Airtel Recharge Plan: कंपनीने कमी केले ‘या’ प्लॅन्सचे डेटा बेनिफिट्स, यूजर्स झाले नाराज! जाणून घ्या

Airtel यूजर्ससाठी एक नवीन अपडेट समोर आली आहे. कंपनीने काही रिचार्ज प्लॅनमधील डेटा बेनिफिट्स कमी करण्याचा निर्णय घेतला आहे. कंपनीने घेतलेल्या या निर्णयामुळे यूजर्स नाराज झाले आहेत. याबाबत सविस्तर जाणून घेऊया.

• डेटा बूस्टर पॅकसह मिळणारे डेटा बेनिफिट्स कमी केले
• कंपनीच्या निर्णयाने यूजर्स झाले नाराज
• कंपनीचा निर्णय जाणून घ्या

तुम्ही देखील भारती एयरटेल यूजर आहात का? तर तुमच्यासाठी एक महत्त्वाची बातमी आहे. कंपनीने एक असा निर्णय घेतला आहे, ज्यामुळे यूजर्सनी प्रचंड नाराजी व्यक्त केली आहे. कंपनीने त्यांच्या अनलिमिटेड (UL) 5G डेटा ऑफरिंगसोबत जोडलेल्या डेटा बूस्टर पॅकसह मिळणारे डेटा बेनिफिट्स कमी केले आहेत. भारतीय टेलीकॉम ऑपरेटरने जुलै 2024 मध्ये तीन UL 5G बूस्टर पॅक लाँच केले होते, जेणेकरून अमर्यादित 5G फायदे नसलेले प्लॅन वापरणारे यूजर्स त्यांचे प्लॅन अपग्रेड करू शकतील आणि अमर्यादित 5G डेटाचा आनंद घेऊ शकतील. Airtel अतिशय वेगाने त्यांच्या प्लॅन्समध्ये बदल करत आहे. कंपनीने आता डेटा बूस्टर पॅकमध्ये मिळणारे डेटा बेनिफिट कमी केले आहेत.

BSNL Recharge Plan: 150 दिवस सिम अ‍ॅक्टिव्ह ठेवण्याचा सर्वात स्वस्त जुगाड! BSNL घेऊन आला नवा रिचार्ज प्लॅन, मिळणार हे फायदे

टेलीकॉमटॉक रिपोर्टनुसार, आता एयरटेलच्या यबूजर्सच्या प्लॅनमध्ये रोज 2GB किंवा त्यापेक्षा जास्त डेटाचा फायदा मिळतो, त्यांना आता अनलिमिटेड 5G डेटाचा फायदा मिळत आहे. डेली 1GB आणि 1.5GB डेटावाले प्लॅनचे यूजर्स या अनलिमिटेड 5G अ‍ॅड-ऑन पॅकचा वापर करून अनलिमिटेड 5G डेटामध्ये अपग्रेड करू शकणार आहेत, ज्याची किंमत 51 रुपये, 101 रुपये आणि 151 रुपये आहे.  (फोटो सौजन्य – Pinterest)

लाँचवेळी, हे पॅक उपलब्ध असलेल्या बाकी व्हॅलिडीटीसाठी अनलिमिटेड 5G डेटाव्यतिरिक्त 3GB, 6GB आणि 9GB एक्स्ट्रा डेटा ऑफर करत होते. अनलिमिटेड 5G डेटा प्लॅनच्या लिमिटपेक्षा जास्त आहे आणि याचा वापर केवळ 5G नेटवर्कवाल्या भागांमध्ये केला जाऊ शकतो. एयरटेलने आता या अ‍ॅड-ऑन पॅकवरील डेटा बेनिफिट्स कमी केले आहेत.

आता मिळणार एवढा डेटा

वेबसाईटवर दिलेल्या माहितीनुसार, 51 रुपये, 101 रुपये आणि 151 रुपयांच्या अनलिमिटेड 5G अ‍ॅड-ऑन पॅक आता अनलिमिटेड 5G डेटा बेनिफिट्ससह 1GB (आधी 3GB), 2GB (आधी 6GB) आणि 3GB (आधी 9GB) डेटा ऑफर करणार आहेत. डेटाची लिमिट संपल्यानंतर अतिरिक्त डेटावर 50 पैसे प्रति एमबीवर खर्च करावे लागणार आहे. अ‍ॅड-ऑन पॅकचा वापर तेव्हाच केला जाऊ शकतो, जेव्हा ग्राहक एखादा कस्टमर एलिजिबल बेस प्लॅनचा वापर करत असतील.

iPhone Upadet: आयफोन यूजर्सना Apple ने दिलं खास ख्रिसमस गिफ्ट, नव्या अपडेटमध्ये मिळणार सर्वात हटके फीचर्स, जाणून घ्या सविस्तर

एयरटेल अनलिमिटेड 5G डेटा बेनिफिट

एयरटेलच्या 51 रुपये, 101 रुपये आणि 151 रुपयांच्या अनलिमिटेड 5G डेटा अ‍ॅड-ऑन पॅकसह, 1GB किंवा 1.5GB प्रतिदिन प्लॅनवाले यूजर्स देखील आता अनलिमिटेड 5G डेटाचा आनंद घेऊ शकणार आहेत. यासाठी 30 दिवसांसाठी 300GB ची फेयर यूसेज पॉलिसी (FUP) लिमिट लागू केली जाणार आहे. एअरटेल 5G नेटवर्कवर कोणताही डेटा बेनिफिट वापरण्याची परवानगी देत ​​असल्याने, 5G शी कनेक्ट केल्यावर डेटा वापर लक्षणीयरीत्या जलद होतो.