर ठेवत आहे, असं तुम्हाला देखील वाटतंय? मग ही बातमी तुमच्यासाठी नक्कीच महत्त्वाची आहे. कारण आता आता आम्ही तुम्हाला काही फायदेशीर WhatsApp टीप्स सांगणार आहोत.

सोशल मीडिया आणि मेसेजिंग प्लॅटफॉर्म WhatsApp चे जगभरात करोडो युजर्स आहेत. लोकं त्यांच्या वेगवेगळ्या कामांसाठी WhatsApp चा वापर करतात. म्हणजेच अगदी कुटूंबियांना मेसेज करण्यापासून ते ऑफीस ग्रुपवर अपडेट देण्यापर्यंत WhatsApp आपली वेळोवेळी मदत करतो. WhatsApp वर आपण सतत कोणासोबत चॅट्स करत असतो. पण आपल्या मनात नेहमीच एक भिती असते, ती म्हणजेच आपल्या WhatsApp चॅटवर कोणी नजर ठेवत आहे का?

अखेर प्रतिक्षा संपली! Nothing चा सर्वात महागडा Smartphone भारतात लाँच, नव्या Glyph Matrix ने सुसज्ज! प्रिमियम रेंजमध्ये आहे किंमत

खरं तर, WhatsApp एक सुरक्षित सोशल मीडिया प्लॅटफॉर्म मानले जाते. WhatsApp द्वारे आपण मित्रांना, कुटूंबियांना, ऑफीस फ्रेंड्सना मेसेज करतो. अनेकांना आपण दिवसभरात आपल्यासोबत काय काय घडलं याचे अपडेट WhatsApp द्वारे देतो. पण तुम्ही शेअर करत असलेली ही सर्व माहिती कोणी वाचत असेल किंवा कोणी त्यावर नजर ठेवत असेल तर? WhatsApp कितीही सुरक्षित मानलं जात असलं तरी देखील यामधील प्रायव्हसी आणि सिक्योरिटी सेटिंगशिवाय याचा वापर करणं धोकादायक असू शकतं. आता आम्ही तुम्हाला 5 अशा सेटिंगबद्दल सांगणार आहोत, ज्यामुळे तुमच्या WhatsApp चॅट्सची सुरक्षा वाढणार आहे. (फोटो सौजन्य – Pinterest) 

End-to-End Encrypted Backup अ‍ॅक्टिव्ह करा

WhatsApp तुमचे चॅट्स आधीपासूनच एंड-टू-एंड एन्क्रिप्ट करतो. मात्र आता तुम्ही तुमचा बॅकअप देखील सुरक्षित ठेऊ शकता. याचा अर्थ असा की WhatsApp, गुगल किंवा अ‍ॅपल देखील तुमचे मेसेज वाचू शकणार नाहीत. यासाठी सेटिंग कशी चालू करायची ते जाणून घेऊया.

• सेटिंग्ज > चॅट्स > चॅट बॅकअप > एंड-टू-एंड एन्क्रिप्टेड बॅकअप या स्टेप्स फॉलो करा.
• एक पासवर्ड किंवा 64 अंकाची स्पेशल Key सेट करा आणि सेव्ह करा

Advanced Chat Privacy चा वापर करा

हे फीचर तुम्हाला विशिष्ट चॅटमध्ये पाठवलेले मीडिया (जसे की फोटो, व्हिडिओ) सेव्ह होण्यापासून रोखण्याची परवानगी देते. ज्यामुळे तुमची चॅटिंग आधीपेक्षा जास्त सुरक्षित होते. यासाठी देखील तुम्हाला काही सेटिंग फॉलो करावी लागणार आहे.

• चॅट उघडा > चॅटच्या नावावर टॅप करा > अ‍ॅडव्हान्स्ड चॅट प्रायव्हसी निवडा आणि आवश्यक बदल करा.

Two-Step Verification ऑन करा

हे फीचर WhatsApp अकाऊंटमधील सुरक्षा आणखी वाढवतो. जर कोणी तुमचा नंबर एंटर करून लॉगिन करण्याचा प्रयत्न करत असेल, तर त्यासाठी तुम्ही सेट केलेल्या पिनची गरज भासेल. म्हणजेच तुमच्या परवानगीशिवाय आणि तुम्ही सेट केलेल्या पिनशिवाय कोणी लॉगिन करू शकणार नाही.

• Settings > Account > Two-Step Verification या स्टेप्स फॉलो करा
• तुम्हाला हवे असल्यास तुम्ही बॅकअपसाठी 6 अंकी पासवर्ड सेट करू शकणार आहात

ग्रुपसाठी ऑन करा ही सेटिंग

अनेकदा असं होतं की एखादी अनोळखी व्यक्ति तुम्हाला ग्रुपमध्ये अ‍ॅड करते. मात्र आता असं होणार नाही. कारण आता तुम्ही ठरवू शकता की कोणी तुम्हाला ग्रुपमध्ये अ‍ॅड करायचे आणि कोणी नाही करायचं.

चक्क मालकाचाच ChatGPT वर विश्वास नाही? Sam Altman च्या एका वाक्याने उडाली खळबळ; म्हणाला, AI टूलवर…

• सेटिंग्ज > प्रायव्हसी> ग्रुप वर जा.
• (विशिष्ट लोकांना ब्लॉक करण्यासाठी) Everyone, My Contacts, My Contacts Except… मधील पर्याय निवडा.

Last Seen आणि Online Status लपवा

जर तुम्हाला लोकांना कळू नये की तुम्ही कधी ऑनलाइन होता किंवा आता ऑनलाइन आहात, तर तुम्ही ही माहिती लपवू शकता

• सेटिंग्ज > प्रायव्हसी > लास्ट सीन अँड ऑनलाईनवर जा
• Everyone, My Contacts किंवा Nobody मधील एक पर्याय निवडा.