इंटरनेट नसेल तरी पेमेंट थांबणार नाही! UPI चे ऑफलाइन पेमेंट फीचर करणार तुमची मदत, स्टेप बाय स्टेप फॉलो करा ही प्रोसेस

यूपीआय पेमेंट करण्यासाठी सर्वात महत्त्वाची गोष्ट असते इंटरनेट. पण तुम्हाला माहिती आहे का, तुम्ही इंटरनेटशिवाय देखील ऑनलाईन व्यवहार करू शकता. मात्र यासाठी तुम्हाला काही प्रोसेस फॉलो करावी लागणार आहे.

• इंटरनेट बंद? पेमेंट तरीही सुरुच! UPI चे नवे फीचर ठरणार तुमच्यासाठी फायदेशीर
• इंटरनेटशिवायही पैसे पाठवा; UPI चे हे फीचर अनेकांना माहीतच नाही
• मोबाईलमध्ये डेटा नसला तरी payment होणार; UPI ची स्मार्ट ट्रिक जाणून घ्या

सध्याच्या काळात डिजीटल पेमेंट आपल्या रोजच्या जीवनातील महत्त्वाचा भाग बनला आहे. भाजी खरेदी करण्यापासून हॉटेलचे बिल भरण्यापर्यंत सर्व कामांसाठी डिजीटल पेमेंट पद्धतीचा वापर केला जातो. गुगल पे, फोनपे, पेटिएम आणि भिम यासांरख्या प्लॅटफॉर्म्समुळे ऑनलाईन पद्धतीने व्यवहार करणं अधिक सोपं झालं आहे. ऑनलाईन व्यवहार पूर्ण करण्यासाठी दोन गोष्टी सर्वात जास्त महत्त्वाच्या असतात. एक म्हणजे बँक अकाऊंट आणि दुसरे म्हणजे इंटरनेट. इंटरनेट नसेल तर ऑनलाईन पेमेंट करणं कठीण होऊन बसतं. यूजर्सची हीच समस्या लक्षात घेऊन एक नवीन फीचर जारी करण्यात आलं आहे. या फीचरबाबत अत्यंत कमी लोकांना माहिती आहे.

घरातच मिळणार थिएटरचा अनुभव! 100-इंच स्क्रीनसह Redmi चा नवा Smart TV लाँच, असे आहेत फीचर्स आणि स्पेसिफिकेशन्स

जारी करण्यात आलेल्या नवीन फीचरच्या मदतीने यूजर्स इंटरनेटशिवाय UPI पेमेंट करू शकणार आहेत. ही सुविधा 2022 मध्ये नेशनल पेमेंट्स कॉर्पोरेशन ऑफ इंडियाद्वारे सुरु करण्यात आली होती. या फीचरचा वापर करून यूजर्स खराब नेटवर्क असलेल्या ठिकाणी देखील अगदी सहजपणे व्यवहार करू शकणार आहेत. ऑफलाईन पेमेंट करण्याची प्रोसेस देखील अत्यंत सोपी आहे. (फोटो सौजन्य – Pinterest)

ऑफलाइन UPI पेमेंट फीचर काय आहे?

ही सुविधा USSD कोडद्वारे काम करते. याचा अर्थ असा आहे की, जर तुमच्या फोनमध्ये कॉल करण्याची सुविधा असेल तर तुम्ही इंटरनेटशिवाय देखील व्यवहार पूर्ण करू शकतात. यामध्ये कोणताही अ‍ॅप ओपन करण्याची किंवा क्यूआर कोड स्कॅन करण्याची गरज नसते. यामध्ये तुम्हाला केवळ एक कोड डायल करावा लागतो आणि त्यानंतर स्क्रीनवर एक मेन्यू दिसतो. इथे तुम्ही व्यवहार पूर्ण करू शकता. ही पद्धत थोडी पारंपरिक वाटू शकते, पण नेटवर्क नसताना ती खूप उपयुक्त ठरते.

इंटरनेटशिवाय पेमेंट करण्यासाठी फॉलो करा या स्टेप्स

• ऑफलाइन UPI पेमेंट करणं अत्यंत सोपं आहे. यासाठी तुम्हाला काही स्टेप्स फॉलो कराव्या लागणार आहेत.
• तुमच्या फोनमधून *99# डायल करा.
• आता स्क्रीनवर एक मेन्यू ओपन होईल, ज्यामध्ये तुम्हाला अनेक पर्याय दिसतील.
• यामध्ये तुम्हाला सेंड मनी पर्याय निवडावा लागेल.
• आता तुम्ही मोबाईल नंबर, UPI आयडी किंवा बँक खात्याद्वारे पैसे पाठवू शकता.
• मोबाईल नंबर एंटर केल्यानंतर व्यक्तीचे नाव स्क्रीनवर दिसेल.
• नाव कन्फर्म केल्यानंतर रक्कम एंटर करा.
• आता यूपीआय पिन एंटर करा आणि तुमचा व्यवहार पूर्ण होणार आहे.
• संपूर्ण प्रक्रिया काही सेकंदात पूर्ण होते आणि त्यासाठी इंटरनेटची आवश्यकता नसते.

BSNL Recharge Plan: मनोरंजन होणार आणखी स्मार्ट! नव्या प्लॅनमध्ये मिळणार Zee5 सह या प्लॅटफॉर्मचे सबस्क्रिप्शन, इतकी आहे किंमत

किती आहे ट्रांजेक्शन लिमिट?

ऑफलाइन UPI पेमेंटसाठी ट्रांजेक्शन लिमिट सेट करण्यात आली आबहे. सध्या, तुम्ही एका वेळी जास्तीत जास्त 5,000 रुपये पाठवू शकता. ही मर्यादा लहान खरेदीसाठी किंवा आपत्कालीन व्यवहारांसाठी उपयुक्त आहे.