केदारनाथ मंदिराचे दार या दिवशी बंद होणार! कधीपर्यंत दर्शन घेता येईल? शेवटची तारीख जाणून घ्या

तुम्ही केदारनाथ मंदिराला भेट देण्याचा विचार करत असाल तर लवकरात लवकर रजिस्ट्रेशन करा, कारण आता लवकरच केदारनाथचे दार बंद करण्यात येणार आहेत. केदारनाथ धमाची शेवटची तारीख आता जाहीर करण्यात आली आहे. त्यामुळे आता दर्शनासाठी भाविकांकडे फार कमी वेळ शिल्लक राहिला आहे.

केदारनाथ मंदिराच्या दर्शनासाठी आता अवघे काही दिवस उरले आहेत, कारण हिवाळ्यात बाबा केदारनाथचे दरवाजे बंद होणार आहेत. आम्ही तुम्हाला सांगतो की, दरवर्षी हिवाळ्याच्या सुरुवातीला भाविकांना दर्शनासाठी मंदिराचे दरवाजे बंद केले जातात. त्यानंतर थेट पुढच्या वर्षी म्हणजे एप्रिल किंवा मे महिन्यात दरवाजे उघडले जातात. यावर्षी केदारनाथच्या धामचे दार कोणत्या दिवशी बंद केले जाणार आहेत याची तारीख आता जाहीर करण्यात आली आहे. तुम्हीही केदारनाथला जाण्याच्या विचार करत असाल तर तुम्ही ही तारीख जाणून घेणे फार महत्त्वाचे ठरणार आहे.

यावर्षी 2024 मध्ये 10 मे रोजी बाबांच्या मंदिराचे दरवाजे उघडण्यात आले.या वर्षी दरवाजे उघडताच लाखोंचा जनसमुदाय बाबांच्या दर्शनासाठी पोहोचला होता, त्यामुळे अनेकांना दर्शनही घेता आले नव्हते आणि गर्दी इतकी होती की, भक्तांना मध्यमार्गी परतावे लागले होते . पण भक्तांना अजून वेळ आहे, दरवाजे बंद होण्यापूर्वी दर्शन घ्यायचे असेल तर एकदा मंदिर बंद होण्याची तारीख जाणून घ्या.

हेदेखील वाचा – Navratri Travel: देवीचं अद्भुत मंदिर जिथे भगवान गणेश आहेत पहारेकरी! कंसाला केली होती मृत्यूची भविष्यवाणी

या दिवशी बंद केले जातील केदारनाथ धामचे दार

केदारनाथ मंदिराच्या दर्शनासाठी आता महिनाभरापेक्षा कमी कालावधी शिल्लक आहे. हिवाळी ऋतूसाठी बाबा केदारचे दरवाजे 3 नोव्हेंबरला म्हणजेच भाऊबीजेच्या दिवशी सकाळी 8.30 वाजता बंद होतील. त्यानंतर पुढील 6 महिने बाबा केदारचे दर्शन शीतकाळासाठी, श्री ओंकारेश्वर मंदिर, उखीमठ येथे होईल. या तारखांना केदारनाथसोबतच चार धामचे दरवाजेही बंद असतात. बद्रीनाथचे दरवाजे बंद करण्याची घोषणा अद्याप झालेली नाही, दसऱ्याच्या दिवशी त्याची तारीख निश्चित केली जाईल.

हेदेखील वाचा – Navratri Travel: देवी स्कंदमातेचं चमत्कारी मंदिर, इच्छापूर्ती आणि मोक्षप्राप्तीसाठी प्रसिद्ध

केदारनाथ मंदिरातून उठेल डोली

भगवान केदारनाथच्या चल-विग्रह डोली कार्यक्रमानुसार, चल-विग्रह डोलीचे केदारनाथ मंदिरातून 3 नोव्हेंबर रोजी सकाळी 8.30 वाजता प्रस्थान होईल. त्यानंतर रात्रीच्या विश्रांतीसाठी रामपूरला पोहोचेल. 4 नोव्हेंबर रोजी ही डोली सकाळी रामपूर येथून निघून फाटा, नारायणकोटी मार्गे रात्रीच्या विश्रांतीसाठी श्री विश्वनाथ मंदिर गुप्तकाशी येथे पोहोचेल. त्यानंतर 5 नोव्हेंबर रोजी, चाल-विग्रह डोली श्री विश्वनाथ मंदिर गुप्तकाशी येथून सकाळी 8:30 वाजता निघेल, त्यानंतर सकाळी 11:20 वाजता श्री ओंकारेश्वर मंदिर, उखीमठ येथे शीतकालीन विश्रांती स्थळावर पोहोचेल. जिथे पुढचे 6 महिने बाबांचे दर्शन होईल.