फक्त 35 रुपयांत मनोरंजनाची मेजवानी! Vi चा नवा प्लॅन यूजर्ससाठी ठरणार फायदेशीर, डेटासह मिळणार या सुविधा

Vi Recharge Plan: टेलिकॉम कंपनीने एक स्वस्त प्लॅन सादर केला आहे. या प्लॅनची किंमत 40 रुपयांहून कमी आहे. हा प्लॅन त्यांच्या Vi Movies & TV ॲपद्वारे दोन रीजनल ओवर-द-टॉप (OTT) स्ट्रीमिंग प्लॅटफॉर्म्सचा ॲक्सेस ऑफर करतो.

• प्लॅनची किंमत केवळ 35 रुपये
• ओटीटी प्लॅटफॉर्म्सचा ॲक्सेस 28 दिवसांपर्यंत ॲक्टिव्ह असणार
• मनोरमा मॅक्सवर मल्याळम चित्रपट आणि दूरदर्शन कंटेंट उपलब्ध

भारतातील टेलिकॉम कंपनी Vodafone Idea (Vi) ने भारतात एक नवीन प्रीपेड ॲड-ऑन पॅक सादर केला आहे. या प्लॅनची किंमत केवळ 35 रुपये आहे. कंपनीने सादर केलेला हा प्लॅन त्यांच्या Vi Movies & TV ॲपद्वारे दोन रीजनल ओवर-द-टॉप (OTT) स्ट्रीमिंग प्लॅटफॉर्म्सचा ॲक्सेस ऑफर करतो. हा प्लॅन विशेषत: अशा यूजर्ससाठी डिझाईन करण्यात आला आहे, जे प्रादेशिक भाषांमधील मनोरंजनाचा आनंद घेतात आणि ज्यांना वेगवेगळ्या ओटीटी ॲप्सचे सब्सक्रिप्शन खरेदी केल्याशिवाय स्ट्रीमिंग सर्विसचा ॲक्सेस पाहिजे.

स्मार्टवॉच नाही, तर थेट मेंदूवर लक्ष ठेवणारं गॅजेट! नव्या ‘Temple’ ची सर्वत्र चर्चा, जाणून घ्या किंमत आणि फीचर्स

कंपनीच्या 35 रुपयांच्या प्रीपेड प्लॅन्सचे डिटेल्स

Vi ने सादर केलेला हा 35 रुपयांचा प्रीपेड प्लॅन, नऊ भारतीय भाषांमधील सहा सेवांच्या पर्यायांपैकी कोणत्याही दोन ओटीटी प्लॅटफॉर्म्सचा ॲक्सेस ऑफर करतो. ज्यामध्ये सोनीलिव्ह साऊथ, चौपाल, मनोरमा मॅक्स, क्लिक, अड्डाटाइम्स, आणि Aao NXT समाविष्ट आहे. या ॲड ऑन पॅकमध्ये यूजर्सना 1GB डेटा देखील ऑफर केला जाणार आहे. हा प्लॅन 7 दिवसांच्या व्हॅलिडीटीसह उपलब्ध आहे. मात्र यामधील एक विशेष ट्विस्ट म्हणजेच यूजर्सनी निवडलेल्या ओटीटी प्लॅटफॉर्म्सचा ॲक्सेस 28 दिवसांपर्यंत ॲक्टिव्ह असणार आहे. (फोटो सौजन्य: Pinterest) 

ॲड-ऑन पॅक ॲक्टिव्ह सर्विस व्हॅलिडीटी प्लॅन असणाऱ्या पात्र Vi प्रीपेड सब्सक्राइबर्ससाठी उपलब्ध

कंपनीने लाँच केलेला हा 35 रुपयांचा प्रीपेड ॲड-ऑन पॅक ॲक्टिव्ह सर्विस व्हॅलिडीटी प्लॅन असणाऱ्या पात्र Vi प्रीपेड सब्सक्राइबर्ससाठी उपलब्ध आहे. सब्सक्राइबर्स त्यांच्या स्मार्टफोनवर Vi मूव्हीज अँड टीव्ही ॲपद्वारे कंटेंट स्ट्रीम करू शकतात. सोनीलिव्ह साऊथ तमिळ, तेलुगु, मल्याळम आणि कन्नड कंटेंट ऑफर करतात, तर चौपाल पंजाबी, हरियाणी आणि भोजपुरी एंटरटेनमेंट सादर करतो. मनोरमा मॅक्सवर मल्याळम चित्रपट आणि दूरदर्शन कंटेंट उपलब्ध आहेत, तर KLiKK आणि अड्डाटाइम्सवर बंगाली कंटेंट पाहायला मिळणार आहे. तसेच, Aao NXT वर ओडिया कंटेंट उपलब्ध आहे.

WhatsApp मध्ये मोठे बदल! अकाऊंट नसलेल्या व्यक्तींनाही पाठवता येणार इव्हेंट लिंक, असं काम करणार नवं फीचर

Vi सब्सक्राइबर्स त्यांच्या प्रादेशिक कंटेंट प्राधान्यानुसार, उपलब्ध यादीमधील कोणत्याही दोन सर्विसची निवड करू शकतात. पात्र Vi प्रीपेड कस्टमर्स Vi मोबाइल ॲपद्वारे किंवा सपोर्टेड थर्ड-पार्टी रीचार्ज प्लॅटफॉर्म्सद्वारे 35 रुपयांच्या ॲड ऑन पॅकद्वारे रिचार्ज करू शकतात. रिचार्ज केल्यानंतर यूजर्स Vi मुव्हिज अँड टिव्ही ॲप ओपन करू शकतात आणि त्यांच्या Vi मोबाईल नंबरचा वापर करून लॉगिन करू शकतात. यानंतर एंटरटेनमेंट फायदे मिळवण्यासाठी उपलब्ध पर्यायांमधून पसंतीनुसार दोन ओटीटी प्लॅटफॉर्म्सची निवड केली जाऊ शकते.