BSNL Kavach Number: महिलांच्या सुरक्षेसाठी कंपनीने उचलले महत्त्वाचे पाऊल, आता रिचार्ज करताना लपवता येणार मोबाईल नंबर!

आजच्या काळात महिला त्यांचा मोबाईल नंबर सुरक्षित ठेवण्यासाठी अनेक प्रयत्न करत असतात. बऱ्याचदा, दुकानांमध्ये किंवा सार्वजनिक ठिकाणी तुमचा नंबर दिल्यानंतर, तुम्हाला अनोळखी कॉल किंवा मेसेज येऊ लागतात, ज्यामुळे त्रास होतो.

• सार्वजनिक ठिकाणी आपला मोबाईल नंबर शेअर करणं चिंतेचा विषय
• कंपनीने “Kavach Number” नावाने एक नवीन फीचर लाँच केले
• यूजरला बीएसएनएलकडून एसएमएसद्वारे 10-अंकी पर्यायी नंबर दिला जाणार

डिजीटल काळात स्मार्टफोन आणि मोबाईल नंबर आपली ओळख बनले आहेत. बँक, सोशल मीडिया, ट्रेनचा पास काढण्यासाठी, ऑनलाईन शॉपिंग, ओटीपी अशा असंख्य कामांसाठी आपण आपल्या मोबाईल नंबरचा वापर करतो. काहीवेळा तर आपल्याला दुकानांमध्ये किंवा सार्वजनिक ठिकाणी आपला मोबाईल नंबर शेअर करावा लागतो. मात्र सार्वजनिक ठिकाणी आपला मोबाईल नंबर शेअर करणं चिंतेचा विषय आहे, विशेषत: महिलांसाठी. हीच समस्या लक्षात घेऊन सरकारी टेलिकॉम कंपनी बीएसएनएल एक ऊपाय घेऊन आली आहे. कंपनीने “Kavach Number” नावाने एक नवीन फीचर लाँच केले आहे. हे फीचर अंतरराष्ट्रीय महिला दिन म्हणजेच 8 मार्च रोजी लाँच करण्यात आले. महिलांची गोपनीयता आणि सुरक्षितता लक्षात घेऊन हे फीचर तयार करण्यात आल्याचे कंपनीचे म्हणणे आहे.

7 व्या वर्धापनदिनानिमित्त iQOO करणार मोठा धमाका! नव्या स्मार्टफोनने उडणार सर्वांची झोप; डिझाईन आणि परफॉर्मन्स पाहून डोळेच दिपतील

बीएसएनएल कवच नंबर

बीएसएनएल कवच नंबर एक अशी सुविधा आहे, जी महिलांचा मोबाईल नंबर सुरक्षित ठेवण्यासाठी मदत करणार आहे. या फीचरअंतर्गत यूजर्सना एक 10 अंकी तात्पुरता किंवा पर्यायी नंबर दिला जाणार आहे. हा नंबर यूजरचा खऱ्या मोबाईल नंबरसोबत लिंक असणार आहे. जेव्हा जेव्हा एखाद्या महिलेला तिचा फोन रिचार्ज करायचा असतो किंवा सार्वजनिक ठिकाणी तिचा नंबर द्यायचा असतो तेव्हा ती तिच्या खऱ्या मोबाईल नंबरऐवजी हा तात्पुरता कवच नंबर वापरू शकते. अशा प्रकारे, तिचा खरा नंबर अनोळखी लोकांसोबत शेअर केला जात नाही आणि तिची गोपनीयता राखली जाते.  (फोटो सौजन्य – Pinterest)

कवच नंबर फीचर कसं काम करतं?

बीएसएनएलने दिलेल्या माहितीनुसार, कवच नंबर एका प्रकारच्या सुरक्षित थराप्रमाणे काम करते. यूजरला बीएसएनएलकडून एसएमएसद्वारे 10-अंकी पर्यायी नंबर दिला जाणार आहे. हा नंबर यूजरच्या मोबाईल नंबरसोबत लिंक असणार आहे. जेव्हा यूजर रिचार्ज करतो, तेव्हा त्यांना स्वत:च्या मोबाईल नंबरऐवजी हा पर्यायी नंबर दिला जाऊ शकतो. सिस्टम तो तात्पुरता नंबर ओळखते आणि रिचार्ज खऱ्या मोबाइल नंबरवर पोहोचवते. याच्या मदतीने तुम्ही रिचार्ज देखील करू शकता आणि तुम्हाला तुमचा मोबाईल नंबर देखील शेअर करावा लागणार नाही.

Vivo मार्केट गाजवणार! नव्या बजेट फोनमध्ये यूजर्सना मिळणार फ्लॅगशिपसारखा अनुभव, किंमत आणि फीचर्स वाचून व्हाल थक्क

कवच नंबर मिळवण्यासाठी फॉलो करा या स्टेप्स

बीएसएनएलने हे फीचर वापरण्यास खूप सोपे केले आहे. यूजर खालील स्टेप्स फॉलो करून कवच नंबर मिळवू शकतात:

• सर्वात आधी तुमच्या स्मार्टफोनमध्ये बीएसएनएल सेल्फ केअर ॲप डाऊनलोड करा.
• अ‍ॅपमध्ये लॉग इन केल्यानंतर, कवच नंबर पर्याय शोधा.
• तेथून एक तात्पुरता नंबर जनरेट केला जाऊ शकतो.
• हा नंबर एसएमएसद्वारे देखील मिळू शकतो.
• याशिवाय, या फीचरशी संबंधित तपशीलवार माहिती बीएसएनएलच्या अधिकृत वेबसाइटवर देखील उपलब्ध आहे.