Truecaller ने भारतात सादर केलं नवं फॅमिली प्रोटेक्शन फीचर! यूजर्सना मिळणार स्कॅमपासून सुरक्षा, जाणून घ्या सविस्तर

भारतात स्कॅम आणि फ्रॉडच्या घटनांमध्ये मोठ्या प्रमाणात वाढ होत असल्याचे पाहायला मिळत आहे. याच घटनांना आळा घालता यावा यासाठी ट्रूकॉलरने एक नवीन फीचर भारतात लाँच केले आहे.

• नवीन फीचर अंतर्गत कंपनी एक सेफ्टी सर्कल बनवणार
• फॅमिली प्रोटेक्शन फीचर यूजर्सना संशयास्पद कॉल आणि संभाव्य स्कॅमबाबत रियल-टाइम अलर्ट देतात
• नवीन सिस्टिम यूजर्सना कुटूंबातील सदस्यांसोबत सिक्योरिटी प्रोटेक्शन शेअर करण्याची सुविधा देते

ट्रूलकॉलरने भारतात एक नवीन फॅमिली प्रोटेक्शन फीचर सादर केले आहे. या नवीन फीचरचा उद्देश कुटूंबांना स्कॅम आणि फ्रॉड कॉलपासून एकत्रितपणे स्वतःला सुरक्षित ठेवणं असा आहे. या नवीन फीचर अंतर्गत कंपनी एक सेफ्टी सर्कल बनवणार आहे, ज्यामध्ये एकाच कुटूंबातील 5 लोकं समाविष्ट असणार आहे. या उपक्रमाचा एक भाग म्हणून, कॉलर आयडेंटिफिकेशन अ‍ॅप एक शेयर्ड सेफ्टी सिस्टिम लाँच करत आहे जी कुटुंबातील सदस्यांना अनेक उपकरणांवर संभाव्य धोक्यांचे निरीक्षण आणि व्यवस्थापन करण्यास अनुमती देते. कंपनीचं असं म्हणणं आहे की, हे फीचर कंपनी अशावेळी सुरु करत आहे, ज्यावेळी देशभरातील यूजर्सवर ऑनलाईन स्कॅमद्वारे निशाणा साधला जात आहे. जसे की तोतयागिरी फसवणूक, एआय व्हॉइस क्लोनिंग आणि डिजिटल अटक घोटाळे वाढत आहेत.

गॅस सिलेंडर बुकिंगसाठी लोकांची झुंबड! या अ‍ॅपने ChatGPT ला टाकले मागे, डाउनलोडमध्ये ठरला नंबर 1

ट्रूलकॉलरने सांगितलं आहे की, फॅमिली प्रोटेक्शन फीचर यूजर्सना संशयास्पद कॉल आणि संभाव्य स्कॅमबाबत रियल-टाइम अलर्ट देतात. जर एखादा असा कॉल आला असेल ज्यामध्ये धोका आढळला, तर हे फीचर कुटूंबातील एडमिनला अलर्ट करू शकते आणि कुटुंबातील दुसऱ्या सदस्याला संशयास्पद कॉल दूरस्थपणे डिस्कनेक्ट करण्यास सांगू शकता. कंपनीने दावा केला आहे की, ही सिस्टिम त्या असुरक्षित यूजर्सना सुरक्षा प्रदान करते, ज्यांना हॅकर्सकडून अगदी सहज टार्गेट केले जाऊ शकते. जसे गुन्हेगारांकडून वाढत्या धूर्त पद्धती वापरून वृद्ध कुटुंबातील सदस्यांना अनेकदा लक्ष्य केले जाते.  (फोटो सौजन्य – Pinterest) 

सेफ्टी सर्कल फीचरच्या मदतीने, कुटूंबातील कोणताही एक मेंबर ग्रुपमध्ये सहभागी असलेल्या दुसऱ्या संदस्यांच्या सिक्योरिटी सेटिंग्स आणि अलर्ट मॅनेज करू शकणार आहे. ट्रुकॉलरने असा दावा केला आहे की, नवीन सिस्टिम यूजर्सना कुटूंबातील सदस्यांसोबत सिक्योरिटी प्रोटेक्शन शेअर करण्याची सुविधा देत असली तरी देखील यामध्ये यूजर्सना एकमेकांचा डेटा एक्सेस करण्याचा पर्याय दिला जात नाही. कंपनीचं असं म्हणणं आहे की, कॉल लॉग, संदेश आणि इतर वैयक्तिक माहिती प्रत्येक यूजरसाठी खाजगी ठेवली जाते.

तुमचे Android डिव्हाईस सुरक्षित आहे का? नव्या त्रुटीमुळे हॅकर्स 1 मिनिटात चोरू शकतात फोनमधील डेटा, यूजर्सची चिंता वाढली

कंपनीने असा देखील दावा केला आहे की, नवीन फॅमिली प्रोटेक्शन सिस्टिम 450 मिलियनहून अधिक यूजर्सच्या ग्लोबल कम्युनिटीमधून मिळालेल्या माहितीवर आधारित आहे. प्लॅटफॉर्मने असा दावा केला आहे की, केवळ 2025 मध्ये त्यांनी 68 बिलियन स्पॅम आणि फसवणूक कॉल ओळखले आहेत. फॅमिली प्रोटेक्शन सिस्टिम मोफत उपलब्ध आहे. यासाठी यूजर्सना पैसे खर्च करण्याची गरज नाही. ज्या यूजर्सनी ट्रूकॉलरचे प्रिमियम फॅमिली प्लॅनचे सब्सक्रिप्शन खरेदी केले आहे, त्यांना काही जास्तीचे फीचर्स मिळणार आहेत. यामध्ये सुरक्षेसाठी अधिक प्रगत टूल्स आणि वर्धित देखरेख क्षमतांचा समावेश आहे.