Year Ender 2025: iPhone Air पासून Nothing Phone 3 पर्यंत… हे आहेत वर्षभरात लाँच झालेले फ्लॉप स्मार्टफोन्स

Flashback 2025: वर्षभरात अनेक स्मार्टफोन्स लाँच झाले. काही स्मार्टफोन्स किंग ठरले तर काही स्मार्टफोन्सनी त्यांच्या फीचर्समुळे यूजर्सना निराश केलं. आयफोनसह असे काही स्मार्टफोन्स आहेत ज्यांना यूजर्सची पसंती मिळाली नाही.

• 2025 मध्ये युजर्सना निराश करणारे स्मार्टफोन्स
• या स्मार्टफोन्सची जादू नाही चालली
• आयफोनचा हा मॉडेल ठरला फ्लॉप

Flop Smartphones Of 2025: दरवर्षी टेक कंपन्या त्यांच्या ग्राहकांसाठी नवीन स्मार्टफोन्स लाँच करत आहेत. स्मार्टफोनची डिझाईन, फीचर्स, स्पेसिफिकेशन्स आणि किंमत सर्वकाही बदललं जातं. नवीन स्मार्टफोन आधीपेक्षा जास्त अपग्रेड असतात ज्यामुळे यूजर्सना चांगला अनुभव मिळू शकेल. अनेक बदलांसह स्मार्टफोन कंपन्या त्यांचे नवीन डिव्हाईस लाँच करत असतात. यातील काही डिव्हाईस यूजर्सना आवडतात तर काही डिव्हाईस फ्लॉप ठरतात, ज्यांना यूजर्सची पसंती मिळत नाही. 2025 मध्ये देखील असे काही स्मार्टफोन्स लाँच झाले ज्यांना यूजर्सची पसंती मिळाली नाही. म्हणजेच मोठ्या अपेक्षेने लाँच करण्यात आलेले हे स्मार्टफोन्स फ्लॉप ठरले. या स्मार्टफोन्सच्या फीचर्स आणि स्पेसिफेशन्सला यूजर्सची अपेक्षेप्रमाणे पसंती मिळाली नाही. आता आम्ही तुम्हाला 2025 मध्ये लाँच झालेल्या काही फ्लॉप स्मार्टफोन्सबद्दल सांगणार आहोत.

Year Ender 2025: Ghibli पासून Nano Banana पर्यंत, या व्हायरल ट्रेंड्सनी सोशल मीडियावर घातला होता धुमाकूळ

iPhone 16e

अ‍ॅपलने यावर्षाच्या सुरुवातीला iPhone 16e लाँच केला होता. परवडणारी किंमत, सॉलिड बिल्ड क्वालिटी आणि दिर्घकाळ सॉफ्टवेयर सपोर्ट या कारणांमुळे हा आयफोन यूजर्सना प्रचंड आवडेल अशी कंपनीला आशा होती. मात्र असं झालं नाही. या आयफोनला यूजर्सचा अपेक्षेप्रमाणे प्रतिसाद मिळाला नाही. जुनी डिझाईन, लिमिटेड कलर ऑप्शन आणि बेसिक कॅमरा सेटअप या कारणांमुळे या आयफोनने लोकांचे लक्ष वेधलं नाही.  (फोटो सौजन्य – Pinterest) 

iPhone Air

iPhone 16e व्यतिरिक्त अ‍ॅपलने लाँच केलेला iPhone Air देखील त्याची कमाल दाखवू शकला नाही. कंपनीने सप्टेंबर महिन्यात आयफोन 17 सिरीजसह iPhone Air लाँच केला होता. हा कंपनीचा आतापर्यंतचा सर्वात पातळ आयफोन मॉडेल होता. मात्र अल्ट्रा-स्लिम डिझाईन असून देखील हा आयफोन यूजर्सची मनं जिंकण्यात अयशस्वी ठरला. ज्यामुळे कंपनीने या मॉडेलचे प्रोडक्शन देखील कमी केले.

Samsung Galaxy S25 Edge

सॅमसंगने यावर्षी अल्ट्रा-थिन स्मार्टफोन सेगमेंटची सुरुवात केली आणि Galaxy S25 Edge लाँच केला. स्लिम डिझाईनमुळे हा स्मार्टफोन लोकांना आवडेल अशी आशा कंपनीने व्यक्त केली होती. मात्र हा स्मार्टफोन फ्लॉप ठरला. विक्री कमी झाल्यामुळे कंपनीने या स्मार्टफोनचे प्रोडक्शन पूर्णपणे बंद करण्याचा निर्णय घेतला. तसेच या मॉडेलचे पुढील व्हेरिअंट लाँच करण्याचा प्लॅन देखील रद्द केला. सॅमसंगने सांगितले की ते संपूर्ण Edge लाइनअप बंद करत आहे.

Year Ender 2025: 25 हजारांहून कमी किंमतीत मिळणार बेस्ट सेल्फी कॅमेरा! वर्षभरात लाँच झालेले हे आहेत टॉप स्मार्टफोन्स

Nothing Phone 3

अ‍ॅपल आणि सॅमसंगप्रमाणे नथिंगच्या Phone 3 ने देखील ग्राहकांना निराश केलं. कंपनीने यामध्ये विजुअल एक्सपेरिमेंट करण्यासाठी ट्रांसपेरेंट डिझाईन लँग्वेज सादर केली. नवीन ग्लिफ मॅट्रिक्ससह हा स्मार्टफोन मार्केटमध्ये हिट होण्याची शक्यता होती. मात्र असं झालं नाही. जास्त किंमत आणि कॅमेराची गुणवत्ता उच्च दर्जाची नसल्यामुळे, ग्राहकांना स्मार्टफोन फारसा आवडला नाही.