शनिवार, 7 नोव्हेंबर 2026
WhatsApp मध्ये मोठे बदल! अकाऊंट नसलेल्या व्यक्तींनाही पाठवता येणार इव्हेंट लिंक, असं काम करणार नवं फीचर
Vi ची AI क्षेत्रात मोठी झेप! ‘Vi Intelligence’ उपक्रमाची घोषणा; ग्राहकांसह उद्योगांचाही अनुभव बदलणार
नुकत्याच शेअर करण्यात आलेल्या एका ब्लॉग पोस्टमध्ये मेसेजिंग प्लॅटफॉर्म व्हॉट्सॲपने घोषणा केली आहे की, व्हॉट्सॲप ईव्हेंट फीचरसाठी अनेक अपग्रेड्स रोलआऊट केले जात आहेत. कंपनीने सांगितलं आहे की, येत्या काही आठवड्यांमध्ये नवीन फीचर सर्वांसाठी रोलआऊट केले जाणार आहेत. या नव्या फीचरमध्ये यूजर्सना अशा लोकांसोबत ईव्हेंटची लिंक शेअर करण्याचा पर्याय मिळणार आहे, ज्यांचे व्हॉट्सॲप अकाऊंट नाही. हे फीचर काही प्रमाणात व्हॉट्सॲप गेस्ट कॉल फंक्शनॅलिटीप्रमाणे आहे. (फोटो सौजन्य: Pinterest)
यूजर्स आता ईव्हेंट क्रिएट करू शकतात. त्या ईव्हेंटसाठी कव्हर फोटो जोडू शकतात आणि या ईव्हेंटची लिंक थेट दुसऱ्या लोकांसोबत शेअर केली जाऊ शकते. RSVP स्टेटसमध्ये म्हणजेच आमंत्रण देण्यात आलेला व्यक्ती ईव्हेंट अटेंड करणार आहे की नाही हे यूजरना समजणार आहे. आमंत्रित सदस्यांना कार्यक्रमासाठी आपली उपस्थिती (RSVP) कळवण्यासाठी ॲप डाउनलोड करण्याची किंवा व्हॉट्सॲप अकाऊंट तयार करण्याची आवश्यकता नाही.
याव्यतिरिक्त, व्हॉट्सॲपने एक नवीन ‘इव्हेंट्स होम’ सादर केले आहे, जे एका मध्यवर्ती केंद्र (सेंट्रलाइज्ड हब) म्हणून काम करते. कंपनी याला यूजर्ससाठी एक ‘वन-स्टॉप’ उपाय म्हणून सादर करत आहे, ज्याद्वारे ते इतरांना पाठवण्यासाठी कस्टमाइज्ड आमंत्रणे तयार करू शकतात. याशिवाय व्हॉट्सॲप ईव्हेंट्स होम यूजर्सना RSVPs मॅनेज करण्याची सुविधा देते. ते कस्टम रिमाइंडर्स सेट करू शकतात आणि एक प्लस-वन देखील जोडू शकतात. यूजर्स व्हॉट्सॲप सेटिंग पेजमध्ये जाऊन ईव्हेंट पर्याय निवडून भूतकाळातील आणि आगामी ईव्हेंट्सची माहिती मिळवू शकतात. या यादीमध्ये यूजर्सनी क्रिएट केलेल्या ईव्हेंट्ससोबतच त्यांना आमंत्रित करण्यात आलेल्या ईव्हेंट्सचा देखील समावेश असणार आहे.
Ans: व्हॉट्सॲप ईव्हेंट्स फीचरच्या मदतीने यूजर्स ग्रुप किंवा कम्युनिटीमध्ये कार्यक्रम तयार करू शकतात आणि इतर सदस्यांना आमंत्रण पाठवू शकतात.
Ans: होय, नवीन अपडेटनुसार व्हॉट्सॲप अकाउंट नसलेल्या व्यक्तींसोबतही इव्हेंटची लिंक शेअर करता येणार आहे.
Ans: इव्हेंट लिंक शेअर करणे, कव्हर फोटो जोडणे, RSVP स्टेटस पाहणे, कस्टम रिमाइंडर्स सेट करणे आणि Plus-One जोडणे अशा सुविधा मिळणार आहेत.
