आकर्षक बँक ऑफर्ससह ४ वर्षांची वॉरंटी! Vijay Sales कडून Xiaomi टीव्ही एस मिनी एलईडी सिरीजचे प्री-बुकिंग सुरू

Vijay Sales कडून Xiaomi च्या TV S Mini LED सिरीजसाठी प्री-ऑर्डर सुरू करण्याची घोषणा करण्यात आली आहे. चला याबद्दल अधिक माहिती जाणून घेऊयात.

• विजय सेल्सकडून Xiaomi च्या TV S Mini LED सिरीजसाठी प्री-ऑर्डर सुरू
• केवळ 2,000 रुपये भरून 21 एप्रिल 2026 पर्यंत या टीव्हीची प्री-बुकिंग करता येणार
• प्री-बुकिंग करणाऱ्या ग्राहकांना मिळणार 4 वर्षांची वॉरंटी

Vijay Sales ने नव्याने लाँच झालेल्या Xiaomi च्या TV S Mini LED सिरीजसाठी प्री-ऑर्डर सुरू केल्याची घोषणा केली आहे. ग्राहकांना ही सिरीज विजय सेल्सच्या अधिकृत वेबसाइट आणि देशभरातील रिटेल स्टोअर्समधून बुक करता येणार आहे.

कंपनीने दिलेल्या माहितीनुसार, ग्राहक केवळ 2,000 रुपये भरून 21 एप्रिल 2026 पर्यंत या टीव्हीची प्री-बुकिंग करू शकतात. हा उपक्रम विजय सेल्स आणि शाओमी यांच्यातील मजबूत भागीदारीचा एक भाग असून, ग्राहकांना अत्याधुनिक तंत्रज्ञान लवकरात लवकर उपलब्ध करून देण्यावर भर देण्यात आला आहे.

या प्री-ऑर्डर ऑफरमध्ये ग्राहकांना विशेष लाभही दिले जात आहेत. प्री-बुकिंग करणाऱ्या ग्राहकांना 4 वर्षांची सर्वसमावेशक वॉरंटी दिली जाणार आहे. ही वॉरंटी नियमित 2 वर्षांच्या कव्हरेजसह अतिरिक्त लाभ देणार आहे. मात्र, 21 एप्रिलनंतर वॉरंटी पुन्हा 3 वर्षांवर येणार आहे.

Classic 350 ची क्रेझ कमी होणार? Triumph ची नवीन बाईक मार्केट गाजवण्याचा तयारीत

प्रगत फीचर्ससह सादर

शाओमी TV S Mini LED सिरीज अत्याधुनिक डिस्प्ले तंत्रज्ञानासह सादर करण्यात आली आहे. या सिरीजमध्ये 1200 निट्सपर्यंत ब्राइटनेस, अचूक लोकल डिमिंग, आणि अधिक गडद ब्लॅक्ससह उत्कृष्ट कॉन्ट्रास्ट मिळतो.
यामध्ये 4K Ultra HD रिझोल्यूशन, Dolby Vision, HDR10+ आणि Filmmaker Mode यांसारखी फीचर्स देण्यात आली आहेत, ज्यामुळे सिनेमॅटिक अनुभव अधिक समृद्ध होतो.

दमदार साउंड आणि कनेक्टिव्हिटी

या टीव्हीमध्ये 34W क्वाड-स्पीकर सिस्टम देण्यात आली आहे, जी Dolby Atmos आणि DTS:X सपोर्टसह 3D सराउंड साऊंडचा अनुभव देते. कनेक्टिव्हिटीसाठी AirPlay 2, Google Cast आणि Miracast सपोर्ट देण्यात आला आहे.

टॅक्स वाढवून देखील Suzuki च्या ‘या’ Bike ला ग्राहकांनी घेतलं डोक्यावर! ठरली नंबर 1 बाईक

गेमिंगसाठी खास

गेमिंग प्रेमींसाठी या सिरीजमध्ये DLG 120Hz, MEMC आणि ALLM यांसारखी फीचर्स देण्यात आली आहेत, ज्यामुळे स्मूथ आणि लॅग-फ्री गेमिंग अनुभव मिळतो.

किंमत आणि ऑफर्स

ही सिरीज 55 इंच, 65 इंच आणि 75 इंच अशा तीन स्क्रीन साइजमध्ये उपलब्ध आहे. बँक ऑफर्सनंतर यांची प्रभावी किंमत अंदाजे 48,999 रुपये, 66,999 रुपये आणि 89,999 रुपये इतकी राहते. तसेच, Kotak, HDFC, SBI आणि Axis Bank कार्डधारकांना 10,000 रुपयांपर्यंत कॅशबॅक मिळणार आहे. प्री-ऑर्डर कालावधीनंतर ही सिरीज विजय सेल्सच्या सर्व स्टोअर्स आणि ऑनलाइन प्लॅटफॉर्मवर विक्रीसाठी उपलब्ध होणार आहे.